ຊາວທິເບດສີ່ຄົນພາກັນຈູດໄຟເຜົາຕົວເອງ ໃນພາກຕາເວັນ
ຕົກຂອງຈີນ ໃນສອງວັນທີ່ຜ່ານມາ ໃນຂະນະທີ່ ນັກຮຽນ
ທິເບດຄົນນຶ່ງ ທໍາການປະທ້ວງຕໍ່ຕ້ານລັດຖະບານປັກກິ່ງ ໄດ້
ຖືກເຈົ້າໜ້າທີ່ຮັກສາຄວາມປອດໄພເຂົ້າປາບປາມທັບມ້າງ.
ລາຍງານຂອງວີໂອເອ ພະແນກພາສາທິເບດ ກ່າວວ່າ ຜູ້ຊາຍສາມຄົນ ພາກັນຈູດເຜົາຕົວເອງ ໃນວັນຈັນວານນີ້ ແລະແມ່ຊີອີກຄົນນຶ່ງ ໄດ້ເສຍຊີວິດ ຫລັງຈາກຈູດເຜົາຕົວເອງໃນວັນອາທິດຜ່ານມາ.
ທ້າວ Wangyal ຊາວທິເບດ ອາຍຸ 20 ປີ ເຜົາຕົວເອງຕາຍທີ່ແຂວງສີສວນ. ມີລາຍງານວ່າ ລາວ ຮ້ອງສຽງດັງ ໃຫ້ ອົງດາໄລລາມະ ກັບຄືນສູ່ທິເບດ ແລະໃຫ້ຊາວທິເບດມີສິດເສລີພາບ. ແຫລ່ງຂ່າວກ່າວວ່າ ບັນດາເຈົ້າໜ້າທີ່ຈີນ ໄດ້ໄປເຖິງທີ່ເກີດເຫດໃນວັນຈັນ ໂດຍ ທັນທີ ແລະໄດ້ຍ້າຍສົບຂອງ ທ້າວ Wangyal ທີ່ຖືກເຜົາໄໝ້ນັ້ນ ໜີໄປ.
ຜູ້ຊາຍອີກຄົນນຶ່ງ ອາຍຸ 24 ປີ ຊື່ທ້າວ Gonpo Tsering ໄດ້ເຜົາຕົວເອງຕາຍ ຢູ່ຕໍ່ໜ້າວັດ ທີ່ແຂວງ Gansu ໃນວັນຈັນວານນີ້. ລາວກໍໄດ້ຮ້ອງຄຳຂວັນຂຶ້ນຄືກັນ ໃຫ້ ທິເບດ ໄດ້ຮັບເສຣີພາບ.
ຜູ້ຊາຍຄົນທີ່ສາມ ອາຍຸ 18 ປີ ຊື່ທ້າວ Kunchock Tsering ໄດ້ເສຍຊີວິດເຊັ່ນດຽວກັນ ຫລັງຈາກໄດ້ເຜົາຕົວເອງທີ່ແຂວງ Gansu.
ແມ່ຊີ Sangay Dolma ຊຶ່ງເປັນແມ່ຊີທີ່ວັດ Sangag Mindrol Dhargeyling ໄດ້ເສຍຊີວິດຫລັງຈາກ ເພິ່ນໄດ້ເຜົາຕົວເອງມື້ນຶ່ງກ່ອນນັ້ນ ຢູ່ຕໍ່ໜ້າຫ້ອງການລັດຖະບານ ທີ່ແຂວງ Quinghai.
ໃນອີກດ້ານນຶ່ງນັ້ນ ບັນດາກໍາລັງຮັກສາຄວາມປອດໄພຈີນ ໃນວັນຈັນ ວານນີ້ໄດ້ທັບມ້າງ
ການເດີນປະທ້ວງ ໂດຍນັກຮຽນທິເບດຫລາຍພັນຄົນ ທີ່ແຂວງ Quinghai ເຮັດໃຫ້ພວກນັກຮຽນຈໍານວນນຶ່ງໄດ້ຮັບບາດເຈັບໜັກ. ພວກປະທ້ວງພາກກັນຮ້ອງຄຳຂວັນ ທວງໃຫ້ມີສິດທິໃຊ້ພາສາເທົ່າທຽມກັນ ແລະໃຫ້ໄດ້ຮັບເສຣີພາບ.
ຕົກຂອງຈີນ ໃນສອງວັນທີ່ຜ່ານມາ ໃນຂະນະທີ່ ນັກຮຽນ
ທິເບດຄົນນຶ່ງ ທໍາການປະທ້ວງຕໍ່ຕ້ານລັດຖະບານປັກກິ່ງ ໄດ້
ຖືກເຈົ້າໜ້າທີ່ຮັກສາຄວາມປອດໄພເຂົ້າປາບປາມທັບມ້າງ.
ລາຍງານຂອງວີໂອເອ ພະແນກພາສາທິເບດ ກ່າວວ່າ ຜູ້ຊາຍສາມຄົນ ພາກັນຈູດເຜົາຕົວເອງ ໃນວັນຈັນວານນີ້ ແລະແມ່ຊີອີກຄົນນຶ່ງ ໄດ້ເສຍຊີວິດ ຫລັງຈາກຈູດເຜົາຕົວເອງໃນວັນອາທິດຜ່ານມາ.
ທ້າວ Wangyal ຊາວທິເບດ ອາຍຸ 20 ປີ ເຜົາຕົວເອງຕາຍທີ່ແຂວງສີສວນ. ມີລາຍງານວ່າ ລາວ ຮ້ອງສຽງດັງ ໃຫ້ ອົງດາໄລລາມະ ກັບຄືນສູ່ທິເບດ ແລະໃຫ້ຊາວທິເບດມີສິດເສລີພາບ. ແຫລ່ງຂ່າວກ່າວວ່າ ບັນດາເຈົ້າໜ້າທີ່ຈີນ ໄດ້ໄປເຖິງທີ່ເກີດເຫດໃນວັນຈັນ ໂດຍ ທັນທີ ແລະໄດ້ຍ້າຍສົບຂອງ ທ້າວ Wangyal ທີ່ຖືກເຜົາໄໝ້ນັ້ນ ໜີໄປ.
ຜູ້ຊາຍອີກຄົນນຶ່ງ ອາຍຸ 24 ປີ ຊື່ທ້າວ Gonpo Tsering ໄດ້ເຜົາຕົວເອງຕາຍ ຢູ່ຕໍ່ໜ້າວັດ ທີ່ແຂວງ Gansu ໃນວັນຈັນວານນີ້. ລາວກໍໄດ້ຮ້ອງຄຳຂວັນຂຶ້ນຄືກັນ ໃຫ້ ທິເບດ ໄດ້ຮັບເສຣີພາບ.
ຜູ້ຊາຍຄົນທີ່ສາມ ອາຍຸ 18 ປີ ຊື່ທ້າວ Kunchock Tsering ໄດ້ເສຍຊີວິດເຊັ່ນດຽວກັນ ຫລັງຈາກໄດ້ເຜົາຕົວເອງທີ່ແຂວງ Gansu.
ແມ່ຊີ Sangay Dolma ຊຶ່ງເປັນແມ່ຊີທີ່ວັດ Sangag Mindrol Dhargeyling ໄດ້ເສຍຊີວິດຫລັງຈາກ ເພິ່ນໄດ້ເຜົາຕົວເອງມື້ນຶ່ງກ່ອນນັ້ນ ຢູ່ຕໍ່ໜ້າຫ້ອງການລັດຖະບານ ທີ່ແຂວງ Quinghai.
ໃນອີກດ້ານນຶ່ງນັ້ນ ບັນດາກໍາລັງຮັກສາຄວາມປອດໄພຈີນ ໃນວັນຈັນ ວານນີ້ໄດ້ທັບມ້າງ
ການເດີນປະທ້ວງ ໂດຍນັກຮຽນທິເບດຫລາຍພັນຄົນ ທີ່ແຂວງ Quinghai ເຮັດໃຫ້ພວກນັກຮຽນຈໍານວນນຶ່ງໄດ້ຮັບບາດເຈັບໜັກ. ພວກປະທ້ວງພາກກັນຮ້ອງຄຳຂວັນ ທວງໃຫ້ມີສິດທິໃຊ້ພາສາເທົ່າທຽມກັນ ແລະໃຫ້ໄດ້ຮັບເສຣີພາບ.
