ຢ່າງໜ້ອຍ 30 ຄົນໄດ້ເສຍຊີວິດ ເວລາຜູ້ຍິງທີ່ໂຈມຕີດ້ວຍລະ
ເບີດສະຫລະຊີບຄົນນຶ່ງ ໄດ້ບີບຄະນວນລະເບີດໃຫ້ແຕກຂຶ້ນ
ຢູ່ຕະຫລາດປາ ທີ່ແອອັດໄປດ້ວຍຝູງຊົນ ໃກ້ກັບວັດອິສລາມ
ທີ່ເມືອງ Maiduguri ທາງພາກຕາເວັນອອກສຽງເໜືອຂອງ
ໄນຈີເຣຍ. ນອກນັ້ນຍັງມີຫຼາຍຄົນໄດ້ຮັບບາດເຈັບ ໃນຂະນະ
ທີ່ພວກຄ້າຂາຍ ພາກັນສູດມົນໃນຕອນບ່າຍ.
ບັນດາຜູ້ເຫັນເຫດການກ່າວວ່າ ຜູ້ຍິງຄົນທີສອງໄດ້ຫລົບໜີ
ໄປຈາກເຂດດັ່ງກ່າວ ແລະໄດ້ບີບຄະນວນລະເບີດໃຫ້ແຕກ
ຂຶ້ນບໍ່ເທົ່າໃດນາທີຕໍ່ມາ ແຕ່ໄດ້ສັງຫານພຽງແຕ່ໂຕນາງເອງ.
ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນທັນທີເທື່ອ ແຕ່ວ່າ ພວກຫົວຮຸນແຮງຈັດ
Boko Haram ມັກຈະແນເປົ້າໝາຍໃສ່ພົນລະເຮືອນ ຢູ່ທີ່ຕະຫລາດ ແລະຄິວລົດເມແຫ່ງ
ຕ່າງໆ ໃນເມືອງ Maiduguri ໃນລະຫວ່າງ ທີ່ມີການກໍ່ກະ ບົດຂອງພວກເຂົາເຈົ້າຫົກປີ
ຜ່ານມານີ້.
ພວກ Boko Haram ໄດ້ລັກພາໂຕເດັກນ້ອຍຜູ້ຍິງ ແລະຜູ້ຍິງ ຫລາຍຮ້ອຍຄົນ ແລະຈຳ
ນວນຜູ້ຍິງທີ່ທຳການໂຈມຕີດ້ວຍລະເບີດສະຫລະຊີບໄດ້ເພີ້ມຂຶ້ນ ທີ່ພາໃຫ້ມີຄວາມຢ້ານ
ກົວວ່າ ເຂົາເຈົ້ານຳໃຊ້ພວກທີ່ຖືກຈັບໄປເຫຼົ່ານັ້ນເປັນເຄື່ອງມືໃນການໂຈມຕີ.
ພວກ Boko Haram ໄດ້ເພີ້ມການໂຈມຕີ ນັບແຕ່ປະທານາທິບໍດີຄົນໃໝ່ຂອງ ໄນຈີເຣຍ
ທ່ານ Muhammadu Buhari ໄດ້ປະກາດວ່າ ກອງບັນຊາການທະຫານ ກຳລັງຍ້າຍຈາກ
ນະຄອນຫລວງ Abuja ໄປຢູ່ເມືອງ Maiduguri ທີ່ລັດ Borno.
ການໂຈມຕີມີຂຶ້ນ ໃນຂະນະທີ່ໄນຈີເຣຍ ແລະບັນດາປະເທດເພື່ອນບ້ານກຳລັງກະກຽມ
ກອງເສີມຄວາມເຂັ້ມແຂງໃຫ້ແກ່ກຳລັງປະສົມນາໆຊາດ ຊຶ່ງໃນປີນີ້ຈະໄດ້ຂັບໄລ່ພວກ
Boko Haram ອອກໄປຈາກຕົວເມືອງ ແລະໝູ່ບ້ານ ທີ່ພວກເຂົາເຈົ້າໄດ້ຈັດຕັ້ງ ໃນອັນ
ທີ່ຮ້ອງວ່າ ການປົກຄອງອິສລາມຂຶ້ນນັ້ນ.
