ລິ້ງ ສຳຫລັບເຂົ້າຫາ

ວັນພະຫັດ, ໒໓ ພຶດສະພາ ໒໐໒໔

WHO ສັ່ງໃຫ້ໂຈະ ການຊັກຢາ ປ້ອງກັນ ໂປລີໂອ ຢູ່ປາກິສຖານ


ທ່ານ Hilal Khan (ກາງ) ພະນັກງານສັກຢາປ້ອງກັນໂປລີໂອ ທີ່ຖືກຍິງບາດເຈັບສາຫັດ ໂດຍມືປືນບໍ່ຊາບຝ່າຍ (19 ທັນວາ 2012)
ທ່ານ Hilal Khan (ກາງ) ພະນັກງານສັກຢາປ້ອງກັນໂປລີໂອ ທີ່ຖືກຍິງບາດເຈັບສາຫັດ ໂດຍມືປືນບໍ່ຊາບຝ່າຍ (19 ທັນວາ 2012)
ເຈົ້າໜ້າ​ທີ່ອົງການ​ອາ​ນະ​ໄມ​ໂລກ ​ໄດ້ໂຈະ​ການ​ສັກ​ຢາວັກ​ຊີ​ນ​
ປ້ອງ​ກັນ​ໂປ​ລີ​ໂອຫຼື​ໂຣກເປ້ຍ​ຫລ່ອຍຢູ່​ໃນປາກິ​ສຖານຫລັງ​ຈາກ
ໄດ້​ມີ​ການ​ໂຈມຕີ​ ພວກ​ພະນັກງານຢ່າງຕໍ່​ເນຶ່ອງກັນທີ່​ເຮັດ​ໃຫ້​ມີ​
ຜູ້​ເສຍ​ຊີວິດ​ຢ່າງ​ໜ້ອຍ 8 ຄົນ.

ອົງການ​ອາ​ນະ​ໄມ​ໂລກ ​ແລະ​ອົງການ UNICEF ​ໄດ້​ສັ່ງ​ໃຫ້​ພວກ​
ພະນັກງານ​ ພາກັນ​ຢຸດໂຄງການ​ສັກ​ຢາ​ວັກ​ຊີ​ນປ້ອງ​ກັນໂຣກດັ່ງ
ກ່າວ​ຢູ່ທົ່ວ ​ປະ​ເທດ ​ໃນ​ວັນ​ພຸດ​ມື້​ນີ້ ຫລັງ​ຈາ​ກພວກ​ມື​ປືນທີ່​ບໍ່​ຊາບ
ວ່າ​ແມ່ນຝ່າຍ​ໃດໄດ້​ຍິງ​ປືນ​ເຂົ້າ​ໃສ່​ພວກ​ພະນັກງານ​ສັກ​ຢາວັກ​ຊີ​ນ
ໂປ​ລີ​ໂອ ຢ່າງ​ໜ້ອຍ​ອີກສາມ​ຈຸ.

​ເຈົ້າ​ໜ້າ​ທີ່​ຕໍາຫລວດ​ ກ່າວ​ວ່າ ​ພະນັກງານສາທາລະນະ​ສຸກຍິງ​ຄົນ​ນຶ່ງ ພ້ອມດ້ວຍ​ຄົນ​ຂັບ​ລົດ​ຂອງ​ລາວ ​ໄດ້​ຖືກ​ຍິງ​ຕາຍທີ່ເມືອງ Charsadda ​ໃນ​ພາກ​ເໜືອ​ຂອງ​ປະ​ເທດ.

ເຈົ້າໜ້າ​ທີ່​ເວົ້າວ່າ ອີກ​ຄົນ​ນຶ່ງ​ໄດ້​ຖືກ​ຍິງ​ບາດ​ເຈັບ ​ໃກ້ໆ​ເມືອງ Peshar-war ​ແລະ​ການ​ໂຈມຕີ​ບ່ອນ​ທີ​ສາມ​ໄດ້​ມີ​ຂຶ້ນທີ່​ເມືອງ Nowshera ທາງ ພາກ​ເໜືອ​ຂອງ​ປະ​ເທດແລະ​ປະກົດ​ວ່າ​ບໍ່​ມີ​ຜູ້​ໃດ​ໄດ້​ຮັບບາດ​ເຈັບ​ໃນ​ການ ​ໂຈມ​ຕີ​ດັ່ງ​ກ່າວ​ນີ້.

ໃນ​ຕົ້ນ​ອາທິດ​ນີ້ 6 ຄົນ​ໄດ້​ເສຍ​ຊີວິດ​ແລະ​ອີກ​ຫຼາຍໆຄົນ​ໄດ້​ຮັບ​ບາດ​ເຈັບ ​ໃນ​ຂະນະ​ທີ່​ມີ​ການ​ໂຈມຕີ​ຢູ່​ເມືອງ Peshawar ​ແລະ ຢູ່ເມືອງທ່າ Karachi. ການ​ຍິງໂຈມ​ຕີ​ທີ່​ວ່າ​ນີ້ ​ໄດ້​ເກີດ​ຂື້ນ​ໃນ​ລະຍະ​ເວລາ​ສາມ​ວັນ ຂອງ​ການ​ປຸກລະດົມ ສັກ​ຢາ​ວັກ​ຊີ​ນປ້ອງ​ກັນ​ໂປ​ລີ​ໂອ ຢູ່ໃນທົ່ວປະ​ເທດ.

​ຍັງ​ບໍ່​ທັນ​ເປັນ​ທີ່​ແຈ້ງ​ຂາວ​ເທື່ອ​ວ່າ ພວກ​ຫົວ​ຮຸນ​ແຮງທາ​ລິ​ບານມີ​ບົດບາດຫຼືບໍ່ໃນການ​ໂຈມ​ຕີ​ເຫຼົ່ານີ້. ກຸ່ມ​ດັ່ງກ່າວ​ເຄີຍ​ໄດ້ປະນາມ​ການ​ປຸກລະດົມໃນການສັກ​ຢາ​ວັກ​ຊີ​ນປ້ອງ​ກັນ​ໂປ​ລີ​ໂອນີ້​ວ່າ ​ເປັນ​ສາກ​ບັງ​ໜ້າ​ເພື່ອ​ສືບ​ຄວາມລັບ.

ກ່ຽວຂ້ອງກັນ

XS
SM
MD
LG