ຫົວໜ້າຄອບຄົວທີ່ມີອິດທິພົນຕະກຸນນຶ່ງໃນຟີລິບປິນຊຶ່ງເປັນຜູ້
ຕ້ອງສົງໄສຄົນສຳຄັນ ໃນການສັງຫານໝູ່ຄອບຄົວທີ່ເປັນປໍລະ
ປັກໃນປີ 2009 ແລະພວກນັກຂ່າວ ຫລາຍສິບຄົນນັ້ນ ໄດ້ເສຍ
ຊີວິດແລ້ວ.
ທ່ານ Andal Ampatuan Sr ອະດີດເຈົ້າແຂວງໆ Maguin-
danao ທີ່ຕັ້ງຢູ່ໃນເກາະ Mindanao ທາງພາກໃຕ້ຂອງປະເທດ
ໄດ້ເສຍຊີວິດແລ້ວ ໃນວັນສຸກວານນີ້ ຢູ່ທີ່ໂຮງໝໍລັດຖະບານ.
ທ່ານໄດ້ຢູ່ໃນອາການໝົດສະຕິບໍ່ຮູ້ສຶກໂຕຫລັງຈາກໄດ້ເປັນຫົວ
ໃຈວາຍຫວ່າງມໍ່ໆມານີ້.
ທ່ານ Amputuan ພ້ອມດ້ວຍຫລາຍກວ່າ 100 ຄົນ ຮວມທັງລູກຊາຍຫລາຍໆ ຄົນຂອງ
ທ່ານ ໄດ້ຖືກດຳເນີນຄະດີ ໃນຂໍ້ຫາຄາດຕະກຳ ທີ່ໄດ້ສັງຫານ 58 ຄົນ ຮວມທັງບັນດານັກ
ຂ່າວ 32 ຄົນ ຊຶ່ງເປັນນຶ່ງໃນການສັງຫານທີ່ຮ້າຍແຮງສຸດ ທາງດ້ານການເມືອງຢູ່ໃນຟິລິບ ປິນ.
ໃນເດືອນພະຈິກ ປີ 2009 ຄອບຄົວຂອງເຈົ້າແຂວງ Maguindanao ຄົນປັດຈຸບັນ ທ່ານ
Esmael Mangudadatu ທີ່ໄດ້ຕິດຕາມໂດຍ ບັນດາທະນາຍ ຄວາມ ຜູ້ສະໜັບສະໜູນ
ແລະສື່ມວນຊົນ ໄດ້ພາກັນເດີນທາງໄປຍື່ນຄຳຮ້ອງ ສະຫມັກເປັນເວລາ ເວລາພວກເຫັນ
ເຫດການກ່າວວ່າ ຫຼາຍກວ່າ 100 ຄົນທີ່ຖືກກ່າວຫາວ່ານຳພາໂດຍທ້າວ Andal Junior
ໄດ້ພາກັນຂັດຂວາງເຂົາເຈົ້າ ແລະຍິງເຂົາເຈົ້າຕາຍ.
ການດຳເນີນຄະດີດັ່ງກ່າວ ໄດ້ເລີ້ມຂຶ້ນໃນປີ 2010 ແລະໄດ້ດຳເນີນໄປຊ້າຫລາຍ. ບັນດາ ທະນາຍຄວາມຈາກທັງສອງຝ່າຍ ໄດ້ຊຸກຍູ້ໃຫ້ມີການເຄື່ອນໄຫວ ໄວຂື້ນ.
ບັນດາອົງການຂ່າວຕ່າງໆ ໄດ້ປະກາດວ່າ ຟິລິບປີນເປັນນຶ່ງໃນບັນດາປະເທດ ທີ່ເປັນອັນ ຕະລາຍທີ່ສຸດໃນໂລກ ຕໍ່ບັນດານັກຂ່າວ.
