ລິ້ງ ສຳຫລັບເຂົ້າຫາ

ວັນພຸດ, ໑໙ ມິຖຸນາ ໒໐໒໔

ບັນດາຜູ້ນໍາຂອງກຸ່ມ G20 ກ່າວສັນລະເສີນຕໍ່ ມື້​ລາງ​ມະ​ຫາ​ຕະ​ມະຄານທີ


ບັນດາເຈົ້າໜ້າທີ່ ລໍຖ້າການເດີນທາງມາເຖິງຂອງບັນດາຜູ້ນໍາກຸ່ມ G20 ຢູ່ທີ່ Rajghat, ເຊິ່ງເປັນອະນຸສອນສະຖານຂອງ ທ່ານຄານທີ, ໃນນະຄອນຫຼວງນິວເດລີ, ອິນເດຍ, ວັນທີ 10 ກັນຍາ 2023.
ບັນດາເຈົ້າໜ້າທີ່ ລໍຖ້າການເດີນທາງມາເຖິງຂອງບັນດາຜູ້ນໍາກຸ່ມ G20 ຢູ່ທີ່ Rajghat, ເຊິ່ງເປັນອະນຸສອນສະຖານຂອງ ທ່ານຄານທີ, ໃນນະຄອນຫຼວງນິວເດລີ, ອິນເດຍ, ວັນທີ 10 ກັນຍາ 2023.

ບັນດາຜູ້ນໍາກຸ່ມ G20 ໃນວັນອາທິດວານນີ້ ໄດ້ກ່າວຄໍາສັນລະເສີນຕໍ່ມະຫາຕະມະ ຄານທີ (Gandhi) ຢູ່ທີ່ອະນຸສອນສະຖານ ຣາຈ ກາດທ໌ (Raj Ghat) ຂອງເດລີ, ເຊິ່ງອຸທິດໃຫ້ແກ່ທ່ານຄານທີ ຜູ້ທີ່ນໍາໃຊ້ການຕໍ່​ສູ້ໂດຍ​ບໍ່​ໃຊ້ຄວາມຮຸນແຮງ ເພື່ອປົດປ່ອຍ ອິນເດຍ ຈາກການປົກຄອງຂອງອັງກິດ.

ບັນດາຜູ້ນໍາໂລກເຂົ້າຮ່ວມກອງປະຊຸມສຸດຍອດ​ກຸ່ມ G20 ເປັນເວລາ 2 ມື້ຢູ່ອິນເດຍ ໃນປີນີ້ ມີການຕົກລົງເຫັນດີຮ່ວມກັນໃນວັນເສົາແລ້ວ ຕໍ່ການປະກາດຮ່ວມກັນກ່ຽວກັບ ການຮຸກຮານຢູເຄຣນ ຂອງ ຣັດເຊຍ.

ການປະກາດໃນວັນເສົາທີ່ຜ່ານມາ ກ່ຽວກັບຄວາມຂັດແຍ້ງນັ້ນ ແມ່ນອ່ອນກວ່າການປະກາດຢູ່ກອງປະຊຸມສຸດຍອດ ທີ່ຈັດຂຶ້ນໃນເກາະບາຫຼີ ເມື່ອປີກາຍນີ້. ປີແລ້ວນີ້ ກຸ່ມ G20 ໄດ້ປະ​ນາມການຮຸກຮານຢູເຄຣນ ຂອງ ຣັດເຊຍ ແລະໄດ້ຮຽກຮ້ອງໃຫ້ຣັດເຊຍ ຖອນ​ທະ​ຫານຂອງຕົນອອກໄປ. ໃນປີນີ້, ການປະກາດຂອງກຸ່ມ ​ບໍ່​ເຖິງ​ລະ​ດັບ​ເປັນ​ການປະນາມ ທີ່ຣັດເຊຍຍັງສືບ​ຕໍ່​ມີ​ໜ້າຢູ່ໃນຢູເຄຣນ.

ຂໍ້ຕົກລົງເຫັນດີ ທີ່ເປັນເອກະພາບກັນຂອງກຸ່ມ ກ່ຽວກັບການປະກາດ ໃນປີນີ້ ແມ່ນຄວາມສໍາເລັດອັນຍິ່ງໃຫຍ່ສໍາລັບ ອິນເດຍ, ເຊິ່ງຮັບເປັນປະ​ທານຂອງກຸ່ມໃນປັດຈຸບັນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG