ລິ້ງ ສຳຫລັບເຂົ້າຫາ

ຝຣັ່ງ ສະຫລອງ ວັນຊາດ ທີ 14 ກໍລະກົດ (ວີດິໂອ/ສະໄລດ໌)


ທະຫານຢືນຢູ່ໃນລົດຖັງ ໃນລະຫວ່າງການສວນສະໜາມ ສະຫລອງວັນຊາດ ຫລື Bastille Day ໃນນະຄອນປາຣີ, ວັນທີ 14 ກໍລະກົດ 2013.
ບຸກຄົນຜູ້ມີກຽດຕ່າງໆຂອງໂລກ ລວມທັງທ່ານ ພັນ ກິມູນ ເລ
ຂາທິການໃຫຍ່ຂອງອົງການສະຫະປະຊາຊາດ ​ໄດ້ໄປຮ່ວມ
ກັບປະທານາທິບໍດີຝຣັ່ງ ທ່ານ Francois Hollande ຊົມ
ການສວນສະໜາມ ເນື່ອງໃນວັນ Bastille ຫລື ວັນຊາດ
ຝຣັ່ງ ຢູ່ໃນນະຄອນຫລວງປາຣີໃນວັນອາທິດທີ 14 ວານນີ້.

ມີທະຫານເກືອບຮອດ 5 ພັນຄົນ ລວມທັງທະຫານສະຫະປະ
ຊາຊາດ ທີ່ໃສ່ ໝວກ​ເບ​ເຣສີຟ້າ ແລະທະຫານຈາກ 13 ປະ
ເທດໃນທະວີບອາຟຣິກາ ເດີນສວນສະໜາມຜ່ານເວທີຂອງ
ປະທານາທິບໍດີ ບ່ອນທີ່ທ່ານ Hollande ຢືນຢູ່ກັບທ່ານພັນ.

ວັນບຸນໃຫຍ່ທີ່ສຸດຂອງຝຣັ່ງ​ ໄດ້​ມີຂຶ້ນພາຍໃຕ້​ເງົາບົດບັງຂອງອຸປະຕິເຫດລົດໄຟທີ່ຮ້າຍ
ແຮງ ທີ່ເກີດຂຶ້ນຢູ່ພຽງແຕ່ 20 ກິໂລແມັດເທົ່ານັ້ນ ຫ່າງຈາກນະຄອນຫລວງຂອງປະເທດ
ໄປທາງທິດໃຕ້. ຢ່າງໜ້ອຍມີ 7 ຄົນ ຖືກລາຍງານວ່າ ເສຍຊີວິດໄປ ໃນເຫດລົດໄຟຕົກ
ລາງ​ເມື່ອວັນສຸກຜ່ານມາ. ມີອີກຫລາຍຄົນໄດ້ຮັບບາດເຈັບ.

ຢູ່ໃນການສໍາພາດທີ່ຖ່າຍທອດອອກທາງໂທລະພາບ ໃນວັນອາທິດວານນີ້ ປະທານາ
ທິບໍດີ Hallande ເວົ້າວ່າ ຈະຕ້ອງໄດ້ມີການດໍາເນີນງານເພີ້ມຂຶ້ນ ເພື່ອບູລະນະຮັກສາ
ສາຍລົດໄຟດັ້ງເດີມນັ້ນ.

ແຕ່ທ່ານປະທານາທິບໍດີກໍໄດ້ເພັ່ງເລັງໄປໃສ່ຜົນງານຂອງຝຣັ່ງ. ທ່ານເວົ້າວ່າ ເສດຖະກິດ
ຂອງຝຣັ່ງ ກໍາລັງເລີ້ມຈະຟຶື້ນໂຕຄືນ ໂດຍໄດ້ອ້າງເຖິງການຜະລິດ ທາງອຸດສະຫະກໍາ
ທີ່​ມີ​ຫລາຍ​ຂຶ້ນ ແລະການຟື້ນໂຕຄືນໜ້ອຍນຶ່ງໃນການອຸບປະ​ໂພ​ກບໍລິໂພກ ຫລືການໃຊ້
ຈ່າຍ​ເງິນ.

ເບິ່ງວີດິໂອກ່ຽວກັບຂ່າວນີ້:



ການສວນສະໜາມຂອງທະຫານຕາມປະເພນີ ຢູ່ຕາມຖະໜົນ Champs-Élysées ນັ້ນ
ແມ່ນນໍາໜ້າໂດຍກອງ​ທະຫານມາລີຈໍານວນນຶ່ງ ຊຶ່ງໄດ້ດຶງດູດ ຄວາມສົນໃຈ​ໄປ​ໃສ່ບົດ
ບາດຂອງຝຣັ່ງ ໃນການຊ່ວຍປົດປ່ອຍເຂດພາກເໜືອຂອງປະເທດໃນທະວີບອາຟຣິກາ
ດັ່ງກ່າວ ອອກຈາກກຸ່ມຫົວຮຸນແຮງຊາວ ອິສລາມ ແລະກຸ່ມອື່ນໆ.

ວັນ Bastille ເປັນວັນບຸນແຫ່ງຊາດໃຫຍ່ທີ່ສຸດຂອງຝຣັ່ງ. ມັນເປັນການລະນຶກ ເຖິງການ
ບຸກເຂົ້າຖະຫລົ່ມ ປ້ອມທະຫານ Bastille ໃນປີ 1789 ທີ່ເປັນ ຂີດໝາຍການ​ເລີ້ມ​ຕົ້ນ​ ການປະຕິວັດຂອງຝຣັ່ງ​.

ພາບການສະຫລອງວັນຊາດຝຣັ່ງ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG