ລັດຖະມຸນຕີການຕ່າງປະເທດຝຣັ່ງໄດ້ລາອອກຫລັງຈາກຂຶ້ນດໍາລົງຕໍາແໜ່ງມາໄດ້ພຽງ 3 ເດືອນ.
ທ່ານນາງ Michele Alliot-Marie ໄດ້ຍື່ນໃບລາອອກໃນ
ວັນອາທິດວານນີ້ ຫລັງຈາກມີການຕໍາໜິຕິຕຽນມາເປັນເວ
ລາຫລາຍສັບປະດາກ່ຽວກັບການຮັບມືຂອງທ່ານນາງ ໃນ
ການຕອບສະໜອງຂອງຝຣັ່ງຕໍ່ການລຸກຮືຂຶ້ນຂອງປະຊາຊົນ
ໃນຕູນີເຊຍ ຊຶ່ງເປັນອະດີດຫົວເມືອງຂຶ້ນຂອງ ຝຣັ່ງນັ້ນ.
ທ່ານນາງ Alliot-Marie ໄດ້ຂຶ້ນເປັນລັດຖະມຸນຕີການ
ຕ່າງປະເທດແມ່ຍິງຄົນທໍາອິດຂອງຝຣັ່ງ ໃນເດືອນທັນວາ
ປີຜ່ານມານີ້.ໃນການປາກົດໂຕທາງໂທລະພາບ ຫລັງຈາກ
ມີການປະກາດວ່າທ່ານນາງໄດ້ລາອອກຈາກຕໍາແໜ່ງແລ້ວ
ນັ້ນ ປະທານາທິບໍດີຝຣັ່ງ ທ່ານ Nicolas Sarkozy ກ່າວ
ວ່າ ບັດນີ້ທ່ານ Alain Juppe ລັດຖະມຸນຕີປ້ອງກັນປະເທດ ຈະກຳຕໍາແໜ່ງລັດຖະມຸນຕີຕ່າງປະເທດນຳ.
ທ່ານນາງ Alliot-Marie ໄດ້ຮັບຊື່ສຽງບໍ່ດີ ຍ້ອນການຕິດຕໍ່ພົວພັນຂອງທ່ານນາງ
ກັບພວກຮ່ວມງານຂອງທ່ານ Zine El Abidine Ali ຜູ້ນໍາຕູນີເຊຍ ທີ່ໄດ້ຖືກໂຄ່ນ
ລົ້ມໄປນັ້ນ. ທ່ານນາງໄດ້ຖືກຕໍາໜິຕິຕຽນ ຊໍ້າແລ້ວຊໍ້າອີກ ໃນການໄປພັກຜ່ອນ
ຢູ່ຕູນີເຊຍ ໃນລະຫວ່າງການລຸກຮືຂຶ້ນຂອງປະຊາຊົນ ທີ່ໄດ້ຍັງຜົນໃຫ້ທ່ານ Ben
Ali ຕົນຈາກຕໍາແໜ່ງໄປນັ້ນ.