ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ຝຣັ່ງຈັບ ພວກມຸສລິມ ຫົວຮຸນແຮງ 19 ຄົນ ໃນທົ່ວປະເທດ


ຕຳຫຼວດ ທີ່ເຂົ້າຮ່ວມໃນການຈັບກຸມ ພວກຫົວຮຸນແຮງມຸສລິມ ຢູ່ທີ່ເມືອງ Coueron ໃນພາກຕາເວັນຕົກຂອງ ຝຣັ່ງ (30 ມີນາ 2012)
ຕຳຫຼວດ ທີ່ເຂົ້າຮ່ວມໃນການຈັບກຸມ ພວກຫົວຮຸນແຮງມຸສລິມ ຢູ່ທີ່ເມືອງ Coueron ໃນພາກຕາເວັນຕົກຂອງ ຝຣັ່ງ (30 ມີນາ 2012)

ປະທານາທິບໍດີ​ຝຣັ່ງ ທ່ານ Nicolas Sarkozy ກ່າວ​ວ່າ ຕຳຫຼວດ​ໄດ້​ຈັບ 19 ຄົນ​ໃນ​
ການ​ປາບ​ປາມ​ພວກ​ທີ່​ສົງ​ໄສ​ວ່າ​ເປັນ​ມຸສລິ​ມຫົວ​ຮຸນ​ແຮງຢູ່​ໃນ​ທົ່ວ​ປະ​ເທດ.

ທ່ານ Sarkozy ​ເວົ້າວ່າ ​ເຈົ້າໜ້າ​ທີ່ຢຶດ​ໄດ້​ອາວຸດ​ຈຳນວນ​ນຶ່ງໃນ​ລະຫວ່າງການ​ບຸກ​ເຂົ້າ​
ໄປ​ກວດຄົ້ນໃນ​ວັນ​ສຸກ​ມື້ນີ້ທີ່​ເມືອງ Toulouse ​ແລະ​ບ່ອນ​ອື່ນໆ. ລາຍ​ງານ​ກ່ອນ​ໜ້ານີ້
ແຈ້ງວ່າ ມີ 20 ຄົນ​ຖືກ​ຈັບ.

ການ​ບຸກ​ເຂົ້າ​ໄປ​ກວດຄົ້ນທີ່​ວ່າ​ນີ້ ມີ​ຂຶ້ນຫຼັງຈາກ​ໄດ້​ມີ​ການ​ສັງຫານ​ຈຳນວນ​ນຶ່ງ​ເກີດຂຶ້ນໃນ
ບໍລິ​ເວນ​ອ້ອມ​ແອ້ມ​ເມືອງ Toulouse ​ໂດຍນາຍ Mohamed Merah ​ມື​ປືນ​ມຸສລິ​ມ
ຫົວຮຸນ​ແຮງ. ສົບຜູ້ກ່ຽວ​ໄດ້ຖືກນຳ​ໄປ​ຝັງ​ທີ່​ເມືອງ​ດັ່ງກ່າວ​ໃນ​ມື້ວັນ​ພະຫັດທັງໆ​ທີ່​ໄດ້​ຮັບ
ການຄັດຄ້ານ​ຈາກ​ເຈົ້າຄອງ​ກຳ​ແພງແລະ​ຈາກ​ຄອບຄົວຂອງ​ລາວ​ໃນ​ເວລາ​ຕໍ່​ມາ​ທີ່​ເປັນ​ຄົນ
ອາລຈີ​ເຣຍນັ້ນ.

ນາຍ Merah ​ໄດ້​ຖືກ​ຍິງ​ຕາຍ​ໂດຍ​ຕຳຫຼວດຂະນະ​ທີ່​ຜູ້ກ່ຽວ​ໂດດ​ລົງ​ຈາກ​ລະບຽງອາຄານ​
ຫໍ​ພັກ​ໃນ​ວັນ​ພະຫັດ​ສັບປະດາ​ແລ້ວ ຫຼັງຈາກ​ໄດ້​ປະ​ເຊີນ​ໜ້າ​ກັບ​ຕຳຫຼວດ ​ເປັນ​ເວລາ 32
ຊົ່ວ​ໂມງ.

ເຈົ້າໜ້າ​ທີ່​ເວົ້າວ່າ ກ່ອນ​ເສຍ​ຊີວິດ​ນາຍ Merah ​ໄດ້​ຍອມຮັບ​ວ່າ​ລາວ​ເປັນ​ຜູ້​ສັງຫານ​ເດັກ
ນ້ອຍ 3 ຄົນ ທະຫານ 3 ຄົນ​ແລະ​ຜູ້​ສອນ​ສາສະໜາ​ຢິວຄົນ​ນຶ່ງ. ຕຳຫຼວດກ່າວ​ວ່າມືປືນ
ຄົນ​ນີ້ກ່າວ​ອ້າງ​ວ່າ ລາວ​ເປັນ​ສະມາຊິກ​ຂອງ​ກຸ່ມ​ກໍ່​ການ​ຮ້າຍອາລກາຍ​ດາ​ແລະ​ໄດ້​ຖ່າຍຮູບ
ເອົາ​ການ​ໂຈມ​ຕີ​ຂອງ​ລາວ.

XS
SM
MD
LG