ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທ່ານ ຫຼີ ກວານ ຢີວ ຜູ້ກໍ່ຕັ້ງ ສິງກະໂປຍຸກໃໝ່ ເຖິງແກ່ອະສັນຍະກຳ ຮວມອາຍຸໄດ້ 91 ປີ


ທ່ານຫຼີ ກວານ ຢິວ ອະດີດນາຍົກລັດຖະມົນຕີ ສິງກະໂປ ວັນທີ 14
ກັນຍາ 2011.
ທ່ານຫຼີ ກວານ ຢິວ ອະດີດນາຍົກລັດຖະມົນຕີ ສິງກະໂປ ວັນທີ 14 ກັນຍາ 2011.

ທ່ານ​ຫຼີ ກ​ວານ ​ຢີວ ​ຜູ້​ກໍ່​ຕັ້ງ​ສິງກະ​ໂປ​ຍຸກ​ໃໝ່ ​ແລະຜູ້​ວາງ​ນະ​ໂຍ
ບາຍ​ດຳ​ເນີນ​ການ ເຮັດ​ໃຫ້​ສິງກະ​ໂປ​ກາຍເປັນ​ປະ​ເທດ​ທີ່​ມີ​ຊື່​ສຽງ
​ໂດ່​ງດັງ​ໃນ ດ້ານ​ເສດຖະກິດຂອງ​ໂລກ ​ໄດ້​ເຖິງ​ແກ່​ມໍລະນະ​ກຳ​
ໄປ​ແລ້ວ ຮວມອາຍຸ​ໄດ້ 91 ປີ.

ທ່ານ​ຫຼີ​ໄດ້​ເຂົ້າ​ຮັກສາ​ໂຕ​ທີ່​ໂຮງໝໍ Singapore General
Hospital ໃນ​ຕົ້ນ​ເດືອນ​ກຸມພາ​ຜ່ານ​ມາ​ນີ້ ຍ້ອນ​ໂຣກປອດ​ບວມ
ທີ່​ຮ້າຍ​ແຮງ ​ແລະ​ຕໍ່​ມາໄດ້​ຮັບ​ເຄື່ອງຊ່ອຍ​ຫາຍ​ໃຈ​.

ສຳນັກງານ​ນາຍົກລັດຖະມົນຕີສິງກະ​ໂປ ກ່າວ​ວ່າ ທ່ານ​ຫຼີ ທີ່​ປົກ
ຄອງ​ປະ​ເທດ​ເກາະດອນ​ດັ່ງກ່າວ​ ມາຕັ້ງ​ແຕ່​ປີ 1959 ຈົນເຖິງ​ປີ
1990“ໄດ້​ເຖິງ​ແກ່​ອະສັນ​ຍະ​ກຳ​ໄປ​ຢ່າງ​ສະຫງົບ​ງຽບ” ​ໃນ​ເຊົ້າ​ວັນ​ຈັນ​ມື້​ນີ້.

ລັດຖະບານ​ໄດ້​ປະກາດ​ໄວ້ອາ​ໄລ​ຢ່າງ​ເປັນ​ທາງ​ການ​ ​ໄປ​ຮອດ​ວັນ​ສົ່ງສະການ​ທ່ານ​ຫຼີ ​ໃນ
​ວັນ​ອາທິດ​ໜ້າ. ການໄວ້ອາ​ໄລ​ທາງສ່ວນ​ຕົວ ​ຂອງ​ຄອບຄົວ​ຈະ​ມີ​ຂຶ້ນ ​ໃນ​ວັນ​ຈັນ​ມື້​ນີ້ແລະ​ວັນອັງຄານ​ມື້​ອື່ນ. ຫຼັງ​ຈາກ​ນັ້ນ ສົບ​ຂອງທ່ານຈະຖືກນຳ​ໄປ​ດອຍ​ໄວ້ຢ່າງ​ເປັນ​ທາງ​ການຈົນ​ຮອດ​ມື້​ສົ່ງສະການ.

ລູກ​ຊາຍ​ຂອງ​ທ່ານ ຄື​ທ່ານ​ຫຼີ ຊຽນ ຫຼຸ​ງ ຊຶ່ງ​ເປັນ​ນາຍົກລັດຖະມົນຕີຄົນ​ປັດຈຸບັນ ໄດ້​ກັ້ນນ້ຳ
ຕາໄວ້ ເວລາ​ທ່ານອອກ​ມາ​ແຈ້ງ​ຂ່າວ​ທາງ​ໂທລະພາບ​ຕໍ່​ປະ​ເທດ​ຊາດ​ໃນ​ວັນ​ຈັນ​ມື້​ນີ້. ທ່ານ​ກ່າວ​ວ່າ ບິດາ​ຂອງ​ທ່ານ “​ໄດ້ເປັນ​ແຮງ​ບັນດານໃຈ​ຂອງພວກ​ເຮົາ ​ໃຫ້​ກຳລັງ​ໃຈ​ແກ່
ພວກ​ເຮົາ ​ແລະ​ນຳພາ​ພວກ​ເຮົາ​ມາ​ຮອດ​ຈຸດນີ້. ສຳລັບ​ຫຼາຍໆ​ຄົນ​ແລ້ວ ທ່ານ​ ຫຼີ
ກ​ວານ​ ຢີວ ກໍຄື​ສິງກະ​ໂປ.”

ທີ່ມາ​ເລ​ເຊຍ ​ປະ​ເທດ​ເພື່ອນ​ບ້ານ ນາຍົກລັດຖະມົນຕີ Hajib Razak ​ໄດ້​ກ່າວ​ຍ້ອງຍໍ​ສັນ
ລະ​ເສີນ​ທ່ານ​ຫຼີ "ສຳລັບ​ການ​ຕັດສິນ​ໃຈ​ອັນ​ແນ່​ວ​ແນ່ ຂອງ​ທ່ານ​ໃນ​ການ​ພັດທະນາ​
ສິງກະ​ໂປ​ ຈາກການເປັນ​ປະ​ເທດ​ໃໝ່ ຂຶ້ນ​ມາ​ເປັນ​ປະ​ເທດ​ທີ່ທັນ​ສະ​ໄໝ ​ແລະ​ເປັນ​
ເມືອງ​ທີ່​ກ້າວໜ້າ​ແລະ​ມີ​ພະລັງ ທີ່ພວກ​ເຮົາ​ເຫັນໃນ​ມື້​ນີ້. “

Lee Kuan Yew, Founder of Modern Singapore, Dies at 91
please wait

No media source currently available

0:00 0:00:14 0:00

ທ່ານ​ຫຼີ​ໄດ້​ຂຶ້ນ​ມາ​ເປັນ​ນາຍົກລັດຖະມົນຕີຄົນທຳອິດ ​ເວລາ​ສິງກະ​ໂປໄດ້​ຮັບ​ເອກະລາດ​ປົກ
ຄອງ​ຕົນ​ເອງ​ຢ່າງ​ເຕັມ​ສ່ວນ ຈາກ​ການເປັນ​ຫົວ​ເມືອງຂຶ້ນ​ຂອງ​ອັງກິດ. ທ່ານຍັງ​ເປັນ​ແຮງ​ຂັບ​ດັນປະ​ເທດ ຕໍ່​ມາອີກ​ເປັນເວລາ​ດົນ​ນານ ຫຼັງ​ຈາກ​ທ່ານ​ລາ​ອອກ​ກິນ​ເບ້ຍ​ບຳນານ​ 3 ທົດ​ສະ
ວັດ​ຕໍ່​ມາ.

​ໃນ​ວັນ​ອາທິດ​ວານ​ນີ້ ທຳນຽບຂາວ​ໄດ້​ກ່າວ​ຍ້ອງຍໍ​ສັນລະ​ເສີນ​ທ່ານ​ຫຼີວ່າ “​ເປັນ​ຜູ້​ມີ​ຈິນ
​ຕະ
ນາ​ການ” ທີ່​ໄດ້​ສ້າງຕັ້ງ “ໜຶ່ງ​ໃນ​ບັນດາ​ປະ​ເທດ​ທີ່ມັ່ງ​ຄັ່ງ ສົມບູນ​ທີ່​ສຸດ​ຂອງ​ໂລກ​
ໃນ​ສູ່​ມື້​ນີ້”
ແລະ​ບັນລະ​ຍາຍ​ທ່ານວ່າ “​ເປັນ​ຜູ້​ຍິ່ງ​ໃຫຍ່​ທີ່​ແທ້​ຈິງ​ຂອງ​ປະຫວັດສາດ ທີ່
​ຜູ້​ຄົນ​ຈະ​ຈາລຶກ​ໄວ້ ແລະ​ເປັນ​ໜຶ່ງ​ ໃນ​ບັນດາ​ນັກ​ວາງ​ຍຸດ​ທະ​ສາດ​ທີ່​ຍິ່ງ​ໃຫຍ່​ທີ່​ສຸດ
​ຂອງ​ກິດຈະການ​ເອເຊຍ.”

ນາຍົກລັດຖະມົນຕີ David Cameron ​ແຫ່ງ​ອັງກິດ ອອກ​ຖະ​ແຫຼ​ງ ການ​ສະບັບ​ໜຶ່ງ ​ກ່າວ​ວ່າ "ທ່ານ​ຫຼີ​ແມ່ນມີ​ບ່ອນຢູ່​ໃນ​ປະຫວັດສາດຢ່າງ​ແນ່ນອນ ​ໃນ​ຖານະ​ເປັນ​ຜູ້ນຳຄົນ​ໜຶ່ງ ​ແລະ​ໜຶ່ງ​ໃນ​ບັນດາລັດຖະບຸລຸດ ​ຊັ້ນ​ຢ້ຽມ​ຂອງ​ຍຸກ​ໂລກ​ໃໝ່.”

Lee Kuan Yew Obit
please wait
Embed

No media source currently available

0:00 0:02:53 0:00

XS
SM
MD
LG