ລາຄາຮຸ້ນໃນຢຸໂຣບສູງຂຶ້ນ ໃນຕອນທ່ຽງຂອງວັນສຸກມື້ນີ້ ລຸນຫລັງຈາກຖີບໂຕສູງຂຶ້ນ
ແດ່ຂອງລາຄາຮຸ້ນໃນຂົງເຂດເອເຊຍ ໃນຕອນທ້າຍຂອງອາທິດ ທີ່ປະສົບກັບສະພາວະ
ທີ່ຂຶ້ນໆລົງໆ ຢ່າງໃຫຍ່ຫລວງທີ່ສຸດຂອງຕະຫລາດຮຸ້ນທັງຫລາຍໃນທົ່ວໂລກ.
ລາຄາຮຸ້ນໃນອັງກິດ ຝຣັ່ງ ແລະເຢຍລະມັນ ຂຶ້ນຢ່າງໜອ້ຍ 2 ເປີເຊັນ ໃນເວລາເຄິ່ງວັນ
ຫລັງຈາກຝຣັ່ງ ອິຕາລີ ສະເປນ ແລະເບລຢ້ຽມ ໄດ້ສັ່ງຫ້າມຂາຍຫຸ້ນອອກເວລາຮຸ້ນຕົກ
ລາຄາ ເພື່ອລະງັບຄວາມປັ່ນປ່ວນໃນຕະຫລາດ ທີ່ເລິ່ມຂຶ້ນຈາກຂ່າວລືກ່ຽວກັບໜີ້ສິນ ຈໍານວນມະຫາສານຂອງຢຸໂຣບນັ້ນ.
ການຂາຍຮຸ້ນອອກເວລາລາຄາຕົກ ແມ່ນຈະໄດ້ກໍາໄລຈາກການຄາດຄະເນວ່າ ລາຄາຮຸ້ນ
ຈະຕົກຕໍ່າລົງໄປອີກ.
ຕະຫລາດຮຸ້ນຂອງຢຸໂຣບແລະສະຫະລັດ ຖີບຕົວສູງຂຶ້ນຢ່າງໄວເມື່ອວັນພະຫັດວານນີ້
ເວລາພວກຊື້ທັງຫລາຍ ໄດ້ຮັບກໍາລັງໃຈຂຶ້ນຈາກລາຍງານ ກ່ຽວກັບໜ້າວຽກຂອງສະຫະ
ລັດ ທີ່ອອກມາດີກວ່າຄາດໝາຍນັ້ນ.
ຫຸ້ນອຸດສາຫະກໍາດາວໂຈນສ໌ ຂຶ້ນ 4 ເປີເຊັນ ຫລັງຈາກຕົກຕໍ່າລົງຢ່າງຫລວງຫລາຍ
ຄືເກືອບ 5 ເປີເຊັນ ໃນມື້ກ່ອນ. ສ່ວນຮຸ້ນ S&P ແລະ NASDAQ ກໍສູງຂຶ້ນເຊັ່ນກັນ
ເວລາຕະຫລາດປິດ ໃນວັນພະຫັດວານນີ້.
