ເຈົ້າໜ້າທີ່ກ່າວວ່າ ການລະເບີດຢ່າງຕໍ່ເນື່ອງຂອງຕອນເຊົ້າວັນອາທິດມື້ນີ້ໄດ້ສັ່ນສະເທືອນເມືອງ ກາຊາ, ເຮັດໃຫ້ມີຄົນບາດເຈັບ 2 ຄົນ ແລະ ທຳລາຍລົດຢ່າງໜ້ອຍຫ້າຄັນທີ່ເປັນຂອງກຸ່ມ
ຮາມາສ ແລະ ກຸ່ມຫົວຮຸນແຮງ ອິສລາມ ຈີຮາດ.
ເຈົ້າໜ້າທີ່ຫຼາຍຄົນກ່າວວ່າ ການລະເບີດແມ່ນໄດ້ແນໃສ່ບ້ານ Sheik Radwan ທີ່ຢູ່ໃກ້ຄຽງ, ເຊິ່ງເປັນຖານທີ່ໝັ້ນຂອງກຸ່ມ
ຮາມາສ.
ການໂຈມຕີແມ່ນບໍ່ມີການອອກມາຮັບຜິດຊອບໂດຍທັນທີ່ທັນໃດ. ຈັ່ງໃດກໍຕາມ, ຮູບພາບໃນຈຸດເກີດເຫດຂອງການລະເບີດບ່ອນໜຶ່ງໄດ້ສະແດງໃຫ້ເຫັນທຸງຂອງກຸ່ມລັດອິສລາມຖືກທາສີໄວ້ຢູ່ຝາ.
ການລະເບີດຫຼາຍຄັ້ງໄດ້ເກີດຂຶ້ນທ່າມກາງ ຄວາມດີ້ນຮົນຍາດອຳນາດລະຫວ່າງກຸ່ມ
ຮາມາສ ແລະ ກຸ່ມລັດ ອິສລາມ ໃນເມືອງ ກາຊາ.
