ຄະນະກຳມະການເລືອກຕັ້ງອັຟການິສຖານ ໄດ້ປະກາດຊື່ປະທາ
ນາທິ ບໍດີຄົນໃໝ່ໃນວັນອາທິດວານນີ້ ໃນເວລາພຽງບໍ່ເທົ່າໃດ
ຊົ່ວໂມງຫຼັງຈາກພວກຜູ້ສະໝັກເລືອກຕັ້ງທີ່ໄດ້ຄະແນນນຳໜ້າ
ສອງທ່ານ ລົງນາມໃນຂໍ້ຕົກລົງແບ່ງປັນອຳນາດກັນ.
ຂໍ້ຕົກລົງດັ່ງກ່າວ ເຮັດໃຫ້ທ່ານ Ashraf Ghani ເປັນປະທານາ
ທິບໍດີ ແລະຈັດຕັ້ງຕຳແໜ່ງຫົວໜ້າບໍລິຫານຂຶ້ນ ສຳຫລັບທ່ານ
Abdulla Abdullah ທີ່ເຄີຍເປັນຄູ່ແຂ່ງກັບທ່ານມາກ່ອນ. ຂໍ້
ຕົກລົງສະບັບນີ້ຍັງບັງຄັບໃຫ້ທ່ານ Ghani ເອົາບາດກ້າວທາງ
ດ້ານບໍລິຫານຫລາຍຢ່າງໃນທັນທີ ໃນຖານະເປັນປະທານາທິ
ບໍດີນັ້ນ ເພື່ອຫລຸດຜ່ອນອຳນາດຂອງທ່ານເອງລົງເພື່ອເຮັດໃຫ້
ຕຳແໜ່ງໃໝ່ຂອງທ່ານ Abdullah ເປັນຕຳແໜ່ງທີ່ຖາວອນ.
ຄຳປະກາດດັ່ງກ່າວມີຂຶ້ນ ຫຼັງຈາກການໂຕ້ຖຽງທາງດ້ານການເມືອງມາເປັນເວລາຫຼາຍສັບປະດາ ຕັ້ງແຕ່ມີການເລືອກຕັ້ງປະທານາທິບໍດີຮອບຊີ້ຂາດໃນວັນທີ 14 ມິຖຸນາເປັນ
ຕົ້ນມາ. ແຕ່ຄະນະກຳມະການເລືອກຕັ້ງບໍ່ໄດ້ແຈ້ງຈຳນວນຄະແນນສຽງເລືອກຕັ້ງທັງໝົດໃຫ້ຊາບຍ້ອນມີຄວາມເປັນຫ່ວງວ່າ ຖ້າກະທຳເຊັ່ນນັ້ນ ມັນອາດຈະສ້າງຄວາມເຄັ່ງຕຶງຂຶ້ນມາໄດ້.
ພິທີສາບານໂຕເຂົ້າຮັບຕຳແໜ່ງຂອງທ່ານ Ghani ກຳນົດຈະມີຂຶ້ນໃນວັນຈັນ ວັນທີ 29
ເດືອນນີ້.
ບັນດາເຈົ້າໜ້າທີ່ສະຫະລັດ ໄດ້ສະແດງຄວາມຊົມເຊີຍນຳຂໍ້ຕົກລົງດັ່ງກ່າວ ແລະເວົ້າວ່າ
ພວກເຂົາເຈົ້າເຊື່ອວ່າ ທ່ານ Ghani ຈະລົງນາມໃນຂໍ້ຕົກລົງດ້ານຄວາມປອດໄພສະບັບນຶ່ງ ເພື່ອອະນຸມັດໃຫ້ທະຫານອະເມຣິກັນ ຈຳນວນ 10 ພັນຄົນ ຢູ່ໃນອັຟການິສຖານກາຍ
ປີ 2014 ໄປໄດ້.
ໃນວັນອາທິດວານນີ້ ປະທານາທິບໍດີ ບາຣັກ ໂອບາມາ ໄດ້ໂທລະສັບຫາພວກຜູ້ສະໝັກ
ທັງສອງທ່ານ ເພື່ອກ່າວຊົມເຊີຍພວກເຂົາເຈົ້າທີ່ໄດ້ບັນລຸຂໍ້ຕົກລົງກັນນັ້ນ.
ພາບການເຊັນສັນຍາ ແບ່ງປັນອຳນາດ ທີ່ອັຟການິສຖານ
