ນັກບິນອະວະກາດສີ່ຄົນ ໄດ້ກັບຄືນລົງມາສູ່ໂລກຫລັງຈາກໄດ້ໃຊ້ເວລາ ຫົກເດືອນຢູ່ສະຖານີອະວະກາດສາກົນ. ແຄັບຊູລ ອະວະກາດ SpaceX ຂອງເຂົາເຈົ້າໄດ້ຕົກລົງສູ່ມະຫາສະໝຸດແອັດແລນຕິກດ້ວຍຈ້ອງຢູ່ນອກຊາຍຝັ່ງຂອງລັດ ຟລໍຣິດາ ໃນຕອນເຊົ້າວັນຈັນມື້ນີ້, ອີງຕາມອົງການຂ່າວ AP.
ຜູ້ທີ່ໄດ້ກັບລົງມາແມ່ນນັກອະວະກາດ NASA ສອງຄົນ, ຄົນນຶ່ງຈາກ ຣັດເຊຍ ແລະ ອີກຄົນນຶ່ງຈາກສະຫະລັດອາຣັບເອມີເຣັສ. ກ່ອນການ ເດີນທາງອອກຈາກສະຖານີອະວະກາດ ເຂົາເຈົ້າເວົ້າວ່າຢາກອາບນໍ້າຮ້ອນ ແລະກາເຟຮ້ອນໆຫຼາຍ.
ບໍລິສັດ SpaceX ໄດ້ສົ່ງນັກອະວະກາດໄປແທນເມື່ອນຶ່ງອາທິດທີ່ຜ່ານມາ. ການສັບປ່ຽນນັກອະວະກາດ ອີກຄັ້ງນຶ່ງຈະເກີດຂຶ້ນໃນທ້າຍເດືອນ ນີ້ ດ້ວຍນັກອະວະກາດທີ່ລໍຖ້າກັບຄືນບ້ານມາເປັນເວລານານສາມຄົນ ຜູ້ທີ່ໄດ້ຢູ່ເທິງສະຖານີອະວະກາດເປັນເວລານຶ່ງປີ. ການຢູ່ເທິງສະຖານີອະວະກາດຂອງເຂົາເຈົ້າໄດ້ຖືກຕໍ່ເວລາຍາວອອກໄປສອງເທົ່າ ຫລັງຈາກ ແຄັບຊຸລ ໂຊຍຸສ໌ ຂອງເຂົາເຈົ້າໄດ້ເກີດການຮົ່ວໄຫລ ແລະຍານລຳໃໝ່ຕ້ອງໄດ້ຖືກສົ່ງຂຶ້ນໄປ.