ປະທານາທິບໍດີຝຣັ່ງ ທ່ານ Francois Hollande ກ່າວວ່າ ມີ
ທາງເປັນໄປໄດ້ວ່າ ບໍ່ມີຄົນລອດມາໄດ້ຈັກຄົນ ໃນຈຳນວນທັງ
|ໝົດ 148 ຄົນ ຢູ່ໃນເຮືອບິນໂດຍສານ Airbus ລຸ້ນ A320 ທີ່
ຕົກລົງ ໃນເຂດພູເຂົາ Alps ຂອງຝຣັ່ງນັ້ນ.
ເຈົ້າໜ້າທີ່ການບິນແລະຕຳຫລວດ ກ່າວວ່າ ເຮືອບິນຂອງສາຍ
ການບິນ Germanwings ຖ້ຽວບິນທີ 9525 ທີ່ບັນທຸກ ຜູ້ໂດຍ
ສານກັບຈຸບິນ ທັງໝົດ 148 ຄົນໄດ້ປະສົບອຸບັດເຫດຕົກລົງໃນ
ເຊົ້າວັນອັງຄານມື້ນີ້ ໃນລະຫວ່າງຖ້ຽວບິນນະຄອນ Barcelona
ປະເທດສະເປນ ໄປຍັງເມືອງ Dusseldorf ຂອງເຢຍລະມັນ.
ເຈົ້າໜ້າທີ່ກ່າວວ່າ ພວກເຮືອບິນເຮລີຄອບເຕີ້ຊອກຄົ້ນໄດ້ພົບ
ເຫັນຊິ້ນສ່ວນຂອງເຮືອບິນຕົກ ຢູ່ເຂດຫ່າງໄກແຫ່ງໜຶ່ງ ໃນ
ພາກຕາເວັນອອກ ສຽງໃຕ້ຂອງຝຣັ່ງ ຊຶ່ງຈະເປັນການຍາກ
ລຳບາກສຳຫລັບພວກຊອກຄົ້ນແລະກູ້ໄພ ທີ່ຈະໄປຮອດໄດ້.
ເຮືອບິນລຳດັ່ງກ່າວໄດ້ສົ່ງສັນຍານແຈ້ງໄພສຸກເສີນ ແລະຮ້ອງ
ຂໍຄວາມຊ່ວຍເຫລືອ ບໍ່ດົນກ່ອນຈະຫາຍໄປຈາກຈຳເຣດາຣ໌.
Germanwings ເປັນສາຍການບິນນ້ອຍ ລາຄາຖືກ ໃນເຄືອຂ່າຍຂອງ Lufthansa ສາຍ
ການບິນຂອງເຢຍລະມັນ.
ໜັງສືພິມຝຣັ່ງ La Provence ລາຍງານວ່າ ມີຜູ້ໂດຍສານ 142 ຄົນ ນັກບິນ 2 ຄົນ ແລະພະນັກງານຈຸບິນ 4 ຄົນ ຢູ່ໃນເຮືອບິນລຳນັ້ນ.
ປະທານາທິບໍດີຝຣັ່ງ ທ່ານ Francois Hollande ທີ່ໄດ້ອອກມາຖະແຫລງ ຂ່າວ ກ່ຽວກັບເລື້ອງນີ້ ກ່າວວ່າ ເປັນໄປໄດ້ວ່າ ຫລາຍໆຄົນໃນພວກເຄາະຮ້າຍ ເປັນຄົນສັນຊາດເຢບລະມັນ.
ທ່ານກ່າວອີກວ່າ “ມັນເປັນໂສກນາດຕະກຳທີ່ເກີດຂຶ້ນ ຢູ່ໃນດິນຂອງພວກເຮົາ.” ແລະທ່ານຈະໂອ້ລົມກັບນາຍົກລັດຖະມົນຕີເຢຍລະມັນ ທ່ານນາງ Angela Merkel ໃນໄວໆນີ້.
ປ. ຝຣັ່ງວ່າ ອາດບໍ່ມີ ຜູ້ລອດຊີວິດ ຈາກເຮືອບິນຕົກ
Some material for this report came from AP.
