ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການໂຈມຕີ ທາງຄອມພິວເຕີ ເກີດຂຶ້ນ ຢູ່ທ່າເຮືອ ໃນ ອິນເດຍ


ເຮືອຫາປາລອຍຢູ່ກາງນໍ້າ ຕໍ່ໜ້າທ່າເຮືອ Jawaharlal Nehru ນະຄອນ ມຸມໄບ ປະເທດອິນເດຍ.
ເຮືອຫາປາລອຍຢູ່ກາງນໍ້າ ຕໍ່ໜ້າທ່າເຮືອ Jawaharlal Nehru ນະຄອນ ມຸມໄບ ປະເທດອິນເດຍ.

ການປະຕິບັດການໂຈມຕີທາງຄອມພິວເຕີໃນທົ່ວໂລກ ໄດ້ເກີດຂຶ້ນຢູ່ທ່າເຮືອຕູ້ຄອນເທນ
ເນີທີ່ໃຫຍ່ທີ່ສຸດຂອງ ອິນເດຍ ໃນວັນພຸດມື້ນີ້, ເປັນການເພີ່ມຄວາມເດືອດຮ້ອນໃຫ້ແກ່ລັດ
ຖະບານ ແລະ ທຸລະກິດຕ່າງໆທີ່ໄດ້ຮັບຜົນກະທົບໂດຍລະຫັດຮຽກຄ່າໄຖ່ທີ່ເອີ້ນວ່າ ransomware ທີ່ ຍຶດຂໍ້ມູນຂອງບັນຊີຜູ້ໃຊ້ເປັນຕົວປະກັນ ຈົນກວ່າຜູ້ເຄາະຮ້າຍຕົກລົງ
ທີ່ຈະຈ່າຍເງິນສຳລັບການປ່ອຍຕົວ.

ບັນຫາຕ່າງໆຢູ່ທ່າເຮືອ Jawaharlal Nehru ໃນນະຄອນ Mumbai ໄດ້ລວມເຖິງສະຖາ
ນີທີ່ປະຕິບັດການໂດຍບໍລິສັດຂົນສົ່ງສິນຄ້າຍັກໃຫຍ່່ ຂອງປະເທດ ເດັນມາກ A.P
Moller-Maersk. ບໍລິສັດດັ່ງກ່າວໄດ້ເວົ້າໃນວັນອັງຄານວານນີ້ ໃນຂະນະທີ່ການໂຈມຕີ
ໄດ້ແຜ່ລາມສ່ວນໃຫຍ່ໃນທະວີບ ຢູໂຣບ ແລະ ສະຫະລັດ ທີ່ລະຫັດຮ້າຍນັ້ນໄດ້ສົ່ງຜົນກະ
ທົບໃຫ້ສະຖານີຕ່າງໆ “ໃນທ່າເຮືອຈຳນວນຫຼາຍແຫ່ງ.”

ລັດຖະມົນຕີຮັກສາຄວາມປອດໄພທາງຄອມພິວເຕີຂອງ ອອສເຕຣເລຍ ທ່ານ Dan
Tehan ໄດ້ກ່າວຕໍ່ບັນດານັກຂ່າວ ໃນວັນພຸດມື້ນີ້ວ່າ ບັນ ດາເຈົ້າໜ້າທີ່ຍັງບໍ່ໄດ້ຢືນຢັນໄວຣັສຄອມພິວເຕີອັນດຽວກັນວ່າ ມີຄວາມຮັບຜິດຊອບໃນການໂຈມຕີຮຽກຄ່າໄຖ່ ໃນບໍລິ
ສັດສອງແຫ່ງຂອງ ອອສເຕຣເລຍ, ແຕ່ວ່າ “ທຸກໆສັນຍານແມ່ນຈະຖືກຊີ້ໄປຫາ” ກໍລະນີ
ນັ້ນ.

ທະນາຄານ, ຫ້ອງການລັດຖະບານ ແລະ ສະໜາມບິນ ໃນປະເທດ ຢູເຄຣນ ກໍແມ່ນໜຶ່ງ
ຂອງບັນດາຜູ້ທີ່ລາຍງານຈຸທຳອິດ ກ່ຽວກັບ ການໂຈມຕີທາງຄອມພິວເຕີດັ່ງກ່າວ.

ອ່ານຂ່າວນີ້ຕື່ມເປັນພາສາອັງກິດ

Experts: Global Cyberattacks to Increase
please wait

No media source currently available

0:00 0:02:13 0:00

XS
SM
MD
LG