ພັກການເມືອງຂອງປະທານາທິບໍດີ ຝຣັ່ງ ທ່ານ Emmanuel Macron ແລະ ພັນ
ທະມິດ ຂອງພວກເຂົາເຈົ້າຈະໄດ້ຮັບຄະແນນສຽງສ່ວນຫຼາຍທີ່ເຂັ້ມແຂງໃນສະພາ
ແຫ່ງຊາດ ຫຼັງຈາກໄດ້ຮຮຮັບ 60 ບ່ອນນັ່ງໃນການເລືອກຕັ້ງຮອບທີສອງ ແລະ
ກໍເປັນຮອບສຸດທ້າຍໃນວັນອາທິດວານນີ້.
ພັກຣີພັບບລີກັນທີ່ນິຍົມແນວທາງເປັນກາງຂອງທ່ານ Macron ໄດ້ຮັບ 308 ບ່ອນນັ່ງ,
ໃນຂະນະທີ່ພັກພັນທະມິດ Modem ໄດ້ຮັບ 42 ບ່ອນນັ່ງໃນສະພາແຫ່ງຊາດທີ່ມີ 577
ບ່ອນນັ່ງ.
ຈຳນວນຄະແນນດັ່ງກ່າວຈະເຮັດໃຫ້ທ່ານ Macron ຜູ້ທີ່ໄດ້ເຂົ້າດຳລົງຕຳແໜ່ງມາໄດ້
ໜຶ່ງເດືອນ, ສາມາດປະຕິບັດຕາມຄຳສັນຍາ ເພື່ອການປະຕິຮູບ ກ່ຽວກັບ ກົດໝາຍ
ແຮງງານທີ່ເຄັ່ງຄັດຂອງ ຝຣັ່ງ ແລະ ລະບົບປະກັນສັງຄົມ ທີ່ມີບັນຫາ ຂອງພວກ
ເຂົາເຈົ້າໄດ້.
ໄຊຊະນະຂອງພັກນິຍົມແນວທາງເປັນກາງ ໄດ້ມີຂຶ້ນຍ້ອນການສູນເສຍຂອງພັກ
ການເມືອງ ດັ້ງເດີມທີ່ນິຍົມແນວທາງອຽງຊ້າຍ ແລະ ຂວາ ເຊິ່ງໄດ້ນຳພາສະພາ
ແຫ່ງຊາດ ມາໄດ້ຫຼາຍທົດສະວັດ.
ພັກແນວໜ້າແຫ່ງຊາດ ທີ່ນິຍົມຂວາຈັດ ຂອງທ່ານນາງ Marine Le Pen, ຊຶ່ງເປັນ
ຄູ່ແຂ່ງຂອງທ່ານ Macron ໃນການເລືອກຕັ້ງ, ໄດ້ຮັບພຽງ 8 ບ່ອນນັ່ງ, ລວມທັງ
ສຳລັບທ່ານນາງ Le Pen ເອງ. ທ່ານນາງໄດ້ຄາດເດົາໄວ້ວ່າພັກແນວໜ້າແຫ່ງຊາດ
ຈະໄດ້ຮັບໄຊຊະນະທີ່ໜ້າຕື່ນເຕັ້ນ, ແຕ່ຕອນນີ້ພັກຂອງທ່ານນາງຈະຖືກປ່ອຍໃຫ້
ມິດງຽບຢ່າງສິ້ນເຊີງດ້ວຍບ່ອນນັ່ງພຽງບໍ່ເທົ່າໃດບ່ອນ.
ພັກສັງຄົມນິຍົມຂອງອະດີດປະທານາທິບໍດີ ທ່ານ Francois Hollande ໄດ້ຮັບ
29 ບ່ອນນັ່ງ. ພັກຣີພັບບລີກັນ ຈະເປັນພັກຝ່າຍຄ້ານນຳໜ້າ ຫຼັງຈາກໄດ້ຮັບ 131
ບ່ອນນັ່ງ.
