ໃນການແຂ່ງຂັນກີລາເທັນນີສຊີງຂັນ French Open ທີ່
ກຸງປາຣີໃນວັນເສົາວານນີ້ ນາງ Li Na ໄດ້ກາຍເປັນນັກ
ກີລາເທັນນີສຈີນຄົນທໍາອິດ ແລະເປັນຄົນທໍາອິດຈາກເອ
ເຊຍ ທີ່ໄດ້ຊະນະເລີດປະເພດດ່ຽວໃນການແຂ່ງຂັນທີ່ໃຫຍ່ໆລະດັບໂລກເຊ່ນນັ້ນ. ນາງຫລີນາ ໄດ້ຊະນະນາງ Fran
cesca Schiavone ຈາກປະເທດອີຕາລີ ຊຶ່ງເປັນແຊັມ ປີແລ້ວນີ້ດ້ວຍຄະແນນ 6-4, 7-6.
ນັກກີລາທັງສອງຄົນນີ້ມີອາຍຸ 29 ປີເທົ່າກັນ ຊຶ່ງຖືວ່າເຖົ້າ
ແລ້ວສໍາລັບວົງການກີລາເທັນນີສ. ເວລານາງ Schiavo-
ne ໄດ້ຕໍາແໜ່ງແຊັມ French Open ປະຈໍາປີ 2010 ນັ້ນນາງໄດ້ກາຍເປັນແຊັມແມ່ຍິງທີ່ມີອາຍຸແກ່ທີ່ສຸດຄົນທໍາອິດ ນັບແຕ່ການແຂ່ງຂັນກີລາເທັນນີສອາຊີບເລີ້ມຕົ້ນຂຶ້ນໃນປີ 1968 ເປັນຕົ້ນມາ. ແລະນາງ ກໍເປັນແຊັມອີຕາລີຄົນທໍາອິດເຊ່ນກັນໃນການແຂ່ງຂັນເທັນນີສGrand Slam ປະເພດຍິງ ນັ້ນ.
ນາງ ຫລີ ຊຶ່ງຕິດອັນດັບ 6 ຂອງໂລກໃນການແຂ່ງຂັນກີລາເທັນນີສທີ່ປະເທດຝຣັ່ງໄດ້ຕົກຮອບສຸດທ້າຍ ໃນການແຂ່ງຂັນ Australian Open ໃນຕົ້ນປີນີ້.
ບັດນີ້ ຄາດກັນວ່ານາງ ຫລີຈະເລື່ອນອັນດັບຂຶ້ນມາເປັນນໍ້າເບີ 4 ຂອງໂລກ. ໄຊຊະນະຂອງນາງນີ້ກໍສາມາດກະຕຸ້ນໃຫ້ເກີດຄວາມສົນໃຈຫລາຍຂຶ້ນໃນກີລາເທັນນີສ ໃນບ້ານເກີດເມືອງນອນຂອງນາງເຊ່ນກັນ.
