ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ທ່ານ Giuliani ນຳໜ້າ ໃນການຖືກຄັດເລືອກ ເປັນລັດຖະມົນຕີຕ່າງປະເທດ ຂອງທ່ານທຣຳ


ອະດີດເຈົ້າຄອງນະຄອນ New York ທ່ານ Rudy Giuliani ມາເຖິງ Trump Tower.
ອະດີດເຈົ້າຄອງນະຄອນ New York ທ່ານ Rudy Giuliani ມາເຖິງ Trump Tower.

ປະທານາທິບໍດີ​ທີ່​ຖືກ​ເລືອກ​ໃໝ່​ຂອງ​ສະຫະລັດ ທ່ານ Donald Trump ​ກຳ​ລັງຄັດ​ເລືອກ ວ່າ ໃຜແດ່ຈະ​ເປັນ​ພາກສ່ວນ​ຢູ່ໃນ​ຄະນະ​ລັດຖະບານ​ຂອງ​ທ່ານ ຊຶ່ງແຫຼ່ງຂ່າວ​ທີ່ຮູ້ເລື້ອງດີ ກ່າວ​ວ່າ ອະດີດ​ເຈົ້າ​ຄອງ​ນະຄອນ​ New York ທ່ານ Rudy Giuliani ກຳລັງ​ມີ​ຄະ​ແນນ ນຳໜ້າ​ໝູ່ ​ທີ່​ອາດຈະ​ເປັນລັດຖະມົນຕີ​ຕ່າງ ປະ​ເທດ​ຄົນ​ຕໍ່​ໄປຂອງ​ສະຫະລັດ.

ທ່ານ Giuliani ​ມີ​ປະສົບພະ​ການ ​ເຄີຍ​ເປັນ​ໄອ​ຍະ​ການ​ລັດຖະບານ​ກາງ ​ແຕ່​ບໍ່​ມີປະສົບ​ການ​ດ້ານນະ​ໂຍບາຍຕ່າງປະ​ເທດ ຄື​ດັ່ງ​ບັນດາ​ຜູ້​ທີ່​ເຄີຍ​ໄດ້​ກຳ​ຕຳ​ແໜ່​ງ ດັ່ງກ່າວ​ຜ່ານ​ມາ.

ທ່ານ John Kerry ​ໄດ້​ເປັນ​ປະທານ​ຄະນະ​ກຳມະການ ຄວາມສຳພັນກັບຕ່າງ ປະເທດ ຂອງ​ສະພາ​ສູງ ກ່ອນ​ທີ​ທ່ານ​ຈະໄດ້​ເຂົ້າ​ກຳ​ຕຳ​ແໜ່​ງລັດຖະມົນຕີ​ຕ່າງປະ​ເທດ. ທ່ານ​ນາງ Condoleezza Rice ​ໄດ້​ເປັນ​ທີ່​ປຶກສາດ້ານ​ຄວາມ​ໝັ້ນຄົງ​ແຫ່ງ​ຊາດ ​ໃຫ້​ແກ່ອະດີດ​ປະທານາທິບໍດີ George W. Bush​. ທ່ານ Collin Power ​ໄດ້​ເປັນ​ທີ່​ປຶກສາ​ດ້ານຄວາມ​ໝັ້ນຄົງ​ແຫ່ງ​ຊາດ​ແລະ​ຍັງ​ໄດ້​ກຳ​ໜ້າ​ທີ່ອະວຸໂສ​ໃນກອງທັບ. ທ່ານ​ນາງ Madeleine
Albright ​ໄດ້​ເປັນ​ເອກ​ອັກຄະ​ລັດ ຖະທູດ​ຢູ່​ສະຫະ​ປະຊາ​ຊາດມາ​ກ່ອນ.

​ແຕ່​ວ່າ ທ່ານ Giuliani ​ໄດ້​ເປັນ​ຜູ້​ສະໜັບສະໜູນຢ່າງ​ເດັດດ່ຽວ ໃນການ​ໂຄສະ​ນາ​ຫາ​ສຽງ​ໃຫ້ທ່ານ Trump ​ແລະ​ບຸກຄົນ​ທັງ​ສອງ​ ໄດ້ຮູ້​ຈັກ​ການມາ​ເປັນ​ເວລາ​ຍາວ​ນານ.

ພາບບັນທຶກອະດີດປະທານສະພາຕໍ່າທ່ານ Newt Gingrich ກ່າວຢູ່ການໂຄສະນາຫາສຽງ ທີ່ສູນກາງ Sharonville Convention ໃນລັດ Cincinnati.
ພາບບັນທຶກອະດີດປະທານສະພາຕໍ່າທ່ານ Newt Gingrich ກ່າວຢູ່ການໂຄສະນາຫາສຽງ ທີ່ສູນກາງ Sharonville Convention ໃນລັດ Cincinnati.

ອະດີດ​ປະທານ​ສະພາ​ຕໍ່າ ທ່ານ New Gingrich ຊຶ່ງກໍ​ເປັນ​ຜູ້ສະໜັບສະໜູນທີ່ເຂັ້ມ​ແຂງຕໍ່​ທ່ານ Trump ອີກ​ຄົນ​ນຶ່ງ ​ໄດ້​ກ່າວ​ຕໍ່ໂທລະພາບ Fox News ​ໃນ​ວັນ​ຈັນ​ວານ​ນີ້ວ່່າ ທ່ານ Giuliani ອາດຢາກຈະ​ເປັນລັດຖະມົນຕີ​ກະຊວງ​ຍຸຕິ​ທໍາ ຫລືຜູ້​ນຳພາ​ກະຊວງ​ຮັກສາ​ຄວາມ​ປອດ​ໄພພາຍ​ໃນ​ຂອງສະຫະລັດ ​ແຕ່​ວ່າມັນ​ຈະ​ເປັນ​ເລື້ອງ​ທີ່ “ບໍ່​ໜ້າ​ເຊື່ອ” ຖ້າ​ຫາກ​ທ່ານ​ໄດ້​ຮັບ​ແຕ່ງ​ຕັ້ງ​ໃຫ້ເປັນ​ລັດຖະມົນຕີ​ຕ່າງ ປະ​ເທ​ດ.

ທ່ານ​ກ່າວ​ວ່າ “ທ່ານ​ບໍ່​ມີ​ຂໍ້​ມູນ​ໃດໆ ​ແຕ່​ຖ້າ​ຫາກ​ວ່າ ທ່ານ Rudy ຕ້ອງການ ​ແລ້ວ ທ່ານ​ກໍຈະ​ໄດ້​ຮັບໜ້າ​ທີ່.”

ທ່ານນາງ Nancy Pelosi ປະທານສະພາຕໍ່າສຽງສ່ວນນ້ອຍ ຈາກລັດ California ກ່າວຕໍ່ບັນດານັກຂ່າວຢູ່ ລັດຖະສະພາ ທີ່ນະຄອນຫລວງ Washington.
ທ່ານນາງ Nancy Pelosi ປະທານສະພາຕໍ່າສຽງສ່ວນນ້ອຍ ຈາກລັດ California ກ່າວຕໍ່ບັນດານັກຂ່າວຢູ່ ລັດຖະສະພາ ທີ່ນະຄອນຫລວງ Washington.

ທ່ານ Gingrich ກ່າວ​ເພີ້​ມອີກ​ວ່າ ທ່ານ Giuliani ຈະ​ນຳ​ເອົາ​ການ​ປະຕິ​ຮູບ​ທີ່​ຈຳ​ເປັນ​ມາ​ສູ່່ກະຊວງ​ຕ່າງປະ​ເທດ. ຜູ້​ສະໝັກ​ອີກ​ຄົນ​ນຶ່ງ​ທີ່ລາຍ​ງານ​ວ່າ​ຖືກພິຈາ ລະນາກໍ​ຄື ອະດີດ​ເອກ​ອັກຄະ​ລັດ​ຖະທູດ​ສະຫະ​ລັດ ປະຈຳສະຫະ​ປະຊາ​ຊາດ ທ່ານ John Bolton ​ທີ່​ໄດ້​ຮັບ​ໃຊ້​ຢູ່ໃນຕຳ​ແໜ່​ງດັ່ງກ່າວ ​ພາຍ​ໃຕ້ລັດຖະບານ ປະທານາທິບໍດີ Bush ​ແລະ​ຍັງ​ໄດ້​ໃຊ້​ເວລາ​ຫລາ​ຍປີ ຢູ່​ໃນ​ບົດບາດ​ເຈົ້າໜ້າທີ່ ຂັ້ນ​ສູງ​ສອງ​ຕຳ​ແໜ່​ງຂອງກະຊວງຕ່າງປະ​ເທດ.​

ທ່ານ Trump ຈະພົບ​ປະ​ໃນ​ວັນ​ອັງຄານ​ມື້​ນີ້ ​ກັບ​ຮອງ​ປະທານາທິບໍດີ​ທີ່ໄດ້ຖືກ​ເລືອກ ​ທ່ານ Mike Pence ​ເພື່ອ​ສືບ​ຕໍ່ທົບ​ທວນ​ເບິ່ງຜູ້​ທີ່​ຈະ​ໄດ້​ຮັບ​ການ​ແຕ່ງ ຕັ້ງ​ໃຫ້​ເຂົ້າຮັບ​ໜ້າ​ທີ່.

ອ່ານຂ່າວນີ້ເພີ້ມເປັນພາສາອັງກິດ

Trump Transition
please wait
Embed

No media source currently available

0:00 0:01:11 0:00

XS
SM
MD
LG