ປະທານາທິບໍດີຝຣັ່ງຄົນໃໝ່ ທ່ານ Emmanual Macron ເອີ້ນອົງການສື່ RT and
Sputnik ທີ່ໜຸນຫຼັງໂດຍວັງ Kremlin ນັ້ນວ່າ ເປັນ “ການໂຄສະນາຊວນເຊື່ອ”
ລຸນຫຼັງການພົບປະຊ້ອງໜ້າ ກັບຄູ່ຕຳແໜ່ງລັດເຊຍ ທ່ານ Vladimir Putin.
ທ່ານ Macron ເອີ້ນສື່ມວນຊົນດັ່ງກ່າວນີ້ວ່າ ເປັນ “ກົນໄກທີ່ມີອິດທິພົນ
ແລະໂຄສະນາຊວນເຊື່ອ” ຕໍ່ຕ້ານທ່ານ ໃນການເລືອກຕັ້ງປະທານາທິບໍດີຂອງປີນີ້
ໃນຂະນະທີ່ທ່ານ Putin ແມ່ນຖືກຈັບຕາເບິ່ງວ່າສະໜັບສະໜຸນຄູ່ແຂງທີ່ນິຍົມຂວາຈັດ
ທ່ານນາງ Marine Le Pen ນັ້ນ. ການກ່າວຫາກ່ຽວກັບການລັກເຈາະຂໍ້ມູນ ຕໍ່ຕ້ານ
ການໂຄສະນາຫາສຽງຂອງທ່ານ Macron ນັ້ນກໍແມ່ນພົວພັນກັບຣັດເຊຍ.
ທ່ານ Putin ປະຕິເສດ ຕໍ່ຂໍ້ກ່າວຫາດັ່ງກ່າວ ໃນຂະນະທີ່ໃຫ້ການຖະແຫຼງຂ່າວໃນວັນຈັນ
ວານນີ້ໃນພະລາຊະວັງ Versailles ໂດຍກ່າວວ່າ ວັງ Kremlin ບໍ່ໄດ້ໃຊ້ອິດທິພົນ
ຕໍ່ການລົງຄະແນນສຽງໃນຝຣັ່ງ ເຖິງແມ່ນວ່າ ທ່ານຈະບໍ່ໄດ້ປະຕິເສດວ່າບໍ່ໄດ້ພົບປະ
ກັບທ່ານນາງ Le Pen ໃນເດືອນມີນາຜ່ານມານີ້ກໍຕາມ.
