ເຈົ້າໜ້າທີ່ຢູເຄຣນ ໄດ້ກ່າວໃນວັນອັງຄານມື້ນີ້ວ່າ ການສູ້ລົບກັນ
ຮອບໃໝ່ ລະຫວ່າງກອງກຳລັງທະຫານຢູເຄຣນແລະກຸ່ມຫົວແບ່ງ
ແຍກດິນແດນທີ່ໜຸນຫຼັງໂດຍຣັດເຊຍ ໄດ້ສັງຫານຢ່າງນ້ອຍ 5 ຄົນ
ໃນຂົງເຂດເມືອງ Donestk.
ເຈົ້າໜ້າທີ່ ໃນເມືອງ Donestk ທີ່ຄວບຄຸມ ໂດຍພວກກະບົດແບ່ງ
ແຍກດິນແດນ ໄດ້ກ່າວວ່າ ມີຢ່າງນ້ອຍ 13 ຄົນ ໄດ້ຮັບບາດເຈັບ
ໃນການປະທະກັນ ກາຍກວ່າ 24 ຊົ່ວໂມງກ່ອນໜ້ານີ້.
ການຕໍ່ສູ້ກັນ ໄດ້ລະເບີດຂຶ້ນ ໃນເຂດທີ່ປະກາດຕົນເອງເປັນເຂດປົດຄອງຂອງພວກຫົວແບ່ງແຍກໃນເມືອງ Donestk ແລະ Luhansk. ໂດຍສະເພາະ ໃນເຂດອ້ອມແອ້ມເມືອງ Debaltseve ທີ່ຄວບຄຸມໂດຍຢູເຄຣນ ນັບຕັ້ງແຕ່ການເຈລະຈາສັນຕິພາບໃນປະເທດ Belarus ລະຫວ່າງລັດຖະບານຢູເຄຣນ ແລະກຸ່ມຫົວແບ່ງແຍກດິນແດນ ໄດ້ພັງທະລາຍ
ລົງໃນວັນເສົາຜ່ານມານີ້.
ຜູ້ນຳ ກະບົດ ຢູເຄຣນ ປະກາດ ລະດົມພົນ
ຍັງມີຄວາມຢ້ານ ກົວວ່າ ຄວາມຮຸນແຮງຈະເພີ້ມຂຶ້ນໃນໄວໆນີ້. ໃນວັນຈັນວານນີ້ ຜູ້ນຳກຸ່ມຫົວແບ່ງແຍກດິນແດນທີ່ນຳຍົມຣັດເຊຍ ໄດ້ປະກາດ “ການລະດົມພົນທົ່ວໄປ” ໂດຍມີຈຸດປະສົງ ທີ່ຈະເພີ້ມກອງກຳລັງທະຫານຂອງພວກແບ່ງແຍກດິນແດນຂຶ້ນເປັນເກືອບວ່າ 100 ພັນຄົນ.
ໃນຂະນະດຽວກັນນັ້ນ ສະຫະລັດ ກ່າວວ່າ ຕົນຍັງບໍ່ທັນໄດ້ຕັດສິນໃຈໃດໆເທື່ອ ໃນການທີ່ຈະສະໜອງຢູເຄຣນ ດ້ວຍການຊ່ອຍເຫຼືອດ້ານອາວຸດຍຸດໂທປະກອນຮ້າຍແຮງ ໃນການຕໍ່ສູ້ກັບກຸ່ມຫົວແບ່ງແຍກດິນນັ້ນ.
