ເລື້ອງລາວຂອງການກະທຳທີ່ກ້າຫານຕ່າງໆ ຂອງພະນັກງານ
ຄົນນຶ່ງຢູ່ທີ່ຮ້ານຂາຍອາຫານການກິນຂອງຊາວຢິວ ໃນນະຄອນ
ຫລວງປາຣີ ທີ່ຕົກຢູ່ພາຍໃຕ້ການໂຈມຕີ ໂດຍມືປືນປະກອບອາວຸດ
ໄດ້ເຮັດໃຫ້ຊາຍໜຸ່ມຄົນດັ່ງກ່າວນີ້ ໄດ້ຮັບສັນຊາດຝຣັ່ງຢ່າງທັນທີ.
ທ້າວ Lassana Bathily ບອກກັບ ວີໂອເອ ໃນການສຳພາດເມື່ອ
ວັນເສົາວານນີ້ ວ່າ ປະທານາທິບໍດີຝຣັ່ງ ທ່ານ Francois
Hollande ໄດ້ໂທລະສັບຫາ ລາວ ແລະ ໄດ້ໃຫ້ຄຳໝັ້ນສັນຍາວ່າ
ຈະມອບສັນຊາດຝຣັ່ງໃຫ້ແກ່ລາວ.
ທ້າວ Bathily ອາຍຸ 24 ປີ ຖືສາສະໜາອິສລາມ ຈາກປະເທດ
ມາລີ ຜູ້ທີ່ໄດ້ຊ່ວຍເຊື່ອງພວກລູກຄ້າໄວ້ໃນຕູ້ແສ່ເຢັນ ຢູ່ຊັ້ນລຸ່ມຂອງຮ້ານຄ້າ ກ່ອນໜ້າທີ່
ລາວຈະຫລົບໜີ ອອກໄປໄດ້ ແລ້ວເຕືອນເຈົ້າໜ້າທີ່ຕຳຫລວດ ແລະລາວເວົ້າວ່າ ສາສະ
ໜາຂອງພວກຄົນ ທີ່ລາວໄດ້ຊ່ວຍເຫຼືອນັ້ນ ບໍ່ມີຄວາມສຳຄັນສຳຫລັບລາວເລີຍ.
ທ້າວ Bathily ບອກກັບຜູ້ສື່ຂ່າວ ວີໂອເອພະແນກພາສາ Bambara ວ່າ ການກະທຳຕ່າງໆຂອງລາວນັ້ນ “ບໍ່ກ່ຽວພັນກັບຄວາມເຊື່ອຖືເລີຍ” ແລ້ວກ່າວຕື່ມອີກວ່າ ພວກລູກຄ້າ ແມ່ນເປັນຄົນທີ່ “ບໍລິສຸດ” ຜູ້ທີ່ “ບໍ່ໄດ້ເຮັດຫຍັງຜິດ.”
ທ້າວ Bathily ໄດ້ຖືກຍົກຍ້ອງ ວ່າເປັນວິລະບຸລຸດ ສຳຫລັບການກະທຳຕ່າງໆຂອງລາວນັ້ນ ໃນລະຫວ່າງການໂຈມຕີກໍ່ການຮ້າຍ.
ທ້າວ Amedy Coulibaly ມືປືນຜູ້ທີ່ຖືກລະບຸໂຕວ່າ ມີສ່ວນກ່ຽວພັນກັບພວກອິສລາມຫົວ
ຮຸນແຮງຈັດ ໄດ້ໂຈມຕີ ຮ້ານຂາຍອາຫານການກິນຊາວຢິວດັ່ງກ່າວ ໃນລະຫວ່າງການກໍ່
ຄວາມຢ້ານກົວເປັນເວລາ 3 ມື້ຢູ່ໃນນະຄອນປາຣີ ທີ່ໄດ້ສັງຫານ 17 ຄົນ.
ວິລະບຸລຸດ ແລະ ມືປືນ ຕ່າງກໍເປັນຄົນຜິວດຳ ເຊື້ອສາຍຕົ້ນກຳເນີດຈາກປະເທດມາລີ
ທີ່ປາກເວົ້າພາສາຝຣັ່ງ ເຮັດໃຫ້ເກີດຄວາມສັບສົນບາງສ່ວນ ໃນເວລາ ທ້າວ Bathily
ໄດ້ຫລົບໜີອອກໄປຈາກຮ້ານຄ້າ ເພື່ອຂໍຄວາມຊ່ວຍເຫຼືອ.
ທ້າວ Bathily ຖືກຈັບກຸ່ມໃສ່ກັບມື ເປັນເວລາ 90 ນາທີ ໂດຍຕຳຫລວດ ຈົນກວ່າພວກຄົນ
ທີ່ຮູ້ຈັກລາວ ໄດ້ຢັ້ງຢືນວ່າ ລາວບໍ່ແມ່ນຄົນຮ້າຍ. ທ້າວ Bathily ແຕ້ມແຜນທີ່ຂອງຮ້ານຄ້າ
ໃຫ້ແກ່ເຈົ້າໜ້າທີ່ຕຳຫລວດ. ຫຼັງຈາກທີ່ໄດ້ເຮັດວຽກຢູ່ຮ້ານຄ້າດັ່ງກ່າວເປັນເວລາ 4 ປີ ແລະ
ໄດ້ສວດມົນພະວະນາ ພາຍໃນຮ້ານຄ້າເມື່ອເວລາເຂົ້າເຮັດວຽກນັ້ນ ລາວຮູ້ຈັກສະຖານທີ່
ຢ່າງລະອຽດ.
ທ້າວ Bathily ບອກກັບວີໂອເອ ວ່າ “ເຖິງແມ່ນວ່າ ຂ້າພະເຈົ້າຖືກເອີ້ນວ່າເປັນວິລະ
ບຸລຸດ ກໍຕາມ ຂ້າພະເຈົ້າຈະບໍ່ປ່ຽນແປງຫຍັງເລີຍ.”
ທ້າວ Bathily ໄດ້ຢື່ນຄຳຮ້ອງຂໍສັນຊາດຝຣັ່ງໃນ ປີ 2014 ຫຼັງຈາກທີ່ໄດ້ອາໄສຢູ່ຝຣັ່ງໄດ້
8 ປີແລ້ວ. ກະຊວງພາຍໃນ ກ່າວວ່າ ເອກະສານສຳນວນຂອງລາວ ໄດ້ຖືກນຳສົ່ງຢ່າງ
ວ່ອງໄວ ແລະ ລັດຖະມົນຕີກະຊວງພາຍໃນ ທ່ານ Bernard Cazeneuve ຈະເປັນ
ປະທານໃນ ພິທີປ່ຽນສັນຊາດຂອງທ້າວ Bathily ໃນວັນອັງຄານນີ້.
