ຫົວ​ໜ້າ ​ກໍ່​ລັດຖະປະຫານ ໃນມາລີ ​ຖືກ​ຟ້ອງ ​ໃນ​ຂໍ້​ຫາ​ ຄາດ​ຕະກຳ

ບັນດາ​ເຈົ້າ​ໜ້າ​ທີ່​ຂອງ Mali ​ໄດ້​ຈັບ​ກຸມນາຍ​ພົນ Amadou
Sanogo ຫົວ​ໜ້າຂອງ​ການ​ກໍ່​ລັດຖະປະຫານ ​ໃນ​ປີ​ກາຍ​ນີ້​ ​
ແລະກ່າວ​ຫາ​ທ່ານວ່າ ​ເປັນ​ຄາດ​ຕະກອນ.

ທ່ານ Mohamed Coulibaly ຜູ້​ອໍານວຍ​ການ​ຝ່າຍ​ສື່ສານ
ຂອງ​ນາຍ​ພົນ Sanogo ​ໄດ້​ບອກ​ກັບ VOA ພະແນກພາສາ​
ຝຣັ່ງ​ໄປ​ຍັງ​ອາ​ຟຣິກາວ່າ ກຳລັງ​ຮັກສາ​ຄວາມ​ສະຫງົບ​ໄດ້
ຈັບ​ທ່ານ Sanogo ທີ່​ເຮືອນ​ຂອງ​ທ່ານ ​ໃນ​ນະຄອນ Bamako
​ໃນ​ວັນ​ພຸດ​ວານ​ນີ້ ​ແລະ ​ໄດ້​ນຳທ່ານ​ໄປ​ປະກົດ​ຕົວ​ ຕໍ່ໜ້າ​ຜູ້​ພິພາກສາ ທີ່​ໄດ້​ອອກ​ຄຳ​ສັ່ງ
ໝາຍຮຽກຂອງ​ສານ ​ແຕ່​ກໍ ຖືກ​ປະຕິ​ເສດ​ຕະຫຼອດມາ.​

ອະທິ​ໄອ​ຍະ​ການ​ຂອງ​ມາລີ ທ່ານ Daniel Tessouge ​ໃຫ້ການ​ຢືນຢັນ​ຕໍ່​ວີ​ໂອ​ເອວ່າ​
ນາຍພົນ Sanogo ​ໄດ້​ຖືກ​ຟ້ອງ​ໃນ​ຂໍ້​ຫາ​ຄາດ​ຕະກຳ​ແລະ​ລອບ​ສັງຫານ.

ທ່ານ​ເວົ້າວ່າ ຂໍ້​ຫາ​ເຫຼົ່ານີ້​ແມ່ນ​ພົວພັນ​ກັບ​ການ​ຄາດ​ຕະກຳ​ທະຫານ​ໝວກຫ​ແດງ​ໃນ​ເດືອນ​
ເມສາ ປີ 2012 ​ໃນ​ລະຫວ່າງ​ທີ່​ມີ​ການ​ກໍ່​ການ​ຕໍ່ຕ້ານ​ລັດຖະປະຫານ​ຂຶ້ນ ​ແລະ​ການ​ປາບ
​ປາມ​ການ ກໍ່​ກະບົດ​ທີ່​ຄ້າຍ Kati ​ໃນ​ເດືອນ​ກັນຍາ.

ທ່ານ Tessouge ​ເວົ້າວ່າ ນາຍ​ພົນ Sanogo ຍັງ​ຖືກ​ຄວບ​ຄຸມ​ຕົວ​ໄວ້​ຢູ່​ໃນ​ເວລາ​ນີ້.