ລິ້ງ ສຳຫລັບເຂົ້າຫາ

ຮຸ້ນໃນຕະຫຼາດເອເຊຍທົ່ວໄປ ມີລາຄາດີຂຶ້ນ

  • ສິງ ບູຣົມມະວົງ

ພໍ່ຄ້າເງິນຕາຄົນນຶ່ງເຮັດວຽກຢູ່ໃນຈໍໂທລະພາບ ທີ່ສະແດງຮູບພາບ ທ່ານ Ben Bernanke ປະທານທະນາຄານແຫ່ງຊາດສະຫະລັດ ທີ່ສໍານັກງານໃຫຍ່ຂອງທະນາຄານແລກປ່ຽນເງິນຕາທີ່ກຸງໂຊນ, ເກົາຫລີໃຕ້ ວັນທີ 10 ສິງຫາ 2011





















ພວກ​ຕະຫຼາດ​ຮຸ້ນ​ທົ່ວ​ໄປ​ໃນ​ເອ​ເຊ​ຍອັດ​ລົງ​ໃນ​ທາງ​ບວກ​ໃນ​ວັນ​ພຸດ​ມື້​ນີ້ ຕາມ​ຫລັງການ​ຟື້ນ
ໂຕ​ຄືນ​ຢ່າງ​ໃຫຍ່​ ​ໃນຕະຫຼາດ​ຮຸ້ນ​ Wall Street ຂອງ​ສະຫະລັດທີ່​ນະຄອນ​ນີວຢອກ​
​ໃນມື້ວານ​ນີ້ ຫລັງ​ຈາກທີ່​ລາຄາ​ຮຸ້ນ​ໄດ້​ຕົກລົງ​ຢ່າງ​ໃຫຍ່ໃນ​ມື້ວັນ​ຈັນ​ນັ້ນ.

ລາຄາ​ຮຸ້ນ​ Nikkei ຂອງ​ຍີ່ປຸ່ນ ອັດຕະຫຼາດ​ສູງ​ຂຶ້ນ 1 ​ເປີ​ເຊັນ​ໃນ​ວັນ​ພຸດ​ມື້​ນີ້​ ​ໃນ​ຂະນະ​ທີ່
ລາຄາ​ຮຸ້ນ​ໃນ​ຕະຫຼາດ​ໃຕ້​ຫວັນ​ ເພີ່ມ​ຂຶ້ນ​ຫລາຍ​ກວ່າ 3 ​ເປີ​ເຊັນ. ພວກຮຸ້ນທີ່ຕະຫຼາດ​ຮອງ​
ກົງ​ແລະ​ນະຄອນ​ຊິດ​ນີ ກໍ​ມີ​ລາຄາສູງ​ຂຶ້ນຢ່າງ​ນ້ອຍ 2 ​ເປີ​ເຊັນ​ໃນ​ຕອນທ່ຽງ​ມື້​ນີ້.

ພວກ​ຕະຫຼາດ​ຮຸ້ນ​ໃນ​ສະຫະລັດ​ ມີ​ການ​ຟື້ນ​ໂຕ​ຄືນ​ໃນ​ວັນ​ອັງຄານ​ຫລັງ​ຈາກ​ທະນາຄານ
ແຫ່ງ​ຊາດ​ສະຫະລັດອອກ​ມາ​ປະກາດວ່າ ຕົນ​ຈະ​ຮັກສາ​ອັດຕາ​ດອກ​ເບ້ຍ​ເງິນ​ກູ້​ທີ່ຢູ່ໃນ​ລະ
ດັບ​ຕໍ່າ​ສຸດຢູ່​ແລ້ວໃນ​ປັດຈຸບັນ​ນີ້​ ຄື​ໃນລະຫວ່າງ ສູນ ຫາ​ 1 ສ່ວນ 4 ຂອງ 1 ​ເປີ​ເຊັນນັ້ນ
ໄວ້​ຕໍ່​ໄປຈົນ​ຮອດ​ຢ່າງ​ນ້ອຍ ກາງ​ປີ 2013. ທະນາຄານ​ກາງ​ກ່າວ​ວ່າ ຕົນມີ​ຄວາມເປັນ​
ຫ່ວງ​ວ່າ ການ​ເສດຖະກິດ​ຂອງ​ປະ​ເທດ​ກໍາລັງ​ຟື້ນ​ໂຕ​ຄືນ​ຊ້າ​ກ່ວາ​ທີ່​ຄາດ​ໄວ້ ແລະ​ຕະຫຼາດ​
ແຮງ​ງານ​ກໍ​ອ່ອນ​ແອກ່ວາ​ທີ່ໄດ້​ຄາດຄະເນ​ໄວ້.

ບັນດາ​ເຈົ້າ​ໜ້າ​ທີ່​ຫວັງ​ວ່າ ອັດຕາ​ດອກ​ເບ້ຍ​ຕໍ່າ​ເປັນ​ປະວັດ​ການ​ນີ້ ຈະ​ພາ​ໃຫ້​ມີ​ການ​ກູ້​ຢືມ
ແລະ​ໃຊ້​ຈ່າຍ​ເງິນ​ຫລາຍ​ຂຶ້ນ​ຊຶ່ງ​ຈະ​ກະ​ຕຸ້ນ​ເສດຖະກິດ​ນັ້ນ.

ການ​ພົບ​ປະ​ຂອງ​ພວກເຈົ້າ​ໜ້າ​ທີ່ທະນາຄານ​ກາງຂອງ​ສະຫະລັດ​ມີ​ຂຶ້ນ​ຫລັງ​ຈາກທີ່ລາຄາ​
ຮຸ້ນໄດ້ຕົກລົງ​ຢ່າງ​ຫລວງຫລາຍ​ເປັນ​ເວລາ​ຫລາຍ​ມື້ໃນຕະຫຼາດ​ຮຸ້ນ​ຢູ່ໃນ​ທົ່ວ​ໂລກ ​ແລະ
ຫລັງ​ຈາກ​ທີ່​ອົງການ​ໃຫ້​ຄະ​ແນນ​ສິນ​ເຊື່ອ S&P ​ໄດ້ປະກາດ​ລົດ​ລະດັບ​ຄວາມໜ້າ​ເຊື່ອ​ຖື
ດ້ານ​ສິນ​ເຊື່ອ​ຂອງ​ສະຫະລັດ​ລົງ​ໃນ​ວັນ​ສຸກ​ຜ່ານ​ມານັ້ນ. ບັນດາ​ເຈົ້າ​ໜ້າ​ທີ່​ທະນາຄານ
ແຫ່ງຊາດ​ກ່າວ​ວ່າ ພວກ​ເຂົາ​ເຈົ້າຍັງ​ໄດ້ສົນທະນາ​ກັນ​ກ່ຽວ​ກັບ​ທາງ​ເລືອກ​ອື່ນໆດ້ານນະ
ໂຍບາຍ​ ເພື່ອ​ຊຸກຍູ້​ສົ່ງ​ເສີມ​ເສດຖະກິດນັ້ນ​ນໍາ​ ແລະ​ຕຽມ​ພ້ອມ​ທີ່​ຈະ​ໃຊ້​ທາງ​ເລືອກ​ເຫລົ່າ​
ນີ້​ ຖ້າ​ຫາກ​ຈໍາ​ເປັນ​ນັ້ນ.

XS
SM
MD
LG