ລິ້ງ ສຳຫລັບເຂົ້າຫາ

ຢ່າງໜ້ອຍ 10 ຄົນເສຍຊີວິດ ໃນອຸບັດເຫດ ລົດໄຟຕໍາກັນ ທີ່ເຢຍລະມັນ

  • ບົວສະຫວັນ

ພວກເຈົ້າໜ້າທີ່ຕໍາຫລວດກວດກາເບິ່ງຫົວຈັກຂອງລົດໄຟບັນທຸກຄົນໂດຍສານ ທີ່ປີ້ນຂວໍ້າພາຍຫລັງເກີດອຸບັດ ເຫດຕໍາກັນເຊິ່ງໆໜ້າກັບລົດໄຟຂົນສົ່ງສິນຄ້າ ຢູ່ບ້ານ Hordorf ຢູ່ໃນພາກຕາເວັນອອກຂອງເຢຍລະມັນ, ແລງວັນເສົາ ທີ 29 ມັງກອນ 2011. (AP Photo/dapd, Jens Schlueter)

ໄດ້​ເກີດ​ອຸບັດ​ຕິ​ເຫດ​ລົດ​ໄຟໂດຍສານ ຕໍາ​ກັນ​ກັບລົດ​ໄຟ​ຂົນ​ສົ່ງສິນຄ້າ ໃນ​ຕອນ​ແລງວັນ​ເສົາ​ວານ​ນີ້ ຢູ່​ໃນ​ພາກ​ຕາ​ເວັນ​ອອກ​ຂອງເຢຍລະ​ມັນ ຊຶ່ງ​ໄດ້ເຮັດ​ໃຫ້​ຄົນ​ເສຍ​ຊີວິດ 10 ຄົນ ​ແລະ​ອີກຢ່າງໜ້ອຍ 33 ຄົນ​ໄດ້ຮັບບາດ​ເຈັບ ຫລາຍ​ຄົນ​ມີ​ອາການສາຫັດ.

ພວກເຈົ້າໜ້າທີ່ທ້ອງ​ຖິ່ນ​ເວົ້າວ່າ ລົດ​ໄຟສອງ​ຄັນ​ນີ້ ໄດ້​ແລ່ນ​ຕຳ​ກັນ​ເຊິ່ງໆ​ໜ້າ ​ຢູ່ ບ້ານ Hordorf ​ໃກ້​ກັບ​ເມືອງ​ Magdeburg ​ເມືອງຫລວງ​ຂອງ​ລັດ Saxony-Anhalt. ພວກເຈົ້າໜ້າທີ່ຍັງເວົ້າອີກວ່າ ມີ​ພະນັກງານດັບ​ເພີງ, ຕຳຫລວດ ​ແລະ​ພະນັກງານ​ກູ້​ໄພ ຫລາຍກວ່າ 150 ຄົນ​ໄປ​ເຖິງ​ບ່ອນ​ເກີດ​ເຫດ ​ແລະ​ການ​ດຳ​ເນີນການ​ກູ້​ໄພ ກໍໄດ້ດໍາ​ເນີນສືບຕໍ່ມາ​ໃນ​ເຊົ້າວັນອາທິດມື້ນີ້.

ພວກຕຳຫລວດຍັງ​ບໍ່ທັນມີ​ຂໍ້​ມູນບອກ​ໃຫ້ຮູ້ໃນ​ທັນ​ທີ​ນີ້ເທື່ອ
ວ່າ​ແມ່ນ​ຫຍັງ​ກັນ​ແທ້ ທີ່​ອາດ​ໄດ້​ເປັນສາ​ເຫດ​ພາ​ໃຫ້​ເກີດ​ມີ​ອຸ​ບັດຕິ​ເຫດ​ຄັ້ງນີ້. ພວກ​ເຂົາເຈົ້າ
ເວົ້າວ່າຕູ້​ລົດໄຟ​ບັນທຸກ​ຄົນ​ໂດຍສານຫລາຍ​ຕູ້ຕົກ​ລາງ ​ແລະ​ກໍ​ປີ້ນຂວໍ້າ ​ແລະເຕືອນ​ວ່າຈຳ
ນວນ​ຄົນ​ເສຍ​ຊີວິດອາດ​ມີເພີ້ມສູງຂຶ້ນ.

XS
SM
MD
LG