ລິ້ງ ສຳຫລັບເຂົ້າຫາ

ເລຂາທິການໃຫຍ່ສະຫະປະຊາຊາດເຕືອນກຸ່ມ G20

  • ສິງ ບູຣົມມະວົງ

ທ່ານພັນກິມູນ ເລຂາທິການໃຫຍ່ສະຫະປະຊາຊາດ ຈັບມືກັບທ່ານຫລີມິອອງພັກ ປະທານາທິບໍດີເກົາຫລີໃຕ້ທີ່ກຸງໂຊນ ວັນທີ 10 ພະຈິກ 2010

ທ່ານ​ພັນ​ກີ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ ກ່າວ​ວ່າ
ທ່ານ​ຈະຊຸກຍູ້​ບັນດາ​ຜູ້​ນໍາ​ຂອງ​ພວກ​ປະ​ເທດ​ທີ່​ຮັ່ງມີ​ທີ່​ສຸດ​ໃນ
ໂລກ​ບໍ່​ໃຫ້​ລືມ​ພວກປະ​ເທດ​ທີ່​ທຸກ​ຈົນ​ທີ່​ສຸດ​ໃນ​ໂລກ ​ເວລາ​
ພວກ​ຜູ້​ນໍາ​ປະ​ເທດ​ເຫລົ່າ​ນີ້​ພົບ​ປະກັນ​ໃນ​ສັບປະດາ​ນີ້​ທີ່​ເກົາ
ຫລີ​ໃຕ້​.

ຫົວໜ້າ​ສະຫະ​ປະຊາ​ຊາດ​ທ່ານ​ນີ້ ກໍາລັງ​ຢູ່​ໃນ​ກຸງ​ໂຊນ​ເພື່ອ
ເຂົ້າ​ຮ່ວມໃນກອງ​ປະຊຸມ​ສຸດ​ຍອດ​ກຸ່ມ G20 ຊຶ່ງ​ຈະ​ເລີ້ມ​ໄຂ
ຂຶ້ນ​ໃນ​ວັນ​ພະຫັດ​ມື້​ອື່ນ​ນີ້.

ທ່ານ​ພັນ​ກີ​ມູນ​ກ່າວ​ຕໍ່​ບັນດາ​ນັກ​ຂ່າວ​ໃນ​ວັນ​ພຸດ​ມື້​ນີ້​ວ່າ ທ່ານ​ຈະ​ເຮັດ​ໃຫ້ ດີທີ່​ສຸດ​ເພື່ອ​ຮັບ
ປະກັນ​ວ່າ ພວກ 20​ປະ​ເທດ​ຊັ້ນ​ນໍາດ້ານ​ເສດຖະກິດ​ຂອງ​ໂລກ ຊອກ​ຫາ​ທາງ​ແກ້​ໄຂ​ສໍາລັບ
ພວກ​ປະ​ຊາ​ຊົນ​ທີ່​ທຸກ​ຈົນແລະ​ໄດ້​ຕົກຢູ່ໃນຄວາມຫຼໍ່ແຫຼມຫລາຍ​ທີ່​ສຸດ​ເຂົ້າ​ໃນ​ແຜນການ​ຂອງ​
ພວກ​ຕົນ.

ທ່ານ​ພັນ​ກີ​ມູນ ກ່າວ​ຕື່ມ​ວ່າ ທ່ານ​ມີຂໍ້ຄິດເຫັນຫຼືຄຳເຕືອນ​ທີ່​ສໍາຄັນ 3 ຢ່າງ​ສຳລັບ​ກອງ​ປະຊຸມ
ກຸ່ມ G20 ນີ້ ຄືທໍາ​ອິດ​ພວກ​ປະ​ເທດ​ທີ່​ຈະ​ເລີນ​ແລ້ວ​ຈະ​ຕ້ອງ​ຮັກສາ​ຄໍາ​ໝັ້ນ​ສັນຍາ​ຂອງ​ຕົນ​ທີ່​ໃຫ້​
ໄວ້ກັບເປົ້າ​ໝາຍ​ການ​ພັດທະນາ​ສະຫັດ​ສະ​ວັດ​ສະຫະ​ປະຊາ​ຊາດ ສອງ​ມາ ການ​ລົງທຶນ​ຈະ​ຕ້ອງ
ໄປ​ລົງທຶນ​ໃນ​ບ່ອນ​ໃດ​ທີ່​ຈະ​ສາມາດ​ນໍາ​ສິ່ງ​ດີ​ທີ່​ສຸດ​ມາ​ໃຫ້ ​ເຊ່ນ ຄວາມໝັ້ນຄົງ​ທາງ​ດ້ານ​ເຂົ້າປາ​ອາ
ຫານ ​ແລະ​ສຸກຂະພາບ​ສໍາລັບ​ແມ່ຍິງ​ແລະ​ເດັກນ້ອຍ ​ແລະ​ສາມ​ມາ ​ແມ່ນໃຫ້ພວກ​ປະ​ເທດ​ເຫລົ່າ​ນີ້
ຈະ​ຕ້ອງ​ເຮັດ​ໃຫ້ການ​ຕໍ່ສູ້​ເລື້ອງ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ນີ້​ຄືບໜ້າ​ຕໍ່​ໄປ.

XS
SM
MD
LG