ຝຣັ່ງ ຈະບໍ່ໄປຮ່ວມ ພິທີຄົບຮອບ 20 ປີ ແຫ່ງ ການຂ້າລ້າງເຜົ່າພັນ ທີ່ Rwanda (ວີດີໂອກ່ຽວຂ້ອງ)

ຝຣັ່ງລົບ​ລ້າງ​ແຜນການ​ທີ່​ຈະ​ໄປ​ຮ່ວມ​ໃນ​ພິທີ​ໄວ້ອາ​ໄລ​
ຄົບຮອບ 20 ປີ ​ແຫ່ງການຂ້າ​ລ້າງ​ເຊື້ອຊາດ​ເຜົ່າ​ພັນ​ໃນ
Rwanda ຫຼັງ​ຈາກ​ມີ​ການ​ກ່າວ​ຫາຈາກປະທານາທິບໍ
ດີ​ຂອງ Rwanda ​ວ່າ ​ຝຣັ່ງ​ໄດ້​ເຂົ້າ​ຮ່ວມ​ໃນ​ການ​ຂ້າ​
ລ້າງ​ໝູ່​ປະຊາຊົນ​ນັ້ນ.

​ໂຄສົກ​ປະຈຳ​ກະຊວງ​ການ​ຕ່າງປະ​ເທດ​ຝຣັ່ງ ກ່​າວຕໍ່​
ວີ​ໂອ​ເອ ວ່າ ຝຣັ່ງປະຫຼາດ​ໃຈ​ນຳ​ຄຳ​ປະກາດ​ດັ່ງກ່າວ.
​ໂຄສົກກ່າວ​ຕໍ່​ໄປ​ວ່າ ການກ່າວ​ຫາເຫຼົ່ານັ້ນ​ແມ່ນ​ຂັດ
ກັນ​ກັບ​ການ​ດຳ​ເນີນ​ຂັ້ນ​ຕອນ​ເພື່ອ​ສ້າງຄວາມ​ປອງ​ດອງ​
ກັນ ​ທີ່​ພວມ​ດຳ​ເນີນ​ໄປ​ລະ​ຫວ່າງ​ສອງ​ປະ​ເທດ​ນັ້ນ.

ວີດີໂອ: ບົດຮຽນທີ່ສາມາດຖອດຖອນໄດ້ ຈາກການຂ້າລ້າງເຜົ່າພັນ ຢູ່ຣວັນດາ:

ປະທານາທິບໍດີ Paul Kagame ​ແຫ່ງ Rwanda ກ່າວ​ຕໍ່​ໜັງສືພິມ​ລາຍ​ສັບປະດາ
Jeune Afrique ​ວ່າ ​ຝຣັ່ງ​ແລະ​ແບ​ລຢ້ຽມ ​ໄດ້ຫຼິ້ນອັນ​ທີ່​ທ່ານ​ເອີ້ນ​ວ່າ “ບົດບາ​ດ​
ໂດຍ​ກົງ”​ ໃນ​ການ​ກະກຽມ​ດ້ານ​ການ​ເມືອງ ສຳລັບ​ການ​ສັງຫານ​ໝູ່​ປະຊາຊົນ​ນັ້ນ.
ໃນບົດ​ສຳພາດດັ່ງກ່າວ ທີ່ພິມ​ອອກເຜີຍ​ແຜ່​ໃນ​ວັນ​ອາທິດ​ມື້​ນີ້ ປະທານາທິບໍດີ
Rwanda ຍັງ​ກ່າວ​ຫາ​ຝຣັ່ງ​ເຊັ່ນ​ກັນ​ວ່າ ຝຣັ່ງ​ຮອດໄດ້ປະກອບສ່ວນ​ ໃນ​ຂັ້ນຕອນ
ການ​ຈັດ​ຕັ້ງ​ປະຕິບັດ ການ​ຂ້າ​ລ້າງ​ເຊື້ອ​ຊາດ​ເຜົ່າ​ພັນ​ດັ່ງກ່າວ.

ກະຊວງ​ການ​ຕ່າງປະ​ເທດ​ຝຣັ່ງ ກ່າວ​ວ່າ ລັດຖະມົນຕີ​ກະຊວງ​ຍຸຕິ​ທຳ ທ່ານ​ນາງ
Christiane Taubira ​ທີ່​ໄດ້​ວາງ​ກຳນົດ​ໄວ້​ວ່າ ຈະ​ເດີນທາງ​ໄປ​ຍັງ Rwanda
​ໃນ​ວັນ​ຈັນ​ມື້​ອື່ນ​ນີ້ ຈະ​ບໍ່​ໄປ​ປະກອບສ່ວນ​ໃນ​ພິທີ​ໄວ້ອາ​ໄລ​ດັ່ງກ່າວ​.

ວີດີໂອ: ພວກເດັກກຳພ້າຈາກ ເຫດການຂ້າລ້າງເຜົ່າພັນ ໃນຣວັນດາ ຍັງສູ້ຊົນຢູ່ຕໍ່ມາ: