ຄະນະກຳມະການສືບລັບ ຂອງສະພາສູງສະຫະລັດ ກ່າວວ່າ ອະດີດຜູ້ອຳນວຍການ
ຂອງອົງການສັນຕິບານກາງ ຫຼື FBI ຂອງສະຫະລັດ ທ່ານ James Comey ໄດ້ຕົກ
ລົງທີ່ຈະໄປໃຫ້ການຢ່າງເປັນການເປີດເຜີຍກ່ຽວກັບການແຊກແຊງຂອງຣັດເຊຍເຂົ້າ
ໃນການເລືອກຕັ້ງປະທານາທິບໍດີ ໃນປີ 2016 ຂອງສະຫະລັດ.
ຫົວໜ້າກຳມະການສືບລັບຂອງສະພາສູງ ໄດ້ປະກາດໃນຖະແຫຼງການສະບັບນຶ່ງໃນ
ວັນສຸກວານນີ້ວ່າ ທ່ານ Comey ຈະໄປໃຫ້ການຕໍ່ໜ້າຄະນະກຳມະການຊຶ່ງມີກຳນົດ
ຈະຈັດຂຶ້ນ ຫຼັງຈາກວັນພັກ Memorial Day ຫຼືວັນໄວ້ອາໄລໃຫ້ແກ່ພວກທະຫານທີ່
ໄດ້ເສຍຊີວິດ ໃນລະຫວ່າງການປະຕິບັດໜ້າທີ່ ຄືວັນທີ 29 ພຶດສະພາ.
ສະມາຊິກສະພາສູງ Richard Burr ປະທານກຳມະການ ທີ່ສັງກັດພັກຣີພັບບລີກັນ
ກ່າວວ່າ “ຂ້າພະເຈົ້າຫວັງວ່າ ທ່ານ Comey ຈະໃຫ້ຄວາມກະຈ່າງແຈ້ງແກ່ຊາວອາ
ເມຣິກັນ ກ່ຽວກັບເຫດການ ຫວ່າງບໍ່ດົນຜ່ານມານີ້ ທີ່ໄດ້ມີການລາຍງານຢ່າງກວ້າງ
ຂວາງຢູ່ໃນສື່ມວນຊົນ.”
ສ່ວນສະມາຊິກສະພາສູງ Mark Warner ຜູ້ນຳຂອງພັກເດໂມແຄຣັດໃນຄະນະກຳ
ມະການສືບລັບ ກ່າວວ່າ “ຂ້າພະເຈົ້າຫວັງວ່າ ການໃຫ້ການ ຂອງອະດີດຜູ້ອຳນວຍ
ການ Comey ຈະຊ່ອຍຕອບຄຳຖາມຈຳນວນນຶ່ງ ທີ່ໄດ້ມີຂຶ້ນນັບ ແຕ່ຜູ້ອຳນວຍການ
Comey ໄດ້ຖືກປົດອອກຈາກຕຳແໜ່ງ ຢ່າງກະທັນຫັນ ໂດຍປະທານາທິບໍດີ.”
ການເປີດເຜີຍດັ່ງກ່າວມີຂຶ້ນໃນທ້າຍສັບປະດານີ້ ຫຼັງຈາກທີ່ໄດ້ເຫັນເຫດການຕ່າງໆ
ຢ່າງບໍ່ໜ້າເຊື່ອຫລາຍໆຢ່າງເກີດຂຶ້ນ.
ບໍ່ເທົ່າໃດຊົ່ວໂມງກ່ອນໜ້ານີ້ ໜັງສືພິມ New York Times ລາຍງານວ່າປະທານາ
ທິບໍດີດໍໂນລ ທຣຳ ໄດ້ກ່າວຕໍ່ເຈົ້າໜ້າທີ່ຣັດເຊຍທີ່ຫ້ອງການຂອງທ່ານຢູ່ທຳນຽບຂາວ
ໃນຕົ້ນເດືອນນີ້ວ່າ ທ່ານຫາກໍປົດທ່ານ Comey ແລະຮ້ອງທ່ານວ່າ “ຜີບ້າ.”
ເອກກະສານທີ່ອ່ານໃຫ້ແກ່ໜັງສືພິມ New York Times ໂດຍເຈົ້າໜ້າທີ່ສະຫະລັດ
ໄດ້ອ້າງຄຳເວົ້າຂອງທ່ານທຣຳ ທີ່ກ່າວວ່າ “ຂ້າພະເຈົ້າຫາກໍປົດຫົວໜ້າອົງການ FBI.
ລາວເປັນຄົນຜີບ້າ ເປັນບ້າແທ້ໆ.”
ອີງຕາມເອກກະສານນີ້ແລ້ວ ທ່ານທຣຳ ກ່າວຕໍ່ໄປວ່າ “ຂ້າພະເຈົ້າໄດ້ຮັບຄວາມກົດ
ດັນຢ່າງໃຫຍ່ ຍ້ອນຣັດເຊຍ. ເວລານີ້ແມ່ນໝົດໄປແລ້ວ.”
ນອກນັ້ນຍັງມີລາຍງານວ່າ ທ່ານທຣຳໄດ້ກ່າວວ່າ “ຂ້າພະເຈົ້າບໍ່ໄດ້ຢູ່ ພາຍໃຕ້ການ
ສືບສວນໃດໆ.”
