ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ປະທານາທິບໍດີ ທີ່ຖືກເລືອກໃໝ່ ຂອງຝຣັ່ງ ເລີ້ມໂອ້ລົມ ກັບພວກຜູ້ນໍາຢູໂຣບ (ວີດີໂອ)


ທ່ານ Francois Hollande ປະທານາທິບໍດີທີ່ຖືກເລືອກຕັ້ງໃໝ່ຂອງຝຣັ່ງ.
ວັນທີ 10 ພຶດສະພາ 2012.
ທ່ານ Francois Hollande ປະທານາທິບໍດີທີ່ຖືກເລືອກຕັ້ງໃໝ່ຂອງຝຣັ່ງ. ວັນທີ 10 ພຶດສະພາ 2012.

ທ່ານ Francois Hollande ປະທານາທິບໍດີທີ່​ຖືກ​ເລືອກ​ຕັ້ງ​ໃໝ່​ຂອງ ຝຣັ່ງ ​ໄດ້​ເລີ້ມ​ທໍາ​ການ​ພົບ​ປະ​ຫາລື​ ກັບ​ບັນດາ​ຜູ້​ນໍາ​ຂອງ​ສະຫະພາບຢູ​ໂຣບກ່ຽວກັບ​ແຜນການ​ຂອງ​ທ່ານ ​ເພື່ອ​ເພ່ງ​ເລັງ​ຄືນ​ໃໝ່​ຕໍ່​ນະ​ໂຍບາຍ​ການ​ເຕີບໂຕຂອງ​ຢູ​ໂຣບນັ້ນ.

ທ່ານ Hollande ​ໄດ້​ພົບ​ປະ​ກັບ​ທ່ານ Herman Van Rompuy ປະທານ​ຂອງສະຫະພາບ​ຢູ​ໂຣບທີ່​ສໍານັກງານ​ໃຫຍ່​ຂອງ​ຫົວໜ້າພັກ​ສັງຄົມ​ນິຍົມ​ທີ່​ກຸງ​ປາຣີ ​ແຕ່​ບໍ່​ມີ​ຖະ​ແຫຼ​ງການ​ໃດໆ​ແຈ້ງ​ໃຫ້​ຊາບຫຼັງ​ຈາກ​ການ​ພົບ​ປະກັນ​ແລ້ວ.

ທ່ານ Hollande ມີ​ໝາຍ​ກໍານົດ​ເຊ່ນ​ກັນ​ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ກັບ​ຜູ້​ນໍາບັນດາ​ລັດຖະມົນຕີ​ການ​ເງິນ ​ໃນ​ເຂດ​ທີ່​ໃຊ້ເງິນ​ຢູ​ໂຣ ຄື​ນາຍົກລັດຖະມົນຕີ Jean Claude Juncker ​ແຫ່ງ Luxembourg ​ໃນ​ວັນ​ພະຫັດ​ມື້​ນີ້.

ຄາດ​ວ່າການ​ໂອ້​ລົມ​ສົນທະນາ​ກັນ​ນີ້​ຈະ​ເພ່ງ​ເລັງ​ໃສ່​ຄໍາ​ໝັ້ນ​ສັນຍາ​ຂອງ ຜູ້​ນໍາ​ໃໝ່​ຂອງຝຣັ່ງ ທີ່​ຈະ​ໄຂ​ການ​ພົບ​ປະ​ຫາລື​ກັນ​ຄືນ​ກ່ຽວກັບ​ສົນທິສັນ ຍາ​ວ່າ​ດ້ວຍ​ການ​ປະຢັດ​ມັດທະຍັດ​ ໃນ​ງົບ​ປະມານ​ປະ​ຈໍາປີ​ຂອງ​ສະຫະພາບ​ຢູ​ໂຣບ ​ໂດຍ​ຮຽກຮ້ອງ​ໃຫ້​ມີ​ການ​ເຈລະຈາ​ກັນ​ກ່ຽວ​ກັບ​ການ​ເອົາ​ມາດ​ຕະການ​ນິຍົມ​ການ​ເຕີບ​ໂຕ​ຂອງ​ເສດຖະກິດ ​ແທນ​ທີ່​ຈະ​ພຽງ​ແຕ່ ວາງ​ກົດ​ລະບຽບ​ໃນ​ການ​ປະຢັດ​ມັດທະຍັດ​ຕັດ​ງົບ​ປະມານ​ລົງ​ເທົ່າ​ນັ້ນ.

ທ່ານ​ນາງ Angela Merkel ນາຍົກລັດຖະມົນຕີ​ເຢຍຣະມັນ ກ່າວ​ວ່າ ທ່ານ​ນາງ​ຈະ​ບໍ່​ເຈລະຈາ​ສົນທິສັນຍາ​ສະບັບ​ນີ້​ຄືນ​ໃໝ່ ອັນ​ທີ່​ທ່ານ​ນາງ ໄດ້ເປັນ​ຜູ້​ບຸກ​ເບີກ ພ້ອມ​ກັບປະທານາທິບໍດີຝຣັ່ງ ທ່ານ Nicolas Sarkozy ທີ່ຈະ​ພົ້ນ​ຈາກ​ຕໍາ​ແໜ່​ງ​ໄປ​ນັ້ນ.

ການ​ທ້າ​ທາຍ​ຂອງ​ທ່ານ Hollande ຕໍ່​ໂຄງການ​ປະ​ຢັດ​ມັດທະຍັດນີ້​ມີ​ຂຶ້ນ​ຫຼັງ​ຈາກ​ຄວາມ​ປັ່ນ​ປ່ວນ​ທາງ​ດ້ານ​ການ​ເມືອງ​ໃນ​ກຣິສ ຫຼັງຈາກ​ພວກ​ປ່ອນ​ບັດ​ເລືອກ​ຕັ້ງ​ ໄດ້​ພາ​ກັບ​ຄັດຄ້ານ​ຢ່າງ​ຖ້ວມ​ລົ້ນ ​ຕໍ່​ພວກຜູ້​ສະມັກ​ຮັບ​ເລືອກ​ຕັ້ງ​ຫົວ​ນິນົມ​ແນວທາງ​ພໍ​ປານ​ກາງ​ສະໜັບສະໜຸນ​ການ​ຕັດ​ຄ່າ​ໃຊ້​ຈ່າຍ​ໃນ​ດ້ານ​ສັງຄົມ​ ທີ່​ຜູ້​ຄົນ​ບໍ່​ນິຍົມ​ນັ້ນ ທີ່​ມີ​ວັດຖຸ​ປະສົງ​ເພື່ອ​ໃຫ້​ການ​ຄໍ້າປະກັນ​ຕໍ່​ການ​ຊ່ອຍ​ກູ້​ໜີ​ສິນ​ຂອງ​ປະ​ເທດ​ ເພື່ອຫຼີກ​ລ້ຽງ​ການ​ກະທໍາ​ຜິດ​ສັນຍາ​ທີ່​ໃຊ້​ໜີ້ສິນ​ຄືນ​ບໍ່​ໄດ້​ນັ້ນ.

XS
SM
MD
LG