ລິ້ງ ສຳຫລັບເຂົ້າຫາ

ລາຄາຮຸ້ນ ໃນຕະຫຼາດຢູໂຣບ ສູງຂຶ້ນໃນວັນພະຫັດມື້ນີ້ (ເບິ່ງວີດີໂອ)

  • ສິງ ບູຣົມມະວົງ

ດັດຊະນີຮຸ້ນ Hang Seng ທີ່ຮອງກົງ ຕົກລາຄາ ໃນວັນທີ 11 ສິງຫາ 2011 ມນ.



















ພວກ​ຕະຫຼາດ​ຮຸ້ນ​ໃນ​ຢູ​ໂຣບ​ໄຂ​ການ​ຊື້​ຂາຍ​ຮຸ້ນ​ກັນ​ໃນ​ທາງ​ບວກ​ໃນ​ວັນ​ພະຫັດ​ມື້​ນີ້ ​ເຖິງ​ແມ່ນ​
ວ່າ​ຂ່າວ​ບໍ່​ດີ​ທີ່​ມີມາ​ຕື່ມ​ອີກກ່ຽວ​ກັບ​ການ​ເສດຖະກິດ​ໂລກ​ ​ໄດ້​ສົ່ງ​ຜົນ​ໃຫ້​ລາຄາ​ຮຸ້ນ​ຂຶ້ນໆ​ລົງໆ
ຢູ່ໃນ​ເອ​ເຊຍ​ນັ້ນ.

ດັດຊະນີ​ຮຸ້ນ Nikkei ​ໃນ​ຍີ່ປຸ່ນ​ໄຂ​ຂຶ້ນ​ ​ເກືອບ 2 ​ເປີ​ເຊັນຕໍ່າ​ກວ່າລາຄາໃນ​ຕອນ​ຕະຫຼາດ
ອັດລົງ​ໃນ​ວັນ​ພຸດ​ວານ​ນີ້ ​ແຕ່​ຟື້ນ​ໂຕ​ຄືນໃນເວລາ​ອັດ​ຕະຫລາດໃນ​ວັນ​ພະຫັດ​ມື້​ນີ້ ​ໂດຍ
ເສຍ​ໄປປະມານ​ເຄິ່ງ​ເປີ​ເຊັນ. ດັດຊະນີ​ຮຸ້ນ Hang Seng ທີ່​ຮອງ​ກົງ​ ລົດ​ລົງ​ພຽງ 1 ​
ເປີ​ເຊັນ​ເວລາ​ຕະຫຼາດ​ອັດ ​ໃນ​ຂະນະ​ທີ່ດັດຊະນີ​ຮຸ້ນ​ໃນ​ເກົາຫລີ​ໃຕ້ ນະຄອນຊຽງ​ໄຮ້ ​ແລະ​
ຊິດ​ນີ ຟື້ນ​ໂຕ ຄືນຫລັງ​ຈາກ​ລາຄາ​ຮຸ້ນ​ລົດ​ລົງ​ເວລາ​ໄຂ​ຕະຫຼາດ​ນັ້ນ.

ໃນ​ຢູ​ໂຣບ ລາຄາ​ຮຸ້ນ​ໃນ​ຕະຫຼາດ​ທີ່​ກຸງ​ລອນ​ດອນ ກຸງ​ປາຣີ ​ແລະ​ນະຄອນ Frankfurt ສູງ​
ຂຶ້ນ 2 ​ເປີ​ເຊັນ​ຫລື​ຫລາຍ​ກວ່າໃນ​ການ​ຊື້​ຂາຍ​ໃນ​ເວລາ​ທ່ຽງ​ວັນ​ມື້​ນີ້.

ລາຄາ​ຮຸ້ນ​ໃນ​ຕະຫຼາດ​ໂລກ​ສູງ​ຂຶ້ນ​ຢ່າງ​ຫລວງຫລາຍ​ໃນ​ຕົ້ນ​ສັບປະດາ​ນີ້ ຫລັງ​ຈາກທີ່​ Fede
ral Reserve ກໍຄືທະນາຄານ​ແຫ່ງ​ຊາດ​ສະຫະລັດປະກາດ​ວ່າ ຕົນ​ຈະ​ຮັກສາ​ອັດຕາ​ດອກ
ເບ້​ຍ​ເງິນ​ກູ້ໃຫ້ຢູ່​ໃນ​ລະຫວ່າງ 0% ຫາ .25 ​ເປີ​ເຊັນ​ ​ໄປຈົນ​ຮອດ​ຢ່າງ​ນ້ອຍ​ປີ 2013 ນັ້ນ.

ແຕ່​ຄວາ​ມ​ເປັນ​ຫ່ວງກັງວົນ​ທີ່​ມີຂຶ້ນມາ​ໃໝ່​ກ່ຽວ​ກັບ​ການ​ເຕີບ​ໂຕທີ່​ອ່ອນ​ແອ​ຂອງເສດຖະກິດ
ໃນ​ສະຫະລັດ​ ແລະ​ລາຍ​ງານ​ທີ່ວ່າ ຝຣັ່ງອາດ​ຈະ​ເສຍຄະ​ແນນຄວາມ​ໜ້າ​ເຊື່ອ​ຖື​ດ້ານ​ສິນ​ເຊື່ອ​
ຂອງ​ຕົນທີ່ຢູ່​ໃນ​ລະດັບ 3A ນັ້ນ ໄດ້ເຮັດ​ໃຫ້​ລາຄາ​ຮຸ້ນ​ຕົກລົງ​ອີກ​.

ທີ່​ນະຄອນ​ນີວຢອກ​ໃນ​ວັນ​ພຸດ​ວານ​ນີ້ ລາຄາ​ຮຸ້ນ Dow Jones ​ຕົກລົງ​ເກືອບ 5 ​ເປີ
ເຊັນ​ ໃນ​ຂະນະ​ທີ່​ລາຄາ​ຮຸ້ນ S&P ​ກັບ NASDAQ ກໍ ຕົກລົງ​ຢ່າງ​ຫລວງຫລາຍ​ເຊ່ນ
ກັນ. ພວກ​ດັດຊະນີ​ຮຸ້ນຢູ​ໂຣບ​ໃຫຍ່ໆ ​ ທີ່​ກຸງ​ລອນ​ດອນ ປາຣິແລະ Frankfurt ກໍ​ລົດ
ລົງເຊ່ນ​ກັນ ຫລາຍ​ເຖິງ 5 ​ເປີ​ເຊັນ.

ເບງວີດີໂອ ລາຍງານທີ່ກຽວຂອງກັນ:

XS
SM
MD
LG