ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກູ່ມກະບົດ FAS ຈະບໍ່ປະຕິບັດ ຕາມແຜນການຢຸດຍິງ ໃນຊີເຣຍ


ຮູບພາບຂອງ ພັນເອກ Qassim Saadeddine ທະຫານກຸ່ມກະບົດ Free Syrian Army ຫລື FAS ກ່າວວ່າຕົນຈະບໍ່ປະຕິບັດຕາມຂໍ້ຜູກມັດ
ຂອງແຜນການຢຸດຍິງ ທີ່ສະຫະປະຊາຊາດໜູນຫລັງນັ້ນ ຕໍ່ໄປອີກແລ້ວ.
ຮູບພາບຂອງ ພັນເອກ Qassim Saadeddine ທະຫານກຸ່ມກະບົດ Free Syrian Army ຫລື FAS ກ່າວວ່າຕົນຈະບໍ່ປະຕິບັດຕາມຂໍ້ຜູກມັດ ຂອງແຜນການຢຸດຍິງ ທີ່ສະຫະປະຊາຊາດໜູນຫລັງນັ້ນ ຕໍ່ໄປອີກແລ້ວ.

ກູ່​ມກ​ະບົດທີ່​ມີ​ຊື່ Free Syrian Army ຫລື FAS ກ່າວ​ວ່າ​ ຕົນຈະ​ບໍ່​ປະຕິບັດ​ຕາ​ມ
ຂໍ້​ຜູກ​ມັດ ຂອງ​ແຜນການຢຸດ​ຍິງ​ທີ່ສະຫະ​ປະຊາ​ຊາ​ດໜຸນ​ຫລັງ​ນັ້ນ​ຕໍ່​ໄປ​ອີກ​ແລ້ວ
​ໃນ​ຂະນະ​ທີ່ກໍາລັງ​ຈະ​ມີ​ການ​ດໍາ​ເນີນ​ການ​ທູດ​ກັນ​ຄືນ​ໃໝ່​ອີກ​ໃນອາທິດ​ນີ້ ​ເພື່ອ​ຊຸກຍູ້
​ສົ່ງ​ເສີມຄວາມ​ພະຍາຍາມຂອງ​ນາໆ​ຊາດ ທີ່ຈະ​ຍຸດຕິ​ການ​ຂັດ​ແຍ້​ງກັນ ທີ່ນອງ​ເລືອດ
ໃນຊີ​ເຣຍນັ້ນ​.

​ໂຄສົກຝ່າຍກະບົດ​ ທ່ານ Sami al-Kurdi ​ໄດ້ກ່າວຕໍ່ອົງກາ​ນຂ່າວຣອຍ​ເຕີ ​ໃນ​ວັນ
​ຈັນ​ວານ​ນີ້ວ່າ ກຸ່ມ FAS ​ໄດ້ “ຕັດ​ສິນ​ໃຈຍົກ​ເລີກ​ຄວາມ​ໝາຍ​ໝັ້ນ​ຂອງ​ຕົນຕໍ່​ແຜນ
ການ​ດັ່ງກ່າວ​ແລ້ວ” ​ແລະ​ໄດ້​ເລີ້​ມກັບໄປປະຕິບັດການ​ບຸກ​ໂຈມ​ຕີ​ຄືນໃໝ່​ແລ້ວ “​ເພື່ອ
ປົກ​ປ້ອງປະຊາຊົນ​ຂອງ​ພວກ​ເຮົາ.”

ອົງການ​ສັງ​ເກດ​ການ​ດ້ານ​ສິດ​ທິມະນຸດຊີ​ເຣຍ ທີ່ຕັ້ງ​ຢູ່​ໃນອັງກິດ ກ່າວ​ວ່າ ທະ​ຫານ
​ຂອງ​ຝ່າຍລັດຖະບານ ຢ່າງ​ໜ້ອຍ 80 ຄົນ​ໄດ້​ຖືກ​ຂ້າ​ຕາຍ​ໃນ​ສອງ​ສາມ​ມື້​ທີ່​ຜ່ານ​ມາ
ເວລາພວກ​ກະບົດເພີ່ມ​ທະວີ​ການ​ໂຈມ​ຕີ​ຢ່າງ​ໜັກໜ່ວງ​ຂຶ້​ນ ​ຕໍ່​ດ່ານ​ກວດ​ຂອງ​ລັດ
ຖະບານຫລາຍໆ​ບ່ອນ. ສື່​ຂອງ​ລັດຖະບານ​ຊີ​ເຣຍ ຍັງ​ບໍ່​ທັນໄດ້​ຮັບ​ຮູ້ໂຕ​ເລກການ
ບາດ​ເຈັບລົ້ມ​ຕາຍທີ່​ວ່າ​ນີ້​ເທື່ອ ​ແລະກໍ​ບໍ່​ມີ​ການ​ຍັ້ງ​ຢືນຈາກແຫ​ລ່ງຂ່າວ​ອິດ​ສະລະ.

ຜູ້​ໄກ່​ເກ່ຍບັນຫາ​ຊີ​ເຣຍ ຫລືທູດ​ພິ​ເສດນາໆ​ຊາດ​ ທ່ານ Kofi Annan ​ມີ​ກໍານົດ​ຈະ
ລາຍ​ງານຕໍ່ ສະພາ​ຄວາມ​ໝັ້ນ​ຄົງ​ຂອງອົງການ​ສະ​ຫະປະຊາ​ຊາດ ​ໃນ​ວັນ​ພະຫັດນີ້
ທີ່​ນະ​ຄອນ​ນີວຢອກ ​ແລະຕໍ່​ລັດຖະມົນ​ຕີ​ການ​ຕ່າງປະ​ເທດສະຫະລັດ ທ່ານ​ນາງ
Hillary Clinton ​ໃນ​ວັນ​ສຸກ ​ທີ່ນະຄອນຫລວງວໍ​ຊິງ​ຕັນ. ​ໃນ​ວັນ​ຈັນວານ​ນີ້ ທ່ານ
Annan ​ໄດ້​ຮຽກຮ້ອງ​ໃຫ້ບັນດາ​ປະ​ເທດ​ມະຫາ​ອໍານາດ ຈົ່ງ​ຄໍ້າປະກັນ​ໃຫ້ແຜນສັນ
ຕິ​ພາບຂອງ​ທ່ານ ​ໄດ້​ຮັບ​ການຈັດ​ຕັ້ງ​ປະຕິບັດ​ຈາກທັງສອງກໍ້າ​ສອງ​ຝ່າຍໃນ​ຊີ​ເຣຍນັ້ນ
ຍ້ອນ​ວ່າ ​ມັນ​ຍັງ​ຄົງເປັນ “​ທາງ​ເລືອກ​ທາງ​ດຽວ​ຢູ່​ໜ້າ​ໂຕະ” ​ໃນ​ເວລາ​ນີ້.

ຣັດ​ເຊຍ ​ໄດ້​ຂັດ​ຂວາງຄວາມ​ພະຍາຍາມ​ຂອງ​ບັນດາ​ປະ​ເທດ​ຕາ​ເວັນ​ຕົກ ທີ່ຈະ​ລົງມະຕິ​
ປະນາມ ປະທານາທິບໍດີ​ຊີ​ເຣຍ ທ່ານ Bashar al-Assad ​ແລະ​ກົດ​ດັນ ໃຫ້​ທ່ານ
​ອອກ​ຈາກ​ອໍານາດນັ້ນ.

ການ​ປະ​ຊຸ​ມສຸດ​ຍອດລະຫວ່າງ​ສະຫະພາບຢູ​ໂຣບ ກັບປະທານາທິບໍດີ Vlamir Putin
ແຫ່ງຣັດເຊຍ ບໍ່​ໄດ້​ບັນລຸ​ຜົນໃນ​ການ​ແກ້​ໄຂຄວາມເຫັນແຕກ​ຕ່າງກັນ​ກກ່ຽວ​ກັບ​ວ່າ
​ຈະ​ຈັດການ​ແນວ​ໃດ​ກັບ ບັນຫາຂັດ​ແຍ້​ງ​ໃນ​ຊີ​ເຣຍ ທີ່​ມີມາ​ເປັນ​ເວລາ​ຍາວ​ນານ​ເຖິງ 15 ​
ເດືອນ​ແລ້ວ​ນັ້ນ. ​ໃນ​ຕອນກ່າວ​ຢູ່ທີ່​ກອງ​ປະ​ຊຸມສຸດ​ຍອດ​ທີ່ນະຄອນ St Petesburg ນັ້ນ
ປະທານ​ສະພາ​ຢູ​ໂຣບ ທ່ານ Herman Van Rompuy ກ່າວ​ວ່າ ຜູ້​ນໍາ​ຂອງຣັດ​ເຊຍ ​ແລະ
ກຸ່​ມອີ​ຢູ ທີ່​ມີ 27 ປະ​ເທດສະມາຊິກ​ນັ້ນ ມີ “ການ​ຕີ​ລາຄາ​ທີ່ແຕກ​ຕ່າງ​ກັນ” ກ່ຽວກັບ​ຊີ​ເຣຍ.

XS
SM
MD
LG