ປະທານາທິບໍດີຝຣັ່ງ ທ່ານ Francois Hollande ໄດ້ປະກາດວ່າ ທ່ານບໍ່ມີແຜນທີ່ຈະລົງ ສະໝັກເປັນສະໄໝທີສອງ ທີ່ຈະເຮັດໃຫ້ທ່ານເປັນປະທານາທິບໍດີ ຢູ່ໃນຕຳແໜ໋ງເປັນ
ເວລາ ຫລາຍປີທີ່ຈະລາອອກໂດຍປາດສະຈາກການລົງສະ ໝັກເລືອກຕັ້ງໃໝ່.
ທ່ານ Hollande ໄດ້ປະກາດເຖິງຄວາມຕັ້ງໃຈຂອງທ່ານ ໃນວັນພະຫັດວານນີ້ ຢູ່ໃນຄຳປາໄສທາງໂທລະພາບໂດຍກ່າວວ່າ ທ່ານບໍ່ໄດ້ຮັບການສະໜັບສະໜູນພຽງພໍ ທີ່ຈະໄດ້ຮັບໄຊຊະນະ ໃນສະໄໝທີສອງ. ທ່ານ Hollande ໄດ້ຮັບຄະແນນນິຍົມຕ່ຳສຸດ ໃນປະຫວັດສາດ ກວ່າປະທານາທິບໍດີຝຣັ່ງຄົນໃດໆ.
ການປະກາດຂອງທ່ານ ໄດ້ເຮັດໃຫ້ການຄາດຄະເນເປັນເວລາຫລາຍອາທິດສິ້ນ ສຸດລົງ ກ່ຽວກັບວ່າຜູ້ນຳພັກສັງຄົມນິຍົມ ຈະສ່ຽງຕໍ່ການລົງສະໝັກເລືອກຕັ້ງໃໝ່ ໂດຍມີໂອກາດທີ່ຈະປະສົບຄວາມສຳເລັດພຽງໜ້ອຍດຽວເທົ່ານັ້ນ.
ເວລາທີ່ທ່ານ Hollande ຢູ່ໃນຕຳແໜ່ງ ແມ່ນໄດ້ມີການໂຈມຕີກໍ່ການຮ້າຍທີ່ຮ້າຍແຮງສຸດຢູ່ດິນແດນຝຣັ່ງ ໃນປະຫວັດສາດສະໄໝໃໝ່ ພ້ອມທັງຄວາມພະ ຍາຍາມທີ່ບໍ່ສຳເລັດໃນການຫາທາງຫລຸດຜ່ອນອັດຕາການຫວ່າງງານທີ່ສຳຄັນລົງ.
