ການປະເຊີນໜ້າກັນຍັງດໍາເນີນຢູ່ຕໍ່ໄປໃນເມືອງ Toulouse ປະເທດຝຣັ່ງບ່ອນທີ່ຕໍາຫຼວດ
ໄດ້ທໍາຄວາມພະຍາຍາມເພື່ອບັງຄັບໃຫ້ຜູ້ຕ້ອງສົງໄສໃນການຍິງຜູ້ຄົນຕາຍ7 ຄົນ ອອກມາ
ຈໍານົນຕໍ່ເຈົ້າໜ້າທີ່ຕໍາຫຼວດນັ້ນ.
ທ່ານ Claude Gueant ລັດຖະມົນຕີພາຍໃນຂອງຝຣັ່ງກ່າວວ່າ ຍັງບໍ່ເປັນທີ່ຈະແຈ້ງເທື່ອ
ວ່າ ນາຍ Mohammed Merah ໄວ 24 ປີ ຍັງມີຊີວິດຢູຫຼືບໍ່? ນັບແຕ່ຕໍາຫຼວດບໍ່ໄດ້ທໍາ
ການຕິດຕໍ່ໃດໆກັບຜູ້ກ່ຽວ ໃນລະຫວ່າງມື້ຄືນຜ່ານມານີ້.
ທ່ານ Gueant ກ່າວວ່າ ຜູ້ຕ້ອງສົງໄສທີ່ອ້າງວ່າ ຕົນມີສາຍພົວພັນກັບເຄືອຂ່າຍອານກາ
ອີດານັ້ນໄດ້ສະແດງເຈດຕະນາຢາກຕາຍດ້ວຍອາວຸດຄາມືນັ້ນ.
ລາຍງານສື່ມວນຊົນກ່າວວ່າ ໄດ້ຍິນສຽງລະເບີດແຕກຂຶ້ນຫຼາຍບັ້ນຢູ່ໃກ້ໆກັບຕຶກອາ
ຄານຫຼັງທີ່ນາຍ Merah ພວມລີ້ຢູ່ໃນປັດຈຸບັນມາຕັ້ງແຕ່ເຊົ້າວັນພຸດວານນີ້.
ນາຍເມຣາ ຊຶ່ງເປັນຄົນສັນຊາດຝຣັ່ງ ເຊື້ອສາຍ Algeria ຖືກກ່າວຫາຖານທໍາການຄາດ
ຕະກໍາຜູ້ນໍາສາສະໜາຢິວຄົນນຶ່ງ ແລະເດັກນ້ອຍອີກ 3 ຄົນ ທີ່ມີອາຍຸ 4 ປີ 5 ປີແລະ 7
ປີ ທີ່ໂຮງຮຽນຊາວຢີວແຫ່ງນຶ່ງ ໃນເມືອງ Toulouse ໃນວັນຈັນຜ່ານມານີ້ ກ່ອນຜູ້ກ່ຽວ
ຂີ່ລົດຈັກຫລົບໜີໄປນັ້ນ. ຕໍາຫຼວດຝຣັ່ງກ່າວວ່າ ມີປືນທີ່ຖືກກ່າວຫານີ້ ໄດ້ໃຊ້ປືນກະບອກ
ດຽວກັນ ສັງຫານທະຫານຝຮັ່ງ 3 ຄົນ ເຊື້ອສາຍອາຟຣິກາແລະຄົນນຶ່ງເຊື້ອສາຍມາຈາກ
ເຂດທະເລກາຣິບບຽນໃນສັບປະດາຜ່ານມານີ້ໃນເມືອງ Toulouse ແລະໃນເມືອງນຶ່ງ
ອີກທີ່ຢູ່ໃກ້ໆກັນນັ້ນ.
ເຈົ້າໜ້າທີ່ຕໍາຫຼວດ 2 ຄົນໄດ້ຮັບບາດເຈັບໃນການພະຍາຍາມບຸກເຂົ້າໄປຄັ້ງທໍາອິດ ໃນ
ເຮືອນທີ່ເມືອງ Toulouse ບ່ອນທີ່ນາຍເມຣາຜູ້ຕ້ອງສົງໄສພວມລີ້ຢູ່ໃນນັ້ນ. ບັນດາເຈົ້າ
ໜ້າທີ່ກ່າວວ່າ ທໍາອິດນາຍເມຣາ ກ່າວຕໍ່ພວກເຈົ້າໜ້າທີ່ວ່າ ລາວຈະເຂົ້າມອບໂຕຕໍ່ເຈົ້າ
ໜ້າທີ່ໃນແລງວັນພຸດວານນີ້.
ທ່ານ Gueant ລັດຖະມົນຕີພາຍໃນຝຮັ່ງ ກ່າວວ່າ ຕໍາຫຼວດໄດ້ຕັດສິນໃຈແລ້ວ ທີ່ຈະ
ຈັບເປັນນາຍເມຣາ.
ທ່ານ Gueant ກ່າວວ່າ ຜູ້ຕ້ອງສົງໄສໄດ້ເກີດໂມໂຫໃຈຮ້າຍກ່ຽວກັບການແຊກແຊງຂອງ
ທະຫານຝຣັ່ງໃນຕ່າງປະເທດ ແລະກ່າວວ່າ ລາວຢາກທໍາການແກ້ແຄ້ນ ຕໍ່ການທີ່ເດັກ
ນ້ອຍຊາວປາແລສໄຕນ໌ ຖືກສັງ ຫານຢູ່ໃນພາກຕາເວັນອອກກາງນັ້ນ. ທ່ານ Salam
Fayyad ນາ ຍົກລັດຖະມົນຕີປາແລສໄຕນ໌ປະນາມການສັງຫານພວກຜູ້ຄົນໃນຄັ້ງນີ້ ໂດຍ
ກ່າວວ່າ ມັນເຖິງເວລາແລ້ວ ທີ່ພວກອາຊະຍາກອນເຊົາໃຊ້ພວກປາແລສໄຕນ໌ເປັນຂໍ້ແກ້ໂຕ
ສຳລັບກໍ່ເຫດຮ້າຍຂອງພວກເຂົານັ້ນ.