ລິ້ງ ສຳຫລັບເຂົ້າຫາ

ມີ​ລາຍ​ງານ​ວ່າ ຈີນ​ໄດ້​ປຽບ​ດ້ານ​ການ​ຄ້າ​ເປັນ​ມູນ​ຄ່າ 27
ຕື້​ກັບ 150ລ້ານ​ໂດ​ລາ​ໃນ​ຊ່ວງ​ເດືອນ​ຕຸລາ​ຜ່ານ​ມາຊຶ່ງ​ລື່ນ​
ການໄດ້​ປຽບ​ທາງ​ດ້ານ​ການ​ຄ້າ​ຈໍານວນ 16 ຕື້​ກັບ 900
ລ້ານ​ໂດ​ລາໃນ​ຊ່ວງ​ເດືອນ​ກ່ອນ​ນັ້ນຢ່າງ​ຫລວງຫລາຍ.

ການ​ກະ​ໂດດ​ຂຶ້ນ​ຢ່າງ​ຫລວງຫລາຍ​ຂອງ​ຈີນ​ນີ້ ​ແມ່ນ​ເປັນ​
ຈຸດເພ່ງ​ເລັງ​ໃສ່ຄວາມ​ບໍ່​ກໍ້າ​ເກິ່ງ​ກັນ​ ໃນ​ການ​ເສດ​ຖະກິດ
ຂອງ​ໂລກໃນ​ຂະນະ​ທີ່​ພວກ​ຜູ້​ນໍາຂອງ​ກຸ່ມ20 ປະ​ເທດ​ຊັ້ນ
ນໍາ​ທາງ​ດ້ານເສດຖະກິດ ​ພົບ​ປະກັນ​ເປັນ​ເວລາ 2 ມື້​ທີ່​
ເກົາຫລີ​ໃຕ້​ນັ້ນ. ມີ​ການຄາດ​ກັນ​ວ່າ ສະຫະລັດ​ຈະ​ແຈ້ງ​
ໃຫ້​ຊາບ​ກ່ຽວ​ກັບ​ການ​ເສຍປຽບດ້ານ​ການ​ຄ້າ​ຂອງ​ຕົນ​ໃຫ້​ຊາບ​ໃນ​ຈໍານວນ​ປະມານ 45
ຕື້​ໂດ​ລາ​ໃນ​ຕອນ​ບ່າຍໆ​ວັນ​ພຸດ​ມື້​ນີ້.

ໂຕ​ເລກ​ຂອງ​ຈີນ​ທີ່​ເປີດ​ເຜີຍ​ໃຫ້​ຊາບ​ໃນ​ວັນ​ພຸດ​ມື້​ນີ້ ສະທ້ອນ​ໃຫ້ເຫັນ​ການເພີ່ມ​ຂຶ້ນຢ່າງ
ຫລວງຫລາຍ​ໃນ​ການແລກປ່ຽນ​ການ​ຄ້າກັນ​ນັ້ນ ດ້ວຍການ​ສົ່ງ​ອອກ​ສິນຄ້າ ​ເພີ່ມ​ຂຶ້ນ
22.9 ​ເປີ​ເຊັນ ​ແລະ​ການ​ນໍາ​ເຂົ້າ​ສິນຄ້າ​ເພີ່ມຂຶ້ນ 25.3 ​ເປີ​ເຊັນ​ນັ້ນ.

ສະຫະລັດ​ແລະ​ພວກ​ປະ​ເທດ​ຈະ​ເລີ​ນແລ້ວອື່ນໆ ພາກັນ​ກ່າວ​ຫາຈີນ​ວ່າ ຮັກສາ​ຄ່າ​ເງິນ
ຕາ​ຂອງ​ຕົນ​ໃນ​ລາຄາ​ຕໍ່າ​ຢ່າງ​ບໍ່​ຍຸຕິ​ທໍາ​ເພື່ອວ່າ​ຕົນ​ຈະ​ສາມາດ​ຂາຍ​ສິນຄ້າ​ສົ່ງ​ອອກ​ຂອງ
ຕົນ​ໃນ​ລາຄາ​ຖືກ​ກວ່າໃນຕ່າງປະ​ເທດ​ນັ້ນ. ​ເລື້ອງ​ເງິນຕາ​ນີ້​ໄດ້​ກະ​ຕຸ້ນ​ໃຫ້ເກີດ​ການ​ຖົກ
ຖຽງ​ກັນ​ຢ່າງ​ເຜັດ​ຮ້ອນ ​ໃນ​ລະຫວ່າງ​ການ​ໂອ້​ລົມ​ສົນທະນາ​ກັນ ​ຂັ້ນຕຽມ​ການ​ສໍາລັບ​
ກອງ​ປະຊຸມ​ສຸດ​ຍອດ​ຂອງ​ກຸ່ມ G20 ຊຶ່ງ​ຈະ​ໄຂ​ຂຶ້ນໃນ​ວັນ​ພະຫັດ​ແລະ​ວັນ​ສຸກ​ສັບປະດາ​
ນີ້​ໃນ​ກຸງ​ໂຊນ​ນັ້ນ.

XS
SM
MD
LG