ບັນດາເຈົ້າໜ້າທີ່ຝຣັ່ງ ກ່າວວ່າ ເຂົາເຈົ້າໄດ້ຈັບ ຜູ້ນັບຖືສາສະ
ໜາອິສລາມຫົວຮຸນແຮງຈັດຄົນນຶ່ງທີ່ຕິດອາວຸດເຕັມອັດຕາ
ແລະສົງໄສວ່າ ພວມວາງແຜນໂຈມຕີໂບດແຫ່ງນຶ່ງ ຫລືຫລາຍ
ກວ່ານັ້ນ.
ຕຳຫລວດກ່າວໃນວັນພຸດມື້ນີ້ວ່າ ເຂົາເຈົ້າໄດ້ນຳໂຕນັກສຶກສາ
ຝ່າຍວິທະຍາສາດ ດ້ານຄອມພິວເຕີຄົນນຶ່ງ ເຂົ້າມາກັກຂັງຢູ່ໃນ
ນະຄອນປາຣີ ຫລັງຈາກລາວໄດ້ໂທ ລະສັບຮ້ອງຂໍ ການຊ່ວຍ
ເຫລືອສຸກເສີນ ເພື່ອປິ່ນປົວບາດເຈັບຈາກການຖືກຍິງ.
ເຈົ້າໜ້າທີ່ກະຊວງພາຍໃນຄົນນຶ່ງກ່າວວ່າ ຜູ້ຊາຍຄົນດັ່ງກ່າວນີ້
ຖືສັນຊາດອາລຈີເຣຍ ທີ່ໄດ້ສະສົມອາວຸດ ແລະເສື້ອກັນກະສຸນຢູ່ໃນເຮືອນຂອງລາວ ພ້ອມ ດ້ວຍເອກກະສານທີ່ສະແດງໃຫ້ຮູ້ວ່າ ລາວໄດ້ວາງແຜນໂຈມຕີໂບດ ຢ່າງໜ້ອຍແຫ່ງນຶ່ງຫລື ຫລາຍກວ່ານັ້ນ. ເຈົ້າໜ້າທີ່ພົບເຫັນວ່າ ລາວນັບຖືສາສະໜາອິສລາມຫົວຮຸນແຮງ ແຕ່ບໍ່ມີ ຫລັກຖານທີ່ສະແດງວ່າ ຜູ້ກ່ຽວພົວພັນກັບກຸ່ມກໍ່ການຮ້າຍກຸ່ມໃດກຸ່ມນຶ່ງ.
ບັນດາເຈົ້າໜ້າທີ່ກ່າວວ່າ ລາວໄດ້ໂທລະສັບຮ້ອງຂໍການຊ່ວຍເຫລືອສຸກເສີນ ຫລັງຈາກ
ເກີດອຸປະຕິເຫດຍິງຕົນເອງ.
ຝຣັ່ງ ໄດ້ເພີ້ມການປະຕິບັດງານຮັກສາຄວາມປອດໄພ ນັບຕັ້ງແຕ່ຕົ້ນເດືອນມັງກອນ ເປັນ
ຕົ້ນມາ ເວລາພວກຫົວຮຸນແຮງອິສລາມເປີດສາກຍິງໂຈມຕີຫ້ອງ ການນິຕະຍະສານກາຕູນ
Charlie Hebbo ແລະເລີ້ມຍິງສັງຫານຢ່າງບໍ່ເລືອກໜ້າເປັນເວລາສາມມື້ທີ່ເຮັດໃຫ້ 20 ຄົນ ເສຍຊີວິດ.
