ເຢຍຣະມັນ ໄດ້ສະແດງໃຫ້ເຫັນຄວາມສາມາດໃນການບຸກໂຈມຕີ
ທີ່ໜ້າປະທັບໃຈທີ່ສຸດ ໃນປະຫວັດສາດການແຂ່ງຂັນເຕະບານ
ໂລກ ໂດຍໄດ້ທຳລາຍທີມ ບຣາຊິລ ຊຶ່ງເປັນປະເທດເຈົ້າພາບ ໃນ
ຮອບຮອງຊະນະເລີດຫຼືຮອບ 4 ທີີມດ້ວຍຄະແນນ 7 ປະຕູຕໍ່ 1 ຊຶ່ງ
ຈະໄດ້ເຂົ້າໄປຫຼິ້ນ ໃນຮອບຊິງແຊ້ມເຕະບານໂລກ.
ການຍິງປະຕູຂອງ ເຢຍຣະມັນ ດັ່ງກ່າວນີ້ ແມ່ນຫລາຍທີ່ສຸດແບບ
ບໍ່ມີມາກ່ອນ ຢູ່ ໃນການແຂ່ງຂັນຮອບຮອງຊະນະເລີດເຕະບານ
ໂລກ ໃນຂະນະທີ່ບຣາຊິລ ເສຍ7 ປະຕູ ເປັນເທຶ່ອທຳອິດໃນຮອບ
80 ປີ.
ເຢຍຣະມັນ ຍິງປະຕູໄດ້ຫ້າເທຶ່ອໃນ 30 ນາທີທຳອິດຂອງການແຂ່ງຂັນ ໃນວັນອັງຄານວານ
ນີ້ ຢູ່ທີ່ເດີ່ນ Estadio Mineirao ໃນເມືອງ Belo Horizonte.
ເຢຍຣະມັນ ຊະນະ ບຣາຊີລ
ເຢຍຣະມັນ ປາກົດວ່າເປັນທິມຕົວເກັງ ໃນຕອນເລີ້ມການແຂ່ງຂັນ ລະຫວ່າງ 2 ທີມມະຫາ
ອຳນາດເຕະບານ ທີ່ໄດ້ຮັບໄຊຊະນະຮວມກັນແປດເທື່ອ ຂອງການແຂ່ງຂັນເຕະບານໂລກ.
ບຣາຊິລ ລົງຫລິ້ນໂດຍປາດສະຈາກກັບຕັນທິມ ທ້າວ Thiago Silva ແລະດາຣານັກເຕະ
ທ້າວ Neymar. ທ້າວ Silva ໄດ້ຖືກລົງໂທດບໍ່ໃຫ້ຫຼິ້ນນຶ່ງເກມ ເພາະວ່າ ລາວໄດ້ບັດ
ເຫລືອງສອງເທື່ອ. ທ້າວ Neymar ຜູ້ທີ່ທຳຄະແນນສີ່ປະ ຕູໃນການແຂ່ງຂັນນັ້ນ ລົງຫລິ້ນ
ບໍ່ໄດ້ຍ້ອນກະດູກສັນຫລັງຫັກ ໃນການແຂ່ງຂັນ ເທື່ອກ່ອນ.
ເຢຍຣະມັນ ຈະຫລີ້ນກັບທີມ ທີ່ຊະນະແຂ່ງຂັນຂອງຮອບຮອງຊະນະເລີດອີກຄູ່ ນຶ່ງ ລະຫວ່າງ
ອາເຈັນຕິນາ ສູ້ກັບເນເທີແລນ ໃນວັນພຸດມື້ນີ້ ຢູ່ນະຄອນ Sao Paulo. ທີມເນເທີແລນ ໄດ້
ເປັນທີສອງໃນການແຂ່ງຂັນເຕະບານໂລກທີ່ອາຟຣິ ກາໃຕ້ ເມື່ອສີ່ປີກ່ອນ.
ບັນດາຜູ້ຊະນະຈາກຮອບຮອງຊະນະເລີດ ຈະໄປສູ້ກັນເອົາແຊ້ມເຕະບ້ານໂລກ ຢູ່ທີ່ເດີ່ນນະ
ຄອນ Rio de Janerio ໃນວັນອາທິດຈະມານີ້. ສ່ວນທີມທີ່ເສຍ ໄຊຈະລົງຫລີ້ນແຂ່ງເອົາທີ
ສາມ ໃນວັນເສົາຈະມາ ຢູ່ທີ່ເດີ່ນນະຄອນ Brasillia.
