ນັກກິລາເທັນນິສຊາວ ຢູເຄຣນ ທ້າວ ອາເລັກ ດອລໂກໂປລອຟ ເຄີຍຢູ່ອັນດັບ 13 ຂອງໂລກ ແຕ່ບໍ່ດົນຫຼັງຈາກທີ່ ຣັດເຊຍ ໄດ້ບຸກຍຶດບ້ານເກີດຂອງລາວໃນປີ 2022 ລາວກໍໄດ້ອາສາໄປຕໍ່ສູ້ໃນແຖວໜ້າ. ນັກຂ່າວວີໂອເອ ແອນນາ ຄອສຕັດສເຊັນໂກ ໄດ້ພົບກັບດາລານັກກິລາເທັນນິສທີ່ໄດ້ກາຍເປັນຜູ້ປະຕິບັດການໂດຣນ.
ນັກກິລາເທັນນິສ ຢູເຄຣນ ອາຍຸ 35 ປີທີ່ໄດ້ບຳນານຈາກກິລາດັ່ງກ່າວແລ້ວ ທ້າວ ອາເລັກສ ດອລໂກໂປລອຟ ໄດ້ຕໍ່ສູ້ໃນແຖວໜ້ານັບຕັ້ງແຕ່ເດືອນຕົ້ນໆຂອງການບຸກລຸກຂອງ ຣັດເຊຍ. ແລະລາວເວົ້າວ່າ, ລາວບໍ່ເຄີຍເສຍໃຈກັບການຕັດສິນໃຈຂອງລາວ.
ທ້າວ ອາເລັກສ ດອລໂກໂປລອຟ, ຈາກກອງກຳລັງຕິດອາວຸດ ຢູເຄຣນ ກ່າວວ່າ “ຂ້ອຍບໍ່ຄິດວ່າພວກເຮົາຕ້ອງການແຮງຈູງໃຈ, ເພາະວ່າມັນແມ່ນບ້ານເກີດຂອງພວກເຮົາ. ທຳອິດ, ຂ້ອຍໄດ້ຊ່ວຍເຫຼືອໃນດ້ານສື່ມວນຊົນຫຼາຍກວ່າ, ທ້ອມໂຮມເງິນ, ທຳການຝຶກຊ້ອມໜ້ອຍນຶ່ງ.. ແຕ່ຫຼັງຈາກນັ້ນ, ຂ້ອຍກໍໄດ້ເຂົ້າຮ່ວມ. ຂ້ອຍຮູ້ສຶກວ່າຂ້ອຍຕ້ອງໄດ້ເຮັດຫຼາຍຂຶ້ນ. ຄືເຈົ້າຮູ້, ມັນຈະຢູ່ໃນຫົວຂອງເຈົ້າຕະຫຼອດ. ຄືວ່າ, ໂອ, ມີຄົນກຳລັງຕໍ່ສູ້ຢູ່ດຽວນີ້, ແລະ ເຈົ້າກໍແມ່ນນັກກິລາທີ່ມີສຸຂະພາບແຂງແຮງ, ເຈົ້າກໍສາມາດຊ່ວຍໄດ້ດ້ວຍບາງຢ່າງ.”
ທ້າວ ດອລໂກໂປລອຟ ໄດ້ເລີ່ມຫຼິ້ນກິລາເທັນນິສຕອນອາຍຸ 3 ປີ. ລາວໄດ້ຊະນະການແຂ່ງຂັນຊາຍດ່ຽວສາມລາງ ວັນ ແລະ ການແຂ່ງຂັນປະເພດຄູ່ຄັ້ງນຶ່ງ ແລະ ໄດ້ເປັນອັນດັບ 13 ຂອງໂລກໃນເດືອນມັງກອນປີ 2012.
ທ້າວ ດອລໂກໂປລອຟ ໄດ້ເງິນລາງວັນຫຼາຍກວ່າ 7 ລ້ານໂດລາ ກ່ອນທີ່ໄດ້ລາຈາກກິລາເທັນນິສອາຊີບໃນປີ 2021.
ແຕ່ເວລາ ຣັດເຊຍ ໄດ້ບຸກລຸກ ຢູເຄຣນ ໃນຕົ້ນປີ 2022, ລາວກໍໄດ້ກາຍເປັນຜູ້ປະຕິບັດການໂດຣນກັບກອງກຳລັງຕິດອາວຸດຂອງ ຢູເຄຣນ.
ທ້າວ ດອລໂກໂປລອຟ ກ່າວວ່າ “ຖ້າເຈົ້າມີແຕ່ເຕົ້າໂຮມຂໍ້ມູນ, ເຈົ້າກໍສາມາດມາ ແລະ ເຮັດວຽກ 7 ຊົ່ວໂມງ. ແຕ່ຖ້າມັນເປັນການໂຈມຕີ ແລະ ເຈົ້າຕ້ອງໄດ້ຊ່ວຍໝູ່ຂອງເຈົ້າຢູ່ເທິງພື້ນດິນ, ແລ້ວປົກກະຕິແລ້ວມັນຈະໃຊ້ເວລາປະມານ 15 ຊົ່ວໂມງ, ແລະ ເຈົ້າບໍ່ສາມາດຢຸດໄດ້ ເພາະວ່າມັນມີຄົນຜູ້ທີ່ຕ້ອງເພິ່ງພາອາໄສເຈົ້າ.”
ທ້າວ ດອລໂກໂປລອຟ ເວົ້າວ່າ 15 ປີໃນການຫຼິ້ນກິລາອາຊີບ ມັນໄດ້ຊ່ວຍລາວຮັບມືກັບຄວາມກົດດັນໃນເວລາເຮັດສົງຄາມໃນແຕ່ລະວັນໄດ້.
ທ້າວ ດອລໂກໂປລອຟ ກ່າວວ່າ “ຫຼາຍຄົນເວົ້າວ່າກິລາແມ່ນສົງຄາມ, ພຽງແຕ່ບໍ່ມີການຂ້າກັນ. ເຈົ້າຕໍ່ສູ້ໃນສະພາບທີ່ຮ້າຍແຮງ, ເຈົ້າຕ້ອງເອົາຊະນະທຸກໆສະຖານະການທີ່ຫຍຸ້ງຍາກຫຼາຍ, ບາງຄັ້ງການບາດເຈັບ ແລະ ການແຂ່ງຂັນຂະນະທີ່ບາດເຈັບ, ການຝຶກຊ້ອມຢ່າງໜັກ, ສະນັ້ນຈິດໃຈຂອງເຈົ້າແມ່ນຈະຢູ່ໃນຄວາມກົດດັນຕະຫຼອດເວລາ, ແລະ ຕໍ່ສູ້ກັບຄວາມກົດດັນນັ້ນ.”
ທ້າວ ດອລໂກໂປລອຟ ຫວັງວ່າຈະໃຊ້ປະສົບການຂອງລາວໃນກິລາອາຊີບ ເພື່ອພັດທະນາການຝຶກຊ້ອມຮ່າງກາຍແບບພິເສດສຳລັບທະຫານ ຢູເຄຣນ.
ທ້າວ ອາເລັກ ດອລໂກໂປລອຟ ກ່າວວ່າ “ກອງທັບບົກແມ່ນກົນໄກທີ່ຂ້ອນຂ້າງໃຫຍ່, ຂ້ອຍເຊື່ອວ່າເຂົາເຈົ້າມີການຝຶກຊ້ອມຮ່າງກາຍທີ່ທົ່ວໄປຫຼາຍ, ແລະຂ້ອຍຄິດວ່າພວກເຮົາສາມາດພັດທະນາມັນໄດ້. ການຝຶກຊ້ອມຂອງ NATO ແມ່ນດີ, ແຕ່ກ່ອນອື່ນໝົດ, ພວກເຮົາບໍ່ມີເວລານັ້ນ. ທີສອງແມ່ນ, ພວກເຮົາບໍ່ມີແຫຼ່ງຊັບພະຍາກອນທີ່ອົງການ NATO ມີ. ຂ້ອຍເຊື່ອວ່າພວກເຂົາມີການສັບປ່ຽນທີ່ດີກວ່າຫຼາຍ, ມີການພັກຜ່ອນຫຼາຍກວ່າ, ເຂົາເຈົ້າມີເວລາໃນການຝຶກຊ້ອມຫຼາຍ. ເຂົາເຈົ້າມີເວລາທີ່ຈະເຮັດວຽກ ກ່ຽວກັບ ຮ່າງກາຍຂອງເຂົາເຈົ້າສັບປ່ຽນກັນ, ແລະ ພວກເຮົາບໍ່ມີສິ່ງນີ້.”
ທ້າວ ດອລໂກໂປລອຟ ແມ່ນກຳລັງເຮັດວຽກໃນໂຄງການນຶ່ງທີ່ຖືກອອກແບບມາເພື່ອສ້າງຄວາມແຂງແກ່ນໃຫ້ກະດູສັນຫຼັງ ແລະ ຂໍ້ຕໍ່ຫົວເຂົ່າ ໃນຂະນະທີ່ເສີມຂະຫຍາຍຄວາມທົນທານໃຫ້ບັນດານັກລົບ ຢູເຄຣນ.
ອ່ານລາຍງານນີ້ເປັນພາສາອັງກິດ
Thirty-five-year-old retired Ukrainian tennis star Alex Dolgopolov has been fighting on the front lines since the early months of Russia’s invasion. And, he says, he has never regretted this decision.
“I don’t think we need motivation, because it’s our homeland. // First, I was helping more with the media, collecting some money, training a little bit. … After that, I joined. I felt I had to do more. You know, it’s always in the back of your head – you’re like, ‘Oh, someone’s fighting now, and you’re a healthy sports person, you could also help with something!’”
Dolgopolov started playing tennis at age 3. He has won three singles and one doubles tournament and ranked thirteenth in the world for singles in January of 2012.
Dolgopolov earned over 7 million dollars in prize money before retiring from professional tennis in 2021.
But when Russia invaded Ukraine in early 2022, he became a drone operator with Ukraine’s Armed Forces.
“If you just gather information, you can come and work for seven hours. But if it’s an assault and you have to help your guys on the ground, then it usually is like 15 hours, and you can't stop because there are people who depend on you.”
Dolgopolov says his 15 years in professional sports helps him cope with daily wartime stress.
“Many people say sport is a war, just without killing. You fight in extreme conditions, you have to overcome very tough situations, sometimes injuries and playing with injuries, training really hard, so your mentality is always in stress, and fighting that stress.”
Dolgopolov hopes to use his experience in professional sports to develop specialized physical training for Ukrainian soldiers.
“(The) Army is quite a big mechanism, I believe it has very general physical training, and I think we can improve that. // NATO training is good, but first of all, we don’t have that time. Second of all, we don’t have the resources that NATO has. I believe they have much better rotations, much more rest, they have more time in training. They have time to work on their physiques on rotation, and we don’t have these things.”
Dolgopolov is working on a program designed to strengthen the spine and knee joints while enhancing the endurance of Ukrainian fighters.
ຟໍຣັມສະແດງຄວາມຄິດເຫັນ