ລິ້ງ ສຳຫລັບເຂົ້າຫາ

ວັນອັງຄານ, ໑໖ ເມສາ ໒໐໒໔

14 ຄົນ ເສຍຊີວິດ ໃນການ ປະທະກັນ ຢູ່ມາເລເຊຍ


ບັນດາຜູ້ສະໜັບສະໜູນ Sulu Sultan Jamalul Kiram III ພາກັນຮ້ອງໂຮວ່າ Allahu Akhbar (ພະເຈົ້າເປັນຜູ້ຍິງໃຫຍ່!)
ບັນດາຜູ້ສະໜັບສະໜູນ Sulu Sultan Jamalul Kiram III ພາກັນຮ້ອງໂຮວ່າ Allahu Akhbar (ພະເຈົ້າເປັນຜູ້ຍິງໃຫຍ່!)
ຢ່າງ​ໜ້ອຍ 14 ຄົນ​ ໄດ້​ເສຍ​ຊີວິດ​ຈາກ​ການ​ສູ້​ລົບ​ກັນລະຫວ່າງ​ກຳ
ລັງຮັກສາ​ຄວາມ​ປອດ​ໄພມາ​ເລ​ເຊຍແລະ​ກຸ່ມ​ປະກອບອາ​ວຸດຟິລິບ
​ປີນ.

ຫົວໜ້າ​ຕໍາຫລວດ ມາ​ເລ​ເຊຍ​ໃນ​ແຂວງ Sabah ທ່ານ Hamza
Taib ກ່າວ​ວ່າ ສະມາຊິກ 12 ຄົນ​ຂອງ​ກຸ່ມ​ດັ່ງກ່າວ ໄດ້​ຖືກ​ສັງຫານ
ພ້ອ​ມດ້ວຍເຈົ້າ​ໜ້າ​ທີ່ຕໍາຫລວດ​ສອງ​ຄົນ.

ການ​ຍິງ​ຕໍ່ສູ້​ກັນ ​ໄດ້​ເກີດ​ຂື້ນ​ ທີ່ບ້ານ Lahad Datu ​ເທິງ​ເກາະ​ບໍ​ນຽວ ບ່ອນ​ທີ່​ຊາວ​ຟິລິບ​ປິນ ​ໄດ້​ຍຶ​ດ​ເອົາ​ເປັນ​ເວລາ​ສອງ​ອາທິດມາ​ແລ້ວ ​ເພື່ອ​ທວງກຳມະສິດ​ເອົາ​ດິນແດນດັ່ງກ່າວ.

​ເຂົາ​ເຈົ້າແມ່ນ​ບັນດາ​ຜູ້​ເຊື່ອ​ຖື ຜູ້​ນໍາ​ທີ່​ປະກາດ​ຕົນ​ເອງ​ວ່າ​ເປັນທາຍາດ​ຂອງສຸນລະ​ຕານ
ອິສລາມ Sulu ຊຶ່ງ​ຄັ້ງ​ນຶ່ງ​ເຄີຍ​ຄວບ​ຄຸມບາງ​ເຂດ​ຂອງ ​ເກາະ​ບໍ​ນຽວ ພ້ອມ​ກັບ​ໝູ່​ເກາະ​ອື່ນ​ໃນພາກ​ໃຕ້​ຂອງຟິລິບ​ປີນ.

ທ່ານ Hamza ກ່າວ​ວ່າ ການປະ​ເຊິ​ນໜ້າ​ຍັງດໍາ​ເນີນ​ຢູ່​ຕໍ່​ໄປ ​ເຖິງ​ແມ່ນ​ວ່າ​ມີ​ລາຍ​ງານ​ວ່າ​ໄດ້​ສີ້​ນສຸດ​ລົງ​ແລ້ວກໍ​ຕາມ.
XS
SM
MD
LG