ລິ້ງ ສຳຫລັບເຂົ້າຫາ

logo-print

ທ່ານ ມິດ ຣອມນີ ທີ່ເຄີຍຕິຕຽນ ທ່ານທຣຳ ກ່າວຍ້ອງຍໍທ່ານ


ປະທານາທິບໍດີ ທີ່ໄດ້ຮັບເລືອກໃໝ່ ຂອງສະຫະລັດ ທ່ານ Donald Trump ພວມໂຕ້ວາທີ ຄັ້ງທີ 3 ກັບຜູ້ສະໝັກ ປະທານາທິບໍດີ ຂອງພັກເດໂມແຄຣັດ ທ່ານນາງ Hillary Clinton ທີ່ມະຫາວິທຍາໄລ UNLV ໃນນະຄອນ Las Vegas.

ຄັ້ງນຶ່ງ ​ເຄີຍ​ເປັນ​ຜູ້​ຕ້ອງ​ຕິ​ທີ່​ແຂງ​ຂັນ​ທີ່​ສຸດ ອະດີດ​ຜູ້​ປົກຄອງ​ລັດ Massachusetts ທ່ານ Mitt Romney ​ໄດ້​ກ່າວ​ຍົກຍ້ອງທ່ານ Donald Trump ​ປະທານາທິບໍດີ​ທີ່​ໄດ້​ຮັບ​ເລືອກ ໃໝ່ ຫຼັງ​ຈາກ​ບຸກຄົນ​ທັງ​ສອງ ​ໄດ້​ຮັບ​ປະທານ​ອາຫານ​ແລງ​ນຳ​ກັນ ​ໃນຄ່ຳຄືນ​ວານ​ນີ້ ​ໂດຍ​ເອີ້ນການ​ສົນທະນາ​ຂອງ​ພວກ​ທ່ານ​ວ່າ “​ໃຫ້​ຄວາມ​ຮູ້ ໜ້າ​ສົນ​ໃຈ ​ແລະ​ກໍຖືກ​ໃຈ.”

ການ​ໃຫ້​ຄວາມ​ເຫັນ​ນີ້ມີ​ຂຶ້ນ​ເກົ້າ​ເດືອນ ​ຫລັງ​ຈາກ​ທ່ານ Romney ​ໄດ້ກ່າວ​ຄຳ​ປາໄສ​ໂຈມ​ ຕີ​ຢ່າງ​ໜັກ ​ເພື່ອ​ສະໜັບສະໜຸນ ​ຄູ່​ແຂ່ງ​ຂອງ​ທ່ານ Trump ທີ່​ຍັງ​ເຫລື​ອຢູ່ ​ເພື່ອ​ໃຫ້​ໄດ້ຮັບ​ການສະ​ເໜີ​ຊື່​ແຕ່ງຕັ້ງຂອງ​ພັກຣີພັບ​ບລີ​ກັນ. ​ໃນ​ເດື​ອນມີນາ​ທ່ານ Romney ກ່າວ​ວ່າ “ຖ້າ​ທ່ານ Trump ຫາກ​ປະກາດ​ໃຊ້ ​ແຜນການ​ເສດຖະກິດຂອງ​ທ່ານ ສະຫະລັດ​ ຈະ​ປະ​ເຊີນ​ກັບ​ສະພາບ​ເສດຖະກິດ​ຖົດຖອຍທີ່ແກ່ຍາວ ​ແລະ​ ກ່ຽວ​ກັບນະ​ໂຍບາຍການ​ຕ່າງປະ​ເທດ​ນັ້ນ ທ່ານ Trump ​ແມ່ນ​ບໍ່​ສະຫລາດ​ເລີຍ.”

ປະທານາທິບໍດີ ທີ່ໄດ້ຮັບເລືອກໃໝ່ ທ່ານ Donald Trump (ກາງ) ຮັບປະທານອາຫານຄ່ຳ ຮ່ວມກັບທ່ານ Mitt Romney (ຂວາ) ແລະຫົວໜ້າ ທີ່ປຶກສາຂອງທຳນຽບຂາວ ທ່ານ Reince Priebus ທີ່ຮ້ານອາຫານ Jean-Georges (29 ພະຈຶກ 2016)
ປະທານາທິບໍດີ ທີ່ໄດ້ຮັບເລືອກໃໝ່ ທ່ານ Donald Trump (ກາງ) ຮັບປະທານອາຫານຄ່ຳ ຮ່ວມກັບທ່ານ Mitt Romney (ຂວາ) ແລະຫົວໜ້າ ທີ່ປຶກສາຂອງທຳນຽບຂາວ ທ່ານ Reince Priebus ທີ່ຮ້ານອາຫານ Jean-Georges (29 ພະຈຶກ 2016)

ແຕ່​ໃນ​ວັນ​ອັງຄານ​ວານ​ນີ້ ທ່ານ Romney ຊຶ່ງ​ເປັນ​ນຶ່ງ​ໃນ​ບັນດາ​ຜູ້​ທີ່ໄດ້​ຮັບ​ການ​ພິຈາລະ​ນາ​ທີ່​ຈະ​ເຂົ້າກຳ​ຕຳ​ແໜ່​ງ​ເປັນລັດຖະມົນຕີ​ການ​ຕ່າງປະ​ເທດ​ເວລາ​ທ່ານ Trump ​ເຂົ້າຮັບ​ໜ້າ​ທີ່ ​ໃນ​ເດືອນ​ມັງກອນນັ້ນ ທ່ານ Romney ກ່າວ​ວ່າ ທ່ານ​ມີຄວາມ​ປະ​ທັບ​ໃຈ​ຕໍ່​ຄະນະ​ໂອນ​ອຳນາດ​ຂອງ​ທ່ານ Trump ​ແລະ​ການ​ເລືອກ​ເອົາ ຄະນະ​ລັດຖະບານ​ຂອງ​ທ່ານ ​ມາ​ຈົນ​ຮອດ​ປັດຈຸບັນນີ້. ທ່ານ Romney ທີ່​ເສຍ​ໄຊ​ໃນ​ການ​ເລືອກ​ຕັ້ງປະທານາທິບໍດີ ໃນ​ປີ 2012 ​ໃຫ້​ແກ່​ທ່ານບາຣັກ ​ໂອ​ບາ​ມານັ້ນຍັງ​ໄດ້​ກ່າວ​ຢ້ຳ​ ໃນ​ອັນ​ທີ່​ທ່ານ​ເອີ້ນວ່າ “ມີ​ເນື້ອ​ໄນ​ຂອງ​ການ​ຮວມ​ເອົາ​ທຸກ​ພັກ​ຝ່າຍ ​ແລະ​ນຳ​ເອົາ​ຜູ້​ຄົນ​ມາ​ເຂົ້າກັນ.”

ທ່າ​ນ Romney ກ່າວ​ຕໍ່​ພວກ​ນັກ​ຂ່າວ​ວ່າ “ຂ້າພະ​ເຈົ້າຄິດ​ວ່າ ທ່ານ​ຄົງ​ຈະ​ເຫັນອາ​ເມຣິກາ​ຍັງ​ສືບ​ຕໍ່​ເປັນ​ຜູ້​ນຳພາ​ໂລກ​ໃນ​ສັດຕະວັດ​ນີ້ ​ແລະ​ສິ່ງ​ທີ່​ຂ້າພ​ະ​ເຈົ້າ​ໄດ້ເຫັນ​ ໂດຍ​ຜ່ານ​ການ​ສົນທະນາ​ເຫຼົ່ານີ້ ທີ່​ຂ້າພະ​ເຈົ້າ​ໄດ້​ມີກັບ​ປະທານາທິບໍດີ​ທີ່​ໄດ້​ຮັບ​ເລືອກ​ໃໝ່ ທ່ານ Trump ພ້ອມໆ​ກັບ​ສິ່ງ​ທີ່​ຂ້າພະ​ເຈົ້າ​ໄດ້​ເຫັນ​ໃນ​ຄຳ​ປາ​ໄສຂອງ​ທ່ານໃນ​ຄ່ຳ​ຄືນ​ຂອງ​ການ​ໄດ້​ຮັບ​ໄຊ ຊະນະ ຕະຫຼອດ​ທັງ​ພວກ​ທີ່​ທ່ານ​ໄດ້ເລືອກ​ເອົາ​ ໃນ​ຄະນະ​ໂອນ​ອຳນາດ​ຂອງ​ທ່ານ ສິ່ງ​ເຫຼົ່າ ນັ້ນທັງ​ໝົດ​ຮວມກັນ​ແລ້ວ ​ເຮັດໃຫ້​ຂ້າພະ​ເຈົ້າມີ​ຄວາມ​ຫວັງ​ເພີ້ມຂຶ້ນວ່າ ປະທານາທິບໍດີ​ທີ່​ໄດ້​ຮັບ​ເລືອກ​ໃໝ່ ທ່ານ Trump ​ເປັນ​ບຸກຄົນ​ຜູ້​ທີ່​ສາມາດ​ນຳພາ​ພວກ​ເຮົາ​ໄປ​ສູ່​ອະນາຄົດ ​ທີ່​ດີກ​ວ່າເກົ່າ.”

ລັດ​ຖະມົນຕີ​ການ​ຕ່າງປະ​ເທດ​ເປັນນຶ່ງ​ໃນ​ຕຳ​ແໜ່​ງທີ່​ສຳຄັນສຸດ ທີ່​ທ່ານ Trump ຍັງ​ບໍ່​ທັນ​ປະກາດ​ການ​ແຕ່ງຕັ້ງ​ເທື່ອ. ນອກ​ຈາກ​ທ່ານ Romney ​ແລ້ວ ບຸກຄົນອື່ນໆ​ທີ່​ກຳລັງໄດ້​ຮັບ​ການ​ພິຈາລະ​ນາ ​ກໍ​ມີ​ຮວມທັງ ອະດີດ​ເຈົ້າຄອງ​ນະຄອນ​ນິວຢອກ ທ່ານ Rudy Giuliani, ສະມາຊິກ​ສະພາ​ສູງ​ຈາກ​ລັດ​ເທັນ​ເນັສຊີ ທ່ານ Bob Corker ​ແລະ​ນາຍ​ພົນ​ເບ້ຍ​ບຳນານ David Petraeus ຊຶ່ງ​ຄັ້ງນຶ່ງເຄີຍ​ເປັນ​ຫົວໜ້າ​ອົງການ​ສືບ​ລັບ​ຊິ​ໄອ​ເອ.

​ໃນ​ຕອນ​ເຊົ້າ ຂອງ​ວັນ​ອັງຄານ​ວານ​ນີ້ ທ່ານ Trump ຍັງ​ໄດ້​ເລືອກ​ເອົາ​ສະມາຊິກສະພາ​ ຕ່ຳຈາກ​ລັດ​ຈໍ​ເຈຍທ່ານ Tom Price ​ເປັນລັດຖະມົນຕີ​ກະຊວງ​ສາທາລະນະ​ສຸກ​ແລະ​ບໍ​ລິການ​ມະນຸດ ​ແລະ​ເປັນ​ຜູ້ນຳ​ພາ​ໃນ​ການ​ດຳ​ເນີນ​ຄວາມ​ພະຍາຍາມຂອງ​ລັດຖະບານ​ທີ່ ​ຈະ​ຍົກ​ເລີກ ​ແລະ​ທົດ​ແທນ​ກົດໝາຍ​ຮັກສາ​ສຸຂະພາບ​ທີ່​ເປັນ​ລາຍ​ເຊັນ​ຂອງ​ທ່ານ​ໂອ​ບາ​ມານັ້ນ.

Trump Transition
please wait
Embed

No media source currently available

0:00 0:00:59 0:00

Once among his fiercest critics, former Massachusetts Governor Mitt Romney praised U.S. President-elect Donald Trump after the two men had dinner Tuesday night, calling their discussions "enlightening and interesting and engaging."

Those remarks came nine months after Romney gave a blistering speech supporting Trump's remaining competitors in the race for the Republican Party nomination.In March Romney said if Trump enacted his economic plans, the country would go into a "prolonged recession, and that on foreign policy Trump is "very, very not smart."

But on Tuesday, with Romney among those being considered for the position of secretary of state when Trump takes office in January, Romney said he was impressed by the Trump transition effort and his Cabinet choices so far.Romney, who lost the 2012 presidential election to Barack Obama, also highlighted what he called a "message of inclusion and bringing people together."

"I think you're going to see America continuing to lead the world in this century, and what I've seen through these discussions I've had with President-elect Trump as well as what we've seen in his speech at the night of his victory, as well as the people he's selected as part of his transition, all of those things combined give me increasing hope that President-elect Trump is the very man who can lead us to that better future," Romney told reporters.

Secretary of state is one of the most high profile positions for which Trump has not yet announced a nominee.In addition to Romney, the others believed to be under consideration include former New York City Mayor Rudy Giuliani, Tennessee Senator Bob Corker, and retired General David Petraeus, who also once led the Central Intelligence Agency.

Earlier Tuesday, Trump selected Georgia Representative Tom Price to lead the Department of Health and Human Services and lead the administration's efforts to repeal and replace Obama's signature healthcare legislation.

"Price, a renowned physician, has earned a reputation for being a tireless problem-solver and the go-to-expert on health care policy, making him an ideal choice to serve in this capacity," Trump said.

Price says he wants a healthcare system that works for patients, families and doctors and leads the world in curing and preventing sickness.

The Affordable Care Act, also known as Obamacare, helped millions of people get health coverage and eliminated things like denials based on pre-existing conditions and limits on the amount of care a person could receive.But premiums under the program have gone up sharply for many people and the program unpopular with many Republicans has been a key target for reforms.

Trump and many members of Congress have long said they will work to replace Obamacare, but have not given much in the way of specific changes they would make.

Trump's other Cabinet pick announced Tuesday was former Labor Department Secretary Elaine Chao as his choice to head the Department of Transportation.

"Secretary Chao's extensive record of strong leadership and her expertise are invaluable assets in our mission to rebuild our infrastructure in a fiscally responsible manner," he said.

Chao was born in Taiwan and was labor secretary under President George W. Bush. She was the first Asian-born woman ever to serve in a U.S. president's Cabinet.

She says Trump has a "clear vision" on how to rebuild the nation's crumbling infrastructure, such as bridges and highways, and create good-paying jobs.

But the president-elect also plans big tax cuts and it is unclear how he would fund such massive rebuilding projects.

Just like all Cabinet appointees, Price and Chao need U.S. Senate approval.

The incoming Senate Democratic leader, New York's Chuck Schumer, immediately signaled his opposition to Price, calling him "far out of the mainstream of what Americans want" for programs to help older people, women, families and those with disabilities.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG