5 ຄົນ ເສຍຊີວິດ ຍ້ອນແຜ່ນດິນໄຫວ ຢູ່ແຂວງຢຸນນານ ຂອງຈີນ (ວີດິໂອ)

ບັນ​ດາ​ເຈົ້າ​ໜ້າ​ທີ່​ໃນ​ເຂດ​ຫ່າງ​ໄກ​ແຫ່ງ​ນຶ່ງ​ ທາງ​ພາກ​ຕາ​ເວັນ​ຕົກ
ສຽງ​ໃຕ້​ຂອງຈີນ ກ່າວ​ວ່າ ໄດ້​ເກີດແຜ່ນດິນ​ໄຫວຢູ່​ທີ່​ນັ້ນ ຊຶ່ງໄດ້​
ເຮັດ​ໃຫ້ມີ​ຜູ້​ເສຍ​ຊີວິດຢ່າງ​ໜ້ອຍ​ 5 ​ຄົນ ​ແລະ​ອີກ 10 ຄົນໄດ້​
ຮັບ​ບາດ​ເຈັບ.

​ເຈົ້າ​ໜ້າ​ທີ່​ກ່າວ​ວ່າ ​ແຜ່ນດິນ​ໄຫວ ຊຶ່ງກົມ​ສໍາ​ຫລວດ​ທໍລະນີ​ວິທະ
ຍາຂອງສະຫະລັດ ກ່າວ​ວ່າ ມີຄວາມ​ແຮງ 5.9 ນັ້ນ ​ໄດ້ສັ່ນ​ສະ​
ເທືອ​ນຫລາຍໆເຂດ​ເມືອງ ​ໃນ​ວັນ​ເສົາ​ມື້​ນີ້​ຢູ່​ທີ່​ແຂວງ ຢຸນນານ.

ອົງການ​ຂ່າວ​ຊິນ​ຫົວ​ຂອງ​ທາງການ​ຈີນ ກ່າວ​ວ່າ ​ແຜ່ນດິນ​ໄຫວ
​ໄດ້​ເຮັດ​ໃຫ້​ເຮືອນ 600 ຫລັງ​ລົ້ມເພພັງ ​ແລະ​ສ້າງ​ຄວາມ​ເສຍ
​ຫາຍ​ໃຫ້​ແກ່ອີກ 55,000 ຫລັງ​ຄາ​ເຮືອນ ບັງ​ຄັບ​ໃຫ້ກວ່າ 9,000
ຄົນ ຕ້ອງ​ໄດ້​ຍົກຍ້າຍໜີ.

ຊີ​ນຫົວ​ກ່າວ​ອີກວ່າ ​ການສື່ສານ​ຄົມມະນາຄົມ​ໄດ້​ຖືກ​ຕັດຂາດ ຢູ່​ໃນຂົງ​ເຂດ​ທີ່​ຖືກ​ກະທົບ ຈໍານວນ​ນຶ່ງ.