ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ລັດຖະບານ ທ່ານ Sarkozy ລາອອກແລ້ວ


ທ່ານ Francois Hollande ໃນພິທີທີ່ໄວ້ອາໄລ ໃຫ້ແກ່ພວກເຄາະຮ້າຍ ຈາກການຄ້າທາດ ທີ່ Luxembourg Gardens ໃນກຸງປາຣີ (10 ພຶດສະພາ 2012)
ທ່ານ Francois Hollande ໃນພິທີທີ່ໄວ້ອາໄລ ໃຫ້ແກ່ພວກເຄາະຮ້າຍ ຈາກການຄ້າທາດ ທີ່ Luxembourg Gardens ໃນກຸງປາຣີ (10 ພຶດສະພາ 2012)

ລັດຖະບານ​ນິຍົມ​ແນວທາງ​ເດີມ​ຂອງປະທານາທິບໍດີຝຣັ່ງທ່ານ Nicolas Sarkozy ທີ່ຈະ​ພົ້ນ
ຈາກ​ຕໍາ​ແໜ່​ງ​ໃນ​ໄວໆ​ນີ້ໄດ້​ລາ​ອອກ​ຢ່າງ​ເປັນທາງ​ການ​ເພື່ອແຜ້ວ​ທາງ​ໃຫ້ປະທານາທິບໍດີທີ່​ຖືກ
​ເລືອກ​ໃໝ່ ທ່ານ Francois Hollande ​ສາບານ​ໂຕ​ເຂົ້າຮັບ​ຕຳ​ແໜ່​ງໃນ​ອາທິດ​ໜ້າ​ນີ້.

ນາຍົກລັດຖະມົນຕີ Francois Fillon ​ໄດ້ແຈ້ງໃຫ້ທ່ານ Sarkozy ຊາບ ​ໂດຍ​ທາງ​ຈົດໝາຍ
​ໃນ​ວັນ​ພະຫັດວານ​ນີ້​ວ່າ ທ່ານ​ເອງ​ແລະ​ບັນດາລັດ​ຖະ​ມົນຕີທັງຫລາຍ​ໄດ້​ພາກັນ​ລາ​ອອກ ​ເຖິງ​
ແມ່ນ​ວ່າ​ບັນດາລັດ​ຖະ​ມົນ​ຕີ​ເຫລົ່າ​ນີ້​ຍັງຈະ​ເຮັດ​ໜ້າ​ທີ່ຕໍ່​ໄປ​ໃນແຕ່ລ​ະວັນ​ຈົນ​ເຖິງການສາ​ບານ​ໂຕ
​ເຂົ້າ​ຮັບ​ຕໍາ​ແໜ່​ງຂອງທ່ານ Hollande ​ໃນ​ວັນ​ທີີ 15 ເດືອນ​ພຶດສະພານີ້​.

​ໃນ​ວັນ​ພະຫັດວານ​ນີ້ ທ່ານ Hollande ​ໄດ້ພົບ​ປະ​ກັບນາຍົກລັດຖະມົນ​ຕີລຸກ​ຊໍາ​ເບີ​ກ ທ່ານ
Jean-Claude Junker ຊຶ່ງ​ເປັນ​ປະທານກອງປະ​ຊຸມ ລັດ​ຖະມົນຕີ​ການ​ເງິນຂອງ​ບັນດາ​ປະ
ເທດ​ທີ່​ໃຊ້​ເງິນ​ຢູ​ໂຣ ທີ່​ກຸງປາຣີ. ທ່ານ Junker ​ໄດ້​ອອກ​ຈາກ​ກອງ​ປະ​ຊຸ​ມໄປ ໂດຍ​ບໍ່​ໄດ້ໃຫ້​
ຄວາມ ​ເຫັນຫຍັງ​ໝົດ.

ບໍ່​ເທົ່າ​ໃດ​ຊົ່ວ​ໂມງ​ຫລັງ​ຈາກທ່ານສາບານ​ໂຕ​ເຂົ້າຮັບ​ຕຳ​ແໜ່​ງ​ແລ້ວທ່ານ Hollande ຈະ​ເດີນ
ທາ​ງໄປ​ກຸງເບີ​ລີນ ​ເພື່ອ​ປືກສາ​ກັບນາຍົກລັດຖະມົນຕີ Angela Merkel ​ແຫ່ງ​ເຢຍຣະມັນ
ກ່ຽວ​ກັບ​ວ່າ​ທ່ານ​ມີ​ແຜນການ​ທີ່ ຈະ​ສ້າງ​ຄວາມກໍ້າ​ເກິ່ງ​ແບບ​ໃດຕໍ່ນະ​ໂຍບາຍ​ປະຢັດ​ມັດ​ທະ
ຍັດທີ່​ເຢຍຣະ​ມັນ​ບັງຄັບ​ໃຫ້​ຢູ​ໂຣບນຳ​ໃຊ້ກັບແຜນການນິຍົມການ​ເຕີບ​ໂຕ​ຂອງ​ທ່ານ.

ທ່ານ Hollande ທີ່​ສັງກັດພັກ​ສັງຄົມ​ນິຍົມໄດ້ຮັບ​ເລືອກ​ໃນ​ວັນ​ອາທິດ​ແລ້ວ ​ໃນ​ການ​ເລືອກ
​ຕັ້ງຮອບ​ສອງດ້ວຍ​ຄະ​ແນນສຽງ 52 ​ເປີ​ເຊັ​ນ ຂະນະທີ່​ທ່ານ Sarkozy​ ​ໄດ້​ຮັບ 48 ​ເປີ​ເຊັນ
ຊຶ່ງຖືກຜູ້​ປ່ອນ​ບັດລົງ​ໂທດ​ຍ້ອນ​ເສດຖະກິດ​ບໍ່​ດີ ຈໍາ​ນວນ​ຄົນ​ຫວ່າງ​ງານເພີ່ມ​ຂື້ນແລະ​ໄດ້​ເຂົ້າ
ຮ່ວມລົງ​ນາມ​ກ່ຽວ​ກັບມາດ​ຕະການ​ປະຢັດ​ມັດ​ທະ​ຍັດທີ່​ເຂັ້ມງວດ​ນັ້ນ.

XS
SM
MD
LG