ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຝຣັ່ງ ປະກາດຫ້າມ ໃຊ້ລົດແທັກຊີ Uber ເລີ້ມວັນທີ 1 ມັງກອນ


ພວກ​ຂັບ​ລົດ​ແທັກ​ຊີ ພາກັນ​ຕັນ​ຖະໜົນ​ຫົນທາງ​ອ້ອມ​ນະຄອນ
​ປາຣີ ໃນມື້ວັນຈັນ ວານນີ້ ​ເພື່ອ​ປະ​ທ້ວງການ​ຂົນ​ສົ່ງ​ບໍລິການ
ລົດແທັກ​ຊີ Uber ຊຶ່ງ​ເວລາ​ດຽວ​ກັນ ກະຊວງ​ພາຍ​ໃນຝຣັ່ງ
​ໄດ້​ປະກາດ​ວ່າ ຈະໃຫ້ແທັກ​ຊີ Uber ຢຸດເຊົາການ​ບໍລິ ການ
​ໃນ​ວັນ​ທີ 1 ​ເດືອນ​ມັງກອນ ຈະ​ມາ​ເຖິງ​ນີ້ ຊຶ່ງ​ເປັນ​ເວລາທີ່​ມີ
ກົດລະບຽບໃໝ່ ທີ່ເຄັ່ງຄັດກວ່າເກົ່າກ່ຽວກັບ​ບັນດາ​ຜູ້​ຂັບ
​ລົດແທັກຊີ​.

Uber ບໍ່​ຄື​ກັບ​ລົດ​ແທັກ​ຊີ​ທຳ​ມະ​ດາຊອກ​ຫາ​ຜູ້​ຂີ່​ລົດ​ທີ່​ເໝາະ​
ສົມ​ກັນກັບຄົນຂັບລົດໂດຍ​ຜ່ານຄຳຮ້ອງ​ຫາ​ທາງ​ໂທລະ​ສັບ
​ມື​ຖື. ບັນດາ​ຜູ້​ຂັບ​ລົດ​ແທັກ​ຊີ Uber ທີ່​ບໍ່​ແມ່ນ​ນັກ​ຂັບ​ລົດອາ
ຊີ​ບນັ້ນ ພາກັນ​ໃຊ້​ລົດ​ຂອງ​ຕົນ​ເອງ ຮັບ​ເອົາບັນດາ​ຜູ້​ໂດ​ຍສານໃນ​ລາຄາ​ຖືກ.

ພວກ​ຂັບ​ລົດ​ແທັກຊີໃນ​ປາຣີ ຄືກັນກັບ​ເພື່ອນ​ຮວມງານ​ອຶ່ນໆ​ຢູ່​ໃນ​ໂຕ​ເມືອງ​ໃຫຍ່​ຕ່າງໆ​
ທົ່ວໂລກ ກ່າວ​ວ່າ ​ເຂົາ​ເຈົ້າ​ພາກັນ​ບໍ່​ດີ​ໃຈ​ຕໍ່ສິ່ງ​ທີ່​ເຂົາ​ເຈົ້າ​ເຫັ​ນວ່າ ​ເປັນ​ການ​ແຂ່ງຂັນ​ທີ່ບໍ່
​ມີ​ຄວາມທ່ຽງທໍາ ຈາ​ກການ​ໃຊ້ ​ໂທລະ​ສັບ​ມື​ຖືສະຫລາດ ຂອງ​ການ​ບໍລິ​ການ​ລົດແທັກຊີ Uber.

​ໂຄສົກ​ກະຊວງ​ພາຍ​ໃນ​ຝຣັ່ງ ທ່ານ Pierre-Henry Brandet ກ່າວ​ວ່າ ກົດໝາຍ​ໃໝ່ຈະ​ມີ​ຜົນ​ບັງຄັບໃຊ້ ໃນການຫ້າມລົດແທັກຊີ​ລາຄາ​ຖືກ​ Uber.

Uber ກຳລັງ​ທຳການ​ຕໍ່​ສູ້ການ​ຟ້ອງ​ຮ້ອງ ຢູ່​ໃນ​ຫລາຍ​ປະ​ເທດໃນການ​ແຂ່ງຂັນ​ທີ່​ບໍ່​ທ່ຽງ​ທຳ.
ການ​ຕິຕຽນ​ຍັງ​ຍົກເອົາເລື້ອງ​ຄວາມ​ເປັນ​ຫ່ວງ​ຂອງ​ບັນດາ​ຜູ້​ຂັບ​ລົດ​ທີ່​ບໍ່ຖືກ​ກວດ​ຢ່າງ​ເໝາະ
​ສົມຂຶ້ນມາດ້ວຍ.

ນະຄອນ​ນິວ​ເດ​ລີ ​ໄດ້​ຫ້າມ​ການ​ບໍລິການ​ລົດ​ແທັກ​ຊີ Uber ອາທິດ​ແລ້ວ​ນີ້ ຢູ່​ໃນ​ນະຄອນ
ຫລວງ​ອີນ​ເດຍ ຫລັງ​ຈາກ​ຜູ້​ໂດຍສານ​ຄົນ​ນຶ່ງ ກ່າວ​ຫາ​ວ່າ​ຜູ້​ຂັບ​ລົດ​ຄົນ​ນຶ່ງ​ທຳ​ການ​ຂົ່ມຂືນ
ສຳເລົາ.

XS
SM
MD
LG