ການເຈລະຈາເລື້ອງການຢຸດຍິງໃນເຂດກາຊາ ທີ່ນະຄອນຫຼວງ
ໄຄໂຣ ປາກົດວ່າໃກ້ຈະພັງລົງອີກໃນວັນອາທິດມື້ນີ້ ໂດຍທີ່ພວກ
ເຈລະຈາຝ່າຍປາແລສໄຕນ໌ ໄດ້ຂົ່ມຂູ່ທີ່ຈະຍ່າງອອກໜີ ເວັ້ນເສຍ
ແຕ່ພວກເຈລະຈາ ຝ່າຍອິສຣາແອລ ຈະກັບຄືນມາສູ່ໂຕະເຈລະຈາ.
ບັນດາເຈົ້າໜ້າທີ່ອິສຣາແອລ ໄດ້ກ່າວວ່າ ພວກນັກເຈລະຈາຂອງ
ຕົນ ທີ່ພາກັນເດີນທາງອອກຈາກອີຈິບໄປໃນວັນສຸກນັ້ນ ຈະກັບ
ຄືນໄປ ກໍຕໍ່ເມື່ອການຍິງຈະຫຼວດຈາກເຂດກາຊາ ຍຸດຕິລົງເທົ່ານັ້ນ.
ບັນດາກຸ່ມຫົວຮຸນແຮງຮາມັສໃນເຂດກາຊາ ຍັງສືບຕໍ່ຍິງຈະຫຼວດໃສ່ອິສຣາແອລ ແລະອິສຣາແອລ ກໍສືບຕໍ່ທຳການໂຈມຕີທາງອາກາດຂອງຕົນໃສ່ເຂດກາຊາເຊັ່ນກັນ.
ບັນດາເຈົ້າໜ້າທີ່ໃນເຂດກາຊາ ກ່າວວ່າ ການໂຈມຕີທາງອາກາດຂອງອິສຣາແອລ ໃນວັນ
ອາທິດມື້ນີ້ ໄດ້ສັງຫານປະຊາຊົນຢ່າງໜ້ອຍ 1 ຄົນ.
ການຢຸດຍິງເປັນເວລາ 72 ຊົ່ວໂມງ ໄດ້ໝົດອາຍຸລົງໃນວັນສຸກອາທິດແລ້ວນີ້ ຫຼັງຈາກບໍ່ໄດ້
ບັນລຸຄວາມຄືບໜ້າໃດໆທີ່ໄຄໂຣ ກ່ຽວກັບການ ຢຸດຍິງໃນໄລຍະຍາວນັ້ນ. ກອງທັບອິສຣາ
ແອລກ່າວວ່າ ກຸ່ມຮາມັສໄດ້ຍິງຈະຫຼວດ 100 ລູກໃສ່ອິສຣາແອລ ນັບແຕ່ການຢຸດຍິງຊົ່ວ
ຄາວໝົດອາຍຸລົງ ແລະວ່າ ອິສຣາແອລໄດ້ໂຈມຕີອັນທີ່ເອີ້ນວ່າ “ສະຖານທີ່ ຂອງພວກ
ກໍ່ການຮ້າຍ 120 ແຫ່ງ ແລະພວກປະຕິບັດການ 9 ຄົນ.”
ອິສຣາແອລ ຍິງຖະຫຼົ່ມ ເຂດກາຊາອີກ ໃນວັນອາທິດນີ້
ກຸ່ມຮາມັສ ທວງໃຫ້ອິສຣາແອລຍົກເລີກການປິດລ້ອມເຂດກາຊາ ທີ່ມີມາເປັນເວລາດົນ
ນານນັ້ນ ໃນຂະນະທີ່ທາງອິສຣາແອລ ຢືນຢັດໃຫ້ ເຂດກາຊາເປັນເຂດປອດທະຫານ
ເສຍກ່ອນ.
ການໂຈມຕີທາງອາກາດຂອງອິສຣາແອລ ໃສ່ເຂດກາຊາມາເປັນເວລານຶ່ງເດືອນ ໄດ້
ສັງຫານພວກປາແລສໄຕນ໌ຫຼາຍກວ່າ 1900 ຄົນ ສ່ວນຫຼາຍແມ່ນພວກພົນລະເຮືອນ
ແລະໄດ້ທຳລາຍພວກຄຸ້ມຕ່າງໆ ໃຫ້ກາຍເປັນກອງຫີນ ແລະຂີ້ຝຸ່ນ ຢ່າງຮາບຄາບ.
ທະຫານອິສຣາແອລ 64 ຄົນແລະພົນລະເຮືອນ 3 ຄົນໄດ້ເສຍຊີວິດ. ທີ່ນະຄອນນີວຢອກ ພວກປະທ້ວງຫົວນິຍົມປາແລສໄຕນ໌ຫຼາຍຮ້ອຍຄົນ ພາກັນເດີນຂະບວນໃນວັນເສົາວານ
ນີ້ ຈາກໃນກາງເມືອງ Manhattan ໄປຫາສຳນັກງານໃຫຍ່ສະຫະປະຊາຊາດ ເພື່ອປະທ້ວງພຶດຕິກຳຂອງອິສຣາແອລ ໃນເຂດກາຊາ.
ຕຳຫຼວດໄດ້ໄປມີໜ້າຢ່າງໜາແໜ້ນ ແລະການເດີນຂະບວນປະທ້ວງໄດ້ດຳເນີນໄປຢ່າງສັນຕິ. ການປະທ້ວງໄດ້ມີຂຶ້ນເຊັ່ນກັນຢູ່ຫຼາຍໆຫົວເມືອງ ໃນທົ່ວໂລກ ຮວມທັງການເດີນ
ຂະບວນປະທ້ວງຢ່າງໃຫຍ່ ທີ່ນະຄອນຫຼວງລອນດອນນຳ.
