ລັດຖະມົນຕີຕ່າງປະເທດຝຣັ່ງ ທ່ານ Laurence Fabius ກ່າວ
ວ່າ ກໍາລັງທະຫານຝຣັ່ງ ຈະເລີ້ມຖອນອອກຈາກ Mali ໃນເດືອນ
ໜ້ານີ້ ຖ້າຫາກ ດັ່ງທີ່ທ່ານກ່າວວ່າ “ທຸກສິ່ງທຸກຢ່າງເປັນໄປຕາມ
ແຜນທີ່ໄດ້ ວາງໄວ້."
ທ່ານ Fabius ໄດ້ໃຫ້ຄວາມເຫັນດັ່ງກ່າວ ຕໍ່ໜັງສືພິມ Metro.
ກໍາລັງທະຫານຝຣັ່ງ ໄດ້ເຂົ້າໄປໃນ Mali ເກືອບນຶ່ງເດືອນແລ້ວ
ເວລາພວກຫົວຮຸນແຮງອິສລາມ ທີ່ຄວບຄຸມພາກເໜືອຂອງ
ປະເທດ ເລີ້ມທຳການເຄື່ອນຍ້າຍໄປສູ່ນະຄອນຫລວງ
Bamako.
ຝຣັ່ງ ມີແຜນທີ່ຈະຖອນກໍາລັງຂອງຕົນອອກແລະມອບບັນດາ
ຫົວເມືອງ ທີ່ຍຶດຄືນໄດ້ນັ້ນ ໃຫ້ຢູ່ພາຍໃຕ້ການຄວບຄຸມຂອງກອງທັບມາລີ ແລະກໍາລັງທະຫານທີ່ນຳພາໂດຍອາຟຣິກາ.
ລັດຖະມົນຕີປ້ອງກັນປະເທດຝຣັ່ງ ທ່ານ Jean-Yves Le Drian ໄດ້ກ່າວຕໍ່ອົງການຂ່າວຝຣັ່ງວ່າ ການໂຈມຕີທາງອາກາດ ແລະທາງພາກພື້ນດິນຂອງຝຣັ່ງ ທີ່ໄດ້ຮັບການຊ່ວຍເຫລືອຈາກກໍາລັງທະຫານ ມາລີ ໄດ້ສັງຫານພວກຫົວຮຸນແຮງຫລາຍຮ້ອຍຄົນ ໃນເມືອງ Konna ແລະເມືອງ Gao ໃນເດືອນແລ້ວນີ້.
Photo Gallery:
ໃນຂະນະດຽວກັນພວກທະຫານຈາກ Chad ກຳລັງຮັກສາຄວາມປອດໄພທີ່ເມືອງ Kidal ຊຶ່ງເປັນທີ່ໝັ້ນອັນເຂັ້ມແຂງບ່ອນສຸດທ້າຍຂອງພວກ ຫົວຮຸນແຮງອິສລາມ ຢູ່ໃນພາກເໜືອຂອງມາລີ. ກໍາລັງທະຫານມາລີ ໄດ້ເຂົ້າຍຶດເອົາເດີ່ນເຮືອບິນ ເມືອງ Kidal ອາທິດແລ້ວນີ້ ຫລັງຈາກກຸ່ມກະບົດ Tuareg ທີ່ບໍ່ຝັກໄຝ່ໃນດ້ານສາສະໜາ ໄດ້ເຂົ້າຄວບຄຸມ ໂຕເມືອງ Kidal.
ນອກນັ້ນ ໃນວັນອັງຄານວານນີ້ ອົງການຈັດຕັ້ງນາໆຊາດ ແລະບັນດາເຈົ້າໜ້າທີ່ຈາກ Mali ໄດ້ພົບປະກັນທີ່ ກຸງບຣັສເຊີລສ ເພື່ອສົນທະນາຫາລືກ່ຽວກັບອະນາຄົດຂອງມາລີ ແລະການດຳເນີນຄວາມພະຍາຍາມ ເພື່ອສ້າງສະຖຽນລະພາບຢູ່ໃນປະເທດດັ່ງກ່າວ.
ວ່າ ກໍາລັງທະຫານຝຣັ່ງ ຈະເລີ້ມຖອນອອກຈາກ Mali ໃນເດືອນ
ໜ້ານີ້ ຖ້າຫາກ ດັ່ງທີ່ທ່ານກ່າວວ່າ “ທຸກສິ່ງທຸກຢ່າງເປັນໄປຕາມ
ແຜນທີ່ໄດ້ ວາງໄວ້."
ທ່ານ Fabius ໄດ້ໃຫ້ຄວາມເຫັນດັ່ງກ່າວ ຕໍ່ໜັງສືພິມ Metro.
ກໍາລັງທະຫານຝຣັ່ງ ໄດ້ເຂົ້າໄປໃນ Mali ເກືອບນຶ່ງເດືອນແລ້ວ
ເວລາພວກຫົວຮຸນແຮງອິສລາມ ທີ່ຄວບຄຸມພາກເໜືອຂອງ
ປະເທດ ເລີ້ມທຳການເຄື່ອນຍ້າຍໄປສູ່ນະຄອນຫລວງ
Bamako.
ຝຣັ່ງ ມີແຜນທີ່ຈະຖອນກໍາລັງຂອງຕົນອອກແລະມອບບັນດາ
ຫົວເມືອງ ທີ່ຍຶດຄືນໄດ້ນັ້ນ ໃຫ້ຢູ່ພາຍໃຕ້ການຄວບຄຸມຂອງກອງທັບມາລີ ແລະກໍາລັງທະຫານທີ່ນຳພາໂດຍອາຟຣິກາ.
ລັດຖະມົນຕີປ້ອງກັນປະເທດຝຣັ່ງ ທ່ານ Jean-Yves Le Drian ໄດ້ກ່າວຕໍ່ອົງການຂ່າວຝຣັ່ງວ່າ ການໂຈມຕີທາງອາກາດ ແລະທາງພາກພື້ນດິນຂອງຝຣັ່ງ ທີ່ໄດ້ຮັບການຊ່ວຍເຫລືອຈາກກໍາລັງທະຫານ ມາລີ ໄດ້ສັງຫານພວກຫົວຮຸນແຮງຫລາຍຮ້ອຍຄົນ ໃນເມືອງ Konna ແລະເມືອງ Gao ໃນເດືອນແລ້ວນີ້.
ປະມວນພາບຫລ້າສຸດ ຈາກປະເທດມາລີ
ໃນຂະນະດຽວກັນພວກທະຫານຈາກ Chad ກຳລັງຮັກສາຄວາມປອດໄພທີ່ເມືອງ Kidal ຊຶ່ງເປັນທີ່ໝັ້ນອັນເຂັ້ມແຂງບ່ອນສຸດທ້າຍຂອງພວກ ຫົວຮຸນແຮງອິສລາມ ຢູ່ໃນພາກເໜືອຂອງມາລີ. ກໍາລັງທະຫານມາລີ ໄດ້ເຂົ້າຍຶດເອົາເດີ່ນເຮືອບິນ ເມືອງ Kidal ອາທິດແລ້ວນີ້ ຫລັງຈາກກຸ່ມກະບົດ Tuareg ທີ່ບໍ່ຝັກໄຝ່ໃນດ້ານສາສະໜາ ໄດ້ເຂົ້າຄວບຄຸມ ໂຕເມືອງ Kidal.
ນອກນັ້ນ ໃນວັນອັງຄານວານນີ້ ອົງການຈັດຕັ້ງນາໆຊາດ ແລະບັນດາເຈົ້າໜ້າທີ່ຈາກ Mali ໄດ້ພົບປະກັນທີ່ ກຸງບຣັສເຊີລສ ເພື່ອສົນທະນາຫາລືກ່ຽວກັບອະນາຄົດຂອງມາລີ ແລະການດຳເນີນຄວາມພະຍາຍາມ ເພື່ອສ້າງສະຖຽນລະພາບຢູ່ໃນປະເທດດັ່ງກ່າວ.
