ການນັດຢຸດງານຢູ່ຝຣັ່ງ

ສະຫະພັນກຳມະບານຢູ່ປະເທດຝຣັ່ງເລີ້ມພາກັນນັດຢຸດ
ງານປະທ້ວງຄັ້ງໃໝ່ ຕໍ່ຕ້ານແຜນການປະຕິຮູບ ລະບົບ
ເບ້ຍບຳນານຂອງປະທານາທິບໍດີ Nicolas Sarkozy
ໃນວັນພະຫັດມື້ນີ້ນຶ່ງມື້ຫຼັງຈາກຮ່າງກົດໝາຍດັ່ງກ່າວໄດ້
ຮັບການອະນຸມັດຈາກສະພາແຫ່ງຊາດຂອງຝຣັ່ງ.

ການປະທ້ວງນັດຢຸດງານເຮັດໃຫ້ຖ້ຽວບິນທັງເຂົ້າແລະ
ອອກຈາກປະເທດຝຣັ່ງ ຖືກຕັດລົງໃນລະຫວ່າງ 30
ຫາ 50% ແລະລົບກວນ ການບໍລິການທາງລົດໄຟ
ຂະນະທີ່ກຸງປາຣີພວມກຽມຮັບມື ກັບການໂຮມຊຸມນຸມ
ປະທ້ວງຄັ້ງໃຫຍ່ ໃນວັນພະຫັດມື້ນີ້.

ພວກຜູ້ນຳກຳມະບານ​ ໄດ້ຮຽກຮ້ອງໃຫ້ມີການນັດ
ຢຸດງານທົ່ວປະເທດ ເປັນເວລານຶ່ງມື້ ເພື່ອປະທ້ວງຕໍ່
ແຜນການເພີ່ມອາຍຸ ຂັ້ນຕໍ່າສຸດ ໃນການອອກກິນເບ້ຍ ບຳນານ ຈາກ 60 ຂຶ້ນເປັນ 62 ປີ.

ສະພາສູງຂອງຝຣັ່ງ ໄດ້ຮັບຜ່ານຮ່າງກົດໝາຍດັ່ງກ່າວໃນວັນອັງຄານຜ່ານມາ ຕິດຕາມດ້ວຍ
ການອະນຸມັດຂອງສະພາຕໍ່າໃນວັນພຸດວານນີ້. ເປັນທີ່ຄາດກັນວ່າປະທານາທິບໍດີ Nicolas
Sarkozy ຈະລົງນາມ ໃນຮ່າງກົດໝາຍສະບັບນີ້ ພາຍໃນກາງເດືອນໜ້າ.