ລິ້ງ ສຳຫລັບເຂົ້າຫາ

ພິທີສົ່ງສະການ ໃຫ້ແກ່ເຈົ້າໜ້າທີ່ ອາວຸໂສ ຂອງນິກາຍຮູຕີ ທີ່ຖືກຂ້າຕາຍ ໃນການໂຈມຕີ ທີ່ເຢເມນ


ພວກສະໜັບສະໜຸນ ນິກາຍຮູຕີ ຖືໂພສເຕີ້ ຮູບພາບ ຂອງທ່ານ ຊາເລ ອາລ-ຊາມັດ ເຈົ້າໜ້າທີ່ອາວຸໂສ ຂອງນິກາຍຮູຕີ, ໃນຂະບວນແຫ່ສົບ ທີ່ໄດ້ຈັດຂຶ້ນໃຫ້ແກ່ທ່ານ ແລະ ອີກ 6 ຄົນ ທີ່ໄດ້ເສຍຊີວິດ ໂດຍການໂຈມຕີທາງອາກາດ ເມື່ອສັບປະດາ ແລ້ວນີ້ ໃນນະຄອນຫຼວງ ຊານາອາ ຂອງເຢເມນ, ວັນທີ 28 ເມສາ 2018.

ຊາວເຢເມນຫຼາຍພັນຄົນ ໄດ້ພາກັນໄປເຂົ້າຮ່ວມໃນພິທີສົ່ງສະການເຈົ້າໜ້າທີ່ຂັ້ນສູງ
ຂອງກຸ່ມກະບົດນິກາຍຮູຕີ ຜູ້ທີ່ໄດ້ຖືກສັງຫານຫຼາຍກວ່ານຶ່ງສັບປະດາຜ່ານມາ ໃນ
ການໂຈມຕີທາງອາກາດ ຂອງກຸ່ມພັນທະມິດທີ່ນຳພາໂດຍຊາອຸດີ ອາເຣເບຍ ຢູ່ໃນ
ແຂວງໂຮເດອີດາ ຕັ້ງຢູ່ແຄມຝັ່ງທະເລ.

ທ່ານ ຊາເລ ອາລ-ຊາມັດ ຫົວໜ້າສະພາການເມືອງສູງສຸດຂອງນິກາຍຮູຕີ ໄດ້ຖືກສັງ
ຫານໃນການໂຈມຕີທາງອາກາດ ພ້ອມກັນກັບ ອີກ 6 ຄົນ. ທ່ານ ມາດີ ອາລ-ມາຊາຕ
ຜູ້ທີ່ຈະເຂົ້າມາຮັບໜ້າທີ່ແທນ ທ່ານ ອາລ-ຊາມາດ ກໍລວມຢູ່ໃນກຸ່ມພວກໄວ້ອາໄລ ທີ່
ໄດ້ເຂົ້າຮ່ວມໃນພິທີສົ່ງສະການດັ່ງກ່າວ ຢູ່ໃນຈະຕຸລັດ ອາລ-ຊາບີນ ຂອງນະຄອນ
ຫຼວງຊານາອາ.

ຜູ້ນຳກຸ່ມກະບົດ ນຳພາໂດຍ ທ່ານ ອັບດູລ-ມາເລັກ ອາລ-ຮູຕີ ໄດ້ປະຕິຍານວ່າ ຈະ
ລ້າງແຄ້ນ ການເສຍຊີວິດໃຫ້ແກ່ ທ່ານອາລ-ຊາມັດ.

ແລ້ວບໍ່ດົນຫຼັງຈາກພິທີສົ່ງສະການໄດ້ເລີ້ມຕົ້ນຂຶ້ນ ພວກຮູຕີ ໄດ້ກ່າວວ່າ ພວກເຂົາໄດ້
ເລີ້ມການໂຈມຕີຍິງລູກສອນໄຟຂີປະນາວຸດ ເຂົ້າໃສ່ເຂດແດນຂອງພວກນິກາຍຊູນີ.
ສ່ວນກຸ່ມພັນທະມິດທີ່ນຳພາໂດຍ ຊາອຸດີ ກໍໄດ້ກ່າວວ່າ ຕົນໄດ້ສະກັດລູກສອນໄຟ
ຈຳນວນ 4 ລູກ ເຊິ່ງກຳລັງມຸ້ງໜ້າໄປຍັງເມືອງແຄມຝັ່ງທະເລ ຈີຊານ.

ກຸ່ມພັນທະມິດ ຍັງໄດ້ກ່າວອີກວ່າ ຊາຍຄົນນຶ່ງ ໄດ້ເສຍຊີວິດຍ້ອນສິ້ນສ່ວນສະເກັດ
ລະເບີດ ຈາກການໂຈມຕີດັ່ງກ່າວ.

ໃນວັນເສົາວານນີ້ເຊັ່ນກັນ ກຸ່ມພັນທະມິດນຳພາໂດຍຊາອຸດີ ກໍໄດ້ໂຈມຕີທາງອາກາດ
ໃນນະຄອນຫຼວງຂອງເຢເມນ ເຮັດໃຫ້ຜູ້ນຳຂອງພວກຮູຕີ 2 ຄົນ ເສຍຊີວິດ.

ມັນບໍ່ເປັນທີ່ຊັດແຈ້ງໃນທັນທີເທື່ອວ່າ ມີອີກຈັກຄົນທີ່ໄດ້ເສຍຊີວິດ ຫຼື ບາດເຈັບ ໃນ
ການໂຈມຕີໃນນະຄອນຫຼວງ ຊານາອາ. ໂທລະພາບທີ່ດຳເນີນການໂດຍລັດຖະບານ
ຊາອຸດີ ອາຣາເບຍ ລາຍງານຈຳນວນຜູ້ເສຍຊີວິດ ຫຼາຍກວ່າ 50 ຄົນ ໃນຂະນະທີ່
ໂທລະພາບ ອາລ-ອາຣາເບຍ ໄດ້ກ່າວວ່າ ພວກກະບົດໄດ້ເສຍຊີວິດ ມີຢູ່ຢ່າງໜ້ອຍ
38 ຄົນ ໃນການໂຈມຕີທາງອາກາດ ຕໍ່ຕຶກກະຊວງພາຍໃນ ຂອງພວກນິກາຍຮູຕີ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG