ມື້ນີ້ ປະຊາຊົນຝຣັ່ງສະເຫຼີມສະຫຼອງວັນ Bastille Day ອັນເປັນ
ວັນຢຸດພັກເພື່ອລະລຶກເຖິງການບຸກເຂົ້າຍຶດເອົາຄຸກ Bastille
ໃນນະຄອນຫຼວງປາຣີ ເມື່ອວັນທີ 14 ກໍລະກົດ ປີ 1789 ອັນ
ເປັນຂີດໝາຍແຫ່ງການເລີ້ມຕົ້ນການປະຕິວັດຂອງປະຊາຊົນ
ຝຣັ່ງ ຕໍ່ຕ້ານລະບອບສັກດີນາ ຫລືລາຊາທິປະໄຕ.
ປະທານາທິບໍດີ Francois Hollande ແລະແຂກຜູ້ມີກຽດອື່ນໆ
ໄດ້ ຮ່ວມຊົມ ການເດີນສວນສະໜາມຂອງທະຫານ ທີ່ປະຕິບັດ
ກັນມາເປັນປະເພນີ ຢູ່ຖະໜົນ Champ Elysees ໃນເຊົ້າວັນ
ຈັນມື້ນີ້.
ພວກຜູ້ຊົມຫຼາຍແສນຄົນ ພາກັນຢືນເປັນແຖວ ເລາະຕາມຖະໜົນເສັ້ນນັ້ນໃນນະຄອນ
ຫຼວງປາຣີ ເພື່ອຊົມການເດີນສວນສະໜາມດັ່ງກ່າວ.
ຝຣັ່ງສະເຫຼີມສະຫຼອງ ວັນ Bastille Day
ວັນ Bastille Day ເປັນວັນຢຸດພັກທາງການທີ່ໃຫຍ່ທີ່ສຸດໃນຝຣັ່ງ ແລະມີການສະເຫຼີມ
ສະຫຼອງວັນດັ່ງກ່າວ ໃນທົ່ວປະເທດ.
ການສະເຫຼີມສະຫຼອງຈະມ້ວນທ້າຍດ້ວຍການຈູດບັ້ງໄຟດອກ ໃນແລງວັນຈັນມື້ນີ້ ຢູ່ຫໍ
Tour Eiffel ໃນຫົວຂໍ້ ສົງຄາມແລະສັນຕິພາບ.
