ພວກປະທ້ວງຕໍ່ຕ້ານລັດຖະບານ 4 ຄົນ ຖືກຂ້າຕາຍ ໃນວັນຈັນ
ມື້ວານນີ້ ຢູ່ໃນປະເທດ Bangladesh ໃນການປະທະກັນກັບ
ກອງກຳລັງຮັກສາຄວາມສະຫງົບ ຊຶ່ງເປັນວັນຄົບຮອບຄັ້ງທຳອິດ
ຂອງການເລືອກຕັ້ງຄືນໃໝ່ ຂອງນາຍົກລັດຖະມົນຕີ ທ່ານນາງ
Sheikh Hasina ທີ່ຖືກໂຕ້ຖຽງກັນນັ້ນ.
ມີການປະທ້ວງລະເບີດຂຶ້ນ ຢູ່ຕາມທ້ອງຖະໜົນ ໃນສອງສາມ
ເມືອງ ໂດຍມີພວກປະທ້ວງຈຳນວນນຶ່ງ ໂຍນກ້ອນຫິນ ໃສ່
ຕຳຫລວດ ຜູ້ທີ່ເປີດສາກຍິງ ແລະໃຊ້ແກັສນ້ຳຕາ ແລະ ລູກປືນ
ຢາງ ເພື່ອຂັບໄລ່ ພວກເດີນຂະບວນປະທ້ວງ. ຫຼັງຈາກຄວາມ
ຮຸນແຮງເມື່ອຕອນເຊົ້າ ໃນນະຄອນຫລວງ Dhaka ຂອງ Bangladesh ຢຸດລົງ ຖະໜົນ
ສາຍຕ່າງໆ ແມ່ນເກືອບວ່າງເປົ່າ ຍ້ອນວ່າບັນດາເຈົ້າໜ້າທີ່ ໄດ້ຕັດການໃຫ້ບໍລິການຂອງ
ລົດເມ ລົດໄຟ ແລະ ເຮືອຂ້າມຟາກ ເຂົ້າໄປໃນເມືອງນັ້ນ.
ຢູ່ໃນຄຳຖະແຫລງການຕໍ່ປະເທດຊາດ ທີ່ຖ່າຍທອດອອກທາງໂທລະພາບ ທ່ານນາງ
Hasina ຖິ້ມໂທດໃສ່ຜູ້ນຳຝ່າຍຄ້ານ ອະດີດນາຍົກລັດຖະມົນຕີ Khaleda Zia
ສຳຫລັບຄວາມຮຸນແຮງທີ່ເກີດຂຶ້ນ. ຜູ້ນຳ Bangladesh ຮຽກຮ້ອງໄປຍັງ ທ່ານນາງ Zia
ວ່າ “ໃຫ້ຍຸດຕິ ການໂຈມຕີດ້ວຍລະເບີດ ແລະລະເບີດມືເຫຼົ່ານີ້ ການກະທຳທີ່ກໍ່
ວິນາດສະກຳ ແລະການເຂັ່ນຂ້າ ຕະຫລອດທັງການວາງເພີງ ແລະ ການທຳລາຍ
ຊັບສົມບັດ ນັ້ນເສຍ.”
