ໃນວັນຈັນວານນີ້ ປະທານາທິບໍດີ ຝຣັ່ງ ທ່ານ Francois
Hollande ໄດ້ຮຽກຮ້ອງໃຫ້ສະຫະລັດ ຍຸດຕິການຫ້າມຄ້າຂາຍ
ກັບຄິວບາ ທີ່ມີມາດົນຫຼາຍກວ່າຫ້າທົດສະວັດແລ້ວນັ້ນ ພ້ອມ
ດຽວກັນ ກໍໃຫ້ຄຳໝັ້ນສັນຍາ ວ່າ ປະເທດຂອງທ່ານ ຈະສືບຕໍ່
ໃຫ້ການສະໜັບສະໜຸນ ໃນຂະນະທີ່ ປະເທດຄອມມິວນິສແຫ່ງ
ນັ້ນ ທຳການປະຕິຮູບເສດຖະກິດຂອງຕົນ.
ທ່ານ Hollande ໄດ້ເດີນທາງໄປເຖິງ ນະຄອນຫລວງຮາວານາ
ໃນວັນຈັນວານນີ້ ໂດຍເປັນຜູູ້ນຳຈາກປະເທດຕາເວັນຕົກຄົນທຳ
ອິດ ທີ່ໄປຢ້ຽມຢາມຄິວບາ ນັບຕັ້ງແຕ່ ປະທານປະເທດຄິວບາ
ທ່ານ Raul Castro ແລະ ປະທານາທິບໍດີສະຫະລັດ ທ່ານ
ບາຣັກ ໂອບາມາ ໄດ້ປະກາດເມື່ອເດືອນທັນວາປີກາຍນີ້ວ່າ ທັງສອງປະເທດຈະຫາທາງຍຸດຕິ
ຄວາມຂົມຂື່ນລະຫວ່າງກັນ ທີ່ກ່ຽວພັນກັບສົງຄາມເຢັນ ທີ່ມີມານານ ຫຼາຍກວ່າຫ້າທົດສະວັດ
ແລ້ວນັ້ນ.
ປະທານາທິບໍດີ ຝຣັ່ງ ທ່ານ Hollande ຢ້ຽມຢາມ ຄິວບາ
ໃນການກ່າວຄຳປາໄສ ຢູ່ທີ່ມະຫາວິທະຍາໄລ ນະຄອນຫຼວງຮາວານາ ປະທານາທິບໍດີ
ຂອງຝຣັ່ງ ກ່າວວ່າ ປາຣີ ຈະເຮັດໃນສິ່ງທີ່ຕົນສາມາດເຮັດໄດ້ ເພື່ອໃຫ້ເຫັນວ່າ “ມາດຕະ
ການລົງໂທດຕ່າງໆ ທີ່ໄດ້ທຳລາຍການພັດທະນາຂອງຄິວບານັ້ນ” ຈະສາມາດຍົກເລີກ
ໄດ້. ທ່ານ Hollande ຍັງເປັນຜູ້ນຳລັດຖະບານຝຣັ່ງຄົນທຳອິດ ທີ່ໄປຢຽມຢາມປະເທດ
ຄິວບາ ໂດຍມີຄະນະຜູ້ແທນທຸລະກິດກຸ່ມໃຫຍ່ຕິດຕາມໄປດ້ວຍ ຊຶ່ງເຂົາເຈົ້າມີຄວາມ
ກະຕືລືລົ້ນ ທີ່ຈະເສີມຂະຫຍາຍສາຍພົວພັນທາງດ້ານການຄ້າໃນປະຈຸບັນ ທີ່ມີມູນຄ່າ
400 ລ້ານໂດລານັ້ນ.
ທ່ານ Hollande ໄດ້ເຊັນສັນຍາສອງຝ່າຍ ທາງດ້ານການຄ້າ ແລະ ການສຶກສາ ຫຼາຍ
ສະບັບກັບເຈົ້າໜ້າທີ່ ຄິວບາ. ແລະທ່ານຍັງໄດ້ເຂົ້າພົບ ເປັນການສ່ວນຕົວກັບ ທ່ານ
Castro ແລະ ອ້າຍຂອງທ່ານ ຜູ້ນຳການປະຕິວັດຄິວບາ ທ່ານ Fidel Castro ທີ່ປ່ວຍ
ບໍ່ສະບາຍນັ້ນ. ປະທານາທິບໍດີຝຣັ່ງ ຮ້ອງທ່ານ Fidel Castro ວ່າ “ເປັນຊາຍຜູູ້ສ້າງ
ປະຫວັດສາດ.”
ການເດີນທາງ ໄປຍັງຄິວບາ ຂອງທ່ານ Hollande ແມ່ນເປັນສ່ວນໜຶ່ງຂອງການເດີນ
ທາງຢ້ຽມຢາມຫຼາຍປະເທດ ໃນເຂດທະເລຄາຣີບຽນ. ທ່ານ ໄດ້ເດີນທາງອອກໄປຈາກ
ຄິວບາ ໃນຕອນເຊົ້າວັນອັງຄານມື້ນີ້ ໄປຍັງປະເທດ Haiti ຊຶ່ງເປັນອະດີດອານານິຄົມ
ຂອງຝຣັ່ງ.
