ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ໝາກຖົ່ວລຽນສົດຂອງມາເລເຊຍ ຖືກສົ່ງໄປຈີນ ຫຼັງຈາກໄດ້ມີການລົງນາມຂໍ້ຕົກລົງດ້ານການຄ້າ ຫຼາຍສະບັບ ໃນລະຫວ່າງການຢ້ຽມຢາມ ຂອງທ່ານ ລີ


ແຟ້ມພາບ - ໝາກຖົ່ວລຽນ ກຳລັງຖືກຂົນຂຶ້ນບົດບັນທຸກ ຢູ່ທີ່ຕະຫຼາດ ໃນເມືອງກາຈັງ ຢູ່ຊານເມືອງຂອງນະຄອນຫຼວງ ກົວລາລຳເປີ, ມາເລເຊຍ, ວັນທີ 13 ເມສາ 2011.
ແຟ້ມພາບ - ໝາກຖົ່ວລຽນ ກຳລັງຖືກຂົນຂຶ້ນບົດບັນທຸກ ຢູ່ທີ່ຕະຫຼາດ ໃນເມືອງກາຈັງ ຢູ່ຊານເມືອງຂອງນະຄອນຫຼວງ ກົວລາລຳເປີ, ມາເລເຊຍ, ວັນທີ 13 ເມສາ 2011.

ໝາກຖົ່ວລຽນສົດຂອງມາເລເຊຍ ຈະຖືກສົ່ງໄປຍັງປະເທດຈີນ ໃນໄວໆນີ້ ຂະນະທີ່ທັງສອງປະເທດ ໄດ້ລົງນາມໃນຂໍ້ຕົກລົງທາງດ້ານການຄ້າ ແລະເສດຖະກິດ ຫຼາຍສະບັບ ໃນວັນພຸດມື້ນີ້ ໃນລະຫວ່າງ ການເດີນທາງຢ້ຽມຢາມໂດຍນາຍົກລັດຖະມົນຕີ ລີ ຈຽງ ເພື່ອສະເຫຼີມສະຫຼອງ ຄວາມສຳພັນດ້ານການທູດທີ່ຍາວນານເຖິງເຄິ່ງສັດຕະວັດ.

ທ່ານລີ ໄດ້ຈັດການເຈລະຈາແບບສ່ວນຕົວ ກັບນາຍົກລັດຖະມົນຕີຂອງມາເລເຊຍ ທ່ານອານວາ ອີບຣາຮີມ ໃນເມືອງ ປູຕຣາຈາຢາ ທີ່ເປັນເມືອງເອກຂອງ ລັດຖະບານ ກ່ອນທີ່ພວກເພິ່ນຈະພົບປະກັນກັບຄະນະຜູ້ແທນທັງຫຼາຍ. ຜູ້ນຳທັງສອງ ໄດ້ເປັນສັກຄີພະຍານໃນການລົງນາມ ກ່ຽວກັບສົນທິສັນຍາຫຼາຍສະບັບ ທີ່ລວມມີ ຂໍ້ຕົກລົງໃໝ່ ໄລຍະ ຫ້າປີ ສຳລັບການຮ່ວມມືດ້ານເສດຖະກິດ ແລະການຄ້າ ທີ່ບັນດາເຈົ້າໜ້າທີ່ ໄດ້ກ່າວວ່າ ຈະເສີມຂະຫຍາຍການເຊື່ອມໂຍງລະຫວ່າງ ອຸດສາຫະກຳຕ່າງໆໃນຂະແໜງການທີ່ເປັນບູລິມິສິດທັງຫຼາຍ ເຊັ່ນ ການຜະລິດລະດັບຂັ້ນສູງ ແລະເສດຖະກິດດ້ານດິຈິດໂຕລ.

ສຳນັກງານຂອງທ່ານອານວາ ໄດ້ກ່າວວ່າ ທັງສອງຝ່າຍ ຍັງໄດ້ລົງນາມ ກ່ຽວກັບມາດຕະການຕ່າງໆທີ່ຈະອຳນວຍໃຫ້ມາເລເຊຍ ສົ່ງອອກໝາກຖົ່ວລຽນສົດ ໄປຈີນ, ເຊິ່ງເປັນໝາກໄມ້ໜາມເຂດຮ້ອນທີ່ມີກິ່ນແຮງ ແລະທີ່ຮູ້ຈັກກັນດີ ສຳລັບເນື້ອທີ່ອ່ອນໜຸ້ມຂອງມັນ.

ການສົ່ງອອກໝາກຖົ່ວລຽນສົດໄປຍັງຈີນ ຈະເປີດຕະຫຼາດໃໝ່ສຳລັບມາເລເຊຍ ເຊິ່ງໄດ້ເລີ້ມຂາຍເນື້ອຖົ່ວລຽນ ແລະຖົ່ວລຽນກວນ ໃຫ້ຈີນ ໃນປີ 2011 ແລະໜ່ວຍໝາກຖົ່ວລຽນແຊ່ເຢັນ ໃນປີ 2018. ການສົ່ງອອກໝາກຖົ່ວລຽນແຊ່ເຢັນຂອງມາເລເຊຍ ໄປຈີນ ນັ້ນ ມີມູນຄ່າທີ່ສູງຂຶ້ນ ຈາກ 170 ລ້ານຣິງກິດ ເທົ່າກັບ 36 ລ້ານໂດລາ ໃນປີ 2018 ມາເປັນເກືອບ 1.2 ຕື້ຣິງກິດ ເທົ່າກັບ 255 ລ້ານໂດລາ ໃນປີກາຍນີ້, ສຳນັກງານຂອງທ່ານອານວາ ໄດ້ກ່າວ.

Fresh Malaysian durians will soon make their way to China as the two countries signed a slew of trade and economic deals Wednesday during a visit by Premier Li Qiang to celebrate a half-century of diplomatic relations.

Li held private talks with Malaysian Prime Minister Anwar Ibrahim in the government administrative capital of Putrajaya before they met with their delegations. The two leaders witnessed the signing of various pacts, including a new five-year deal for economic and trade cooperation that officials said would bolster links between industries in priority sectors like high-level manufacturing and the digital economy.

The sides also inked a protocol on measures that will allow Malaysia to export to China fresh durian, a spiky tropical fruit with a strong odor and known for its creamy pulp, Anwar’s office said.

Exporting fresh durians to China will open a new market for Malaysia, which began selling durian pulp and paste to China in 2011 and frozen durian whole fruits in 2018. Malaysia’s frozen durian export value to China has surged from 170 million ringgit ($36 million) in 2018 to nearly 1.2 billion ringgit ($255 million) last year, it said.

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG