ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານ Mueller ຖືກແຕ່ງຕັ້ງ ເປັນໄອຍະການ ພິເສດ ສືບສວນການ​ແຊກ​ແຊງ​​ ຂອງຣັດເຊຍ


ອະດີດ​ຜູ້ອຳນວຍການ ​ຂອງ​ອົງການ​ສັນຕິ​ບານ​ກາງ ຫຼື FBI ທ່ານ Robert Mueller ນັ່ງຟັງຄຳໃຫ້ການທີ່ລັດຖະສະພາ ຢູ່ວໍຊີງຕັນ, 13 ພຶດສະພາ 2013.
ອະດີດ​ຜູ້ອຳນວຍການ ​ຂອງ​ອົງການ​ສັນຕິ​ບານ​ກາງ ຫຼື FBI ທ່ານ Robert Mueller ນັ່ງຟັງຄຳໃຫ້ການທີ່ລັດຖະສະພາ ຢູ່ວໍຊີງຕັນ, 13 ພຶດສະພາ 2013.

ໃນ​ການ​ເຄື່ອນ​ໄຫວທີ່​ບໍ່​ຄາດ​ຄິດ ອະດີດ​ຜູ້ອຳນວຍການ​ຂອງ​ອົງການ​ສັນຕິ​ບານ​ກາງ
ຫຼື FBI ໄດ້​ຖືກ​ແຕ່ງຕັ້ງ ​ໃນ​ວັນ​ພຸດ​ວາ​ນີ້ ​ໃຫ້​ເປັນ​ໄອ​ຍະ​ການ​ພິ​ເສດ ​ທີ່​ຈະກຳກັບ​ໃນ​ເລື່ອງ​
ການສືບສວນ​ ກ່ຽວ​ກັບ “ຄວາມ​ພະຍາຍາມຂອງລັດຖະບານຣັດ​ເຊຍ ທີ່​ຈະ​ແຊກ​ແຊງ
ເຂົ້າໃນ​ການເລືອກ​ຕັ້ງ​ປະທານາທິບໍດີ ປີ 2016 ​ແລະ​ເລື່ອງທີ່ກ່ຽວຂ້ອງ​ອື່ນໆ,”
ອີງ​ຕາມ​
ກະຊວງ​ຍຸຕິ​ທຳ​ຂອງ​ສະຫະລັດ.

ການ​ແຕ່ງ​ຕັ້ງ​ໃຫ້ທ່າ​ນ Robert Mueller ​ເປັນ​ທະນາຍຄວາມ​ພິ​ເສດ ທີ່​ຮູ້​ກັນອີກ​ຊື່​ນຶ່ງ​ວ່າ​
ແມ່ນ ໄອ​ຍະ​ການ​ພິ​ເສດນັ້ນ ທີ່​ບໍ່​ໄດ້​ໝາຍ​ຄວາມ​ວ່າ “​ໃຫ້​ຊອກ​ຄົ້ນ​ຫາ ການ​ກະທຳ​ຜິດ​
ທີ່ໄດ້​ເກີດຂຶ້ນ​ ​ຫຼື​ການ​ຟ້ອງ​ຮ້ອງ​ໃດໆ​ແມ່ນ​ໄດ້ຮັບ​ການ​ຄ້ຳປະກັນ​ແລ້ວ”
ນັ້ນຄື​ການໃຫ້
​ຄຳ​ອະທິບາຍ ​ຂອງທ່ານ Rod Rosenstein ຮອງ​ລັດຖະມົນຕີ​ຍຸຕິ​ທຳສະຫະລັດ ຜູ້​ຊຶ່ງ
ໃນ​ໄລຍະສອງ​ສາມມື້ ຜ່ານ​ມານີ້ ໄດ້​ສະ​ແດງ​ອອກຊຶ່ງ​ຄວາມ​ສົງ​ໄສກ່ຽວ​ກັບ​ຄວາມຈຳ​ເປັນ
​ໃນ​ການ​ແຕ່ງຕັ້ງຜູ້ສືບສວນທີ່​ເປັນ​ອິດສະຫຼະ​ແບບ​ນີ້​.

ປະທາ​ນາທິບໍດີດໍ​ໂນ​ລ ທຣຳ ຍົກມື ໃນຂະນະທີ່ຍ່າງເຂົ້າໄປ ໃນສະໜາມຫຍ້າທາງທິດໃຕ້ ຂອງທຳນຽບຂາວ ໃນວໍຊີງຕັນດີຊີ ກ່ອນທີ່ຈະອອກເດີນທາງ ໄປຍັງ Groton, Connecticut, 17 ພຶດສະພາ, 2017.
ປະທາ​ນາທິບໍດີດໍ​ໂນ​ລ ທຣຳ ຍົກມື ໃນຂະນະທີ່ຍ່າງເຂົ້າໄປ ໃນສະໜາມຫຍ້າທາງທິດໃຕ້ ຂອງທຳນຽບຂາວ ໃນວໍຊີງຕັນດີຊີ ກ່ອນທີ່ຈະອອກເດີນທາງ ໄປຍັງ Groton, Connecticut, 17 ພຶດສະພາ, 2017.

​ ​ທ່ານ Rosenstein ໄດ້​ກ່າວ​ເພີ່ມ​ຕື່ມວ່າ “ສິ່ງ​ທີ່​ຂ້າພະ​ເຈົ້າ​ພິຈາລະນາ ​ແມ່ນ​ເປັນ​
ພື້ນຖານ​ພາຍ​ໃຕ້​ສະຖານະ​ການ​ພິ​ເສດ ຜົນ​ປະ​ໂຫຍ​ດຂອງ​ປະ​ຊາ​ຊົນ​ແມ່ນ​ຮຽກຮ້ອງ
ໃຫ້​ຂ້າພະ​ເຈົ້າ​ ມອບ​ໝາຍເລື່ອງ​ການ​ສືບສວນນີ້ ​ໃຫ້​ຢູຸ່ພາຍ​ໃຕ້ອຳນາດຂອງ​ບຸກຄົນ ​
ທີ່​ມີ​ຄວາມ​ພຽບພ້ອມທີ່​ເປັນ​ອິດສະຫຼະຢ່າງ​ແທ້ຈິງ ​ໄປ​ຈາກສາຍອຳນາດບັງຄັບບັນ
ຊາແບບ​ປົກກະຕິນັ້ນ.”

ໂດຍ​ບໍ່​ໄດ້​ກ່າວ​ເຖິງ​ການ​ແຕ່ງ​ຕັ້ງທ່າ​ນ Mueller, ປະທາ​ນາທິບໍດີດໍ​ໂນ​ລ ທຣຳ ​
ໃນ​ຖະແຫຼງການ​ ​ສະບັບ​ນຶ່ງ ກ່າວ​ວ່າ “ການ​ສື​ບສວນ​ຢ່າງ​ລະອຽດ ຈະໃຫ້ການ​ຢືນ​ຢັນ​
ໃນ​ສິ່ງ​ທີ່​ພວກ​ເຮົາ​ຮູ້​ກັນຢູ່​ແລ້ວວ່າ...ມັນ​ບໍ່​ໄດ້​ມີ​ການ​ສົມຮູ້​ຮ່ວມ​ກັນ ລະຫວ່າງຄະນະ​
ໂຄສະນາ​ຫາ​ສຽງ​ຂອງ​ຂ້າພະ​ເຈົ້າ ​ແລະ​ໜ່ວຍ​ງານ​ຕ່າງປະ​ເທດ​ໃດໆ. ຂ້າພະ​ເຈົ້າ​
ຫວັງ​ວ່າ​ເລື່ອງດັ່ງກ່າວ​ນີ້ ຈະ​ສິ້ນສຸດ​ລົງ​ໂດຍ​ໄວ.”

Former FBI Chief to Lead Russia Inquiry
please wait

No media source currently available

0:00 0:01:44 0:00

ຫຼັງ​ຈາກ​ທີ່​ໄດ້ມີ​ການ​ປະກາດ​ກ່ຽວ​ກັບ​ການ​ແຕ່ງ​ຕັ້ງທ່ານ​ແລ້ວ ທ່ານ Mueller ​ໄດ້​ກ່າວ​ວ່າ
“ຂ້າພະ​ເຈົ້າ ​ຂໍ​ຮັບ​ເອົາ​ຄວາມ​ຮັບຜິດຊອບນີ້ ​ແລະ​ຈະ​ປະຕິບັດ​ໜ້າ​ທີ່​ໃຫ້​ດີ​ທີ່​ສຸດ​ເທົ່າ
ທີ່​ຂ້າພະ​ເຈົ້າສາມາດ​ເຮັດ​ໄດ້.”

ທ່ານ Mueller ໄດ້​ດຳລົງ​ຕຳ​ແໜ່​ງ​ເປັນ​ຫົວໜ້າຂອງອົງ​ການ FBI​ ເປັນ​ເວລາ 12 ປີ
ຈົນ​ເຖິງ ປີ 2013. ​ທ່ານ James Comey​ ​ໄດ້​ເຂົ້າຮັບ​ຕຳ​ແໜ່​ງ​ແທນ​ທ່ານ ​ແລະ​ໄດ້​ຖືກ​
ປົດ​ ​ໃນ​ສັບປະດາແລ້ວໂດຍ​ທ່ານ​ທຣຳຊຶ່ງການ​ເຄື່ອນ​ໄຫວ​ນີ້ໄດ້ກໍ່ໃຫ້​ເກີດ​ພາຍຸ​ການ​ເມືອງ​.

ສະມາຊິກສະພາສູງ ທ່ານ Richard Burr ສັງກັດພັກ Republican ຈາກລັດ NC ກ່າວທີ່ກອງປະຊຸມຖະແຫຼງຂ່າວ ທີ່ລັດຖະສະພາ ທີ່ ວໍຊີງຕັນ ດີຊີ.,13 ມັງກອນ, 2015.
ສະມາຊິກສະພາສູງ ທ່ານ Richard Burr ສັງກັດພັກ Republican ຈາກລັດ NC ກ່າວທີ່ກອງປະຊຸມຖະແຫຼງຂ່າວ ທີ່ລັດຖະສະພາ ທີ່ ວໍຊີງຕັນ ດີຊີ.,13 ມັງກອນ, 2015.

ທ່ານ Evan Siegfried ນັກວິ​ໄຈ​ທາງ​ການ​ເມືອງ​ຂອງ​ພັກ Republican ​ໄດ້​ບອກກັບ
VOA ວ່າ ຈົນເທົ່າ​ມີການ​ແຕ່ງ​ຕັ້ງ​ຂອງ​ທ່ານ Mueller “ກຽດ​ສັກ​ສີແມ່ນ​ສູນ ​ໃນ​ການ​
ສືບສວນ​ນີ້.​”

​ທ່ານໄດ້​ອະທິບາຍ​ເພີ່ມ​ຕື່ມ​ວ່າ ທ່ານ Mueller ຈະ​ຖືກ “​ໂດດດ່ຽວ​ຢ່າງ​ສິ້ນ​ເຊີງ​ຈາກ​
ກະຊວງຍຸຕິ​ທຳ​ແລະ​ອົງການ FBI​. ທ່ານມີງົບປະມານ​ຂອງ​ທ່ານ, ທ່ານຈະ​ສາມາດ
ຈ້າງ​ພະນັກງານ​ຂອງ​ທ່ານ​ເອງໄດ້ ​ແລະ​ທ່ານ​ຍັງ​ສາມາດກຳຈັດ​ພະນັກງານອົງການ
FBI​ ​ທີ່​ທ່ານ​ບໍ່ຕ້ອງການກໍ​ໄດ້,”
​ແລະທ່ານ​ກໍ​ຈະສາມາດ​ດຳ​ເນີນ​ການ​ສືບສວນ​ໄປ​ເຖິງ​ໃສ
ກໍ​ຕາມ ​ເທົ່າ​ມີ​ມັນ​ຈະ​ນຳພາໄປ​ນັ້ນ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ສະມາຊິກສະພາຕ່ຳ ທ່ານ Peter King, ສັງກັດພັກ Republican ຈາກລັດ N.Y. ກ່າວຕໍ່ພວກນັກຂ່າວທີ່ ລັດຖະສະພາ ໃນວໍຊີງຕັນດີຊີ ຫຼັງຈາກກອງປະຊຸມຂອງຜູ້ນຳສະພາຕ່ຳ, 15 ມັງກອນ, 2016.
ສະມາຊິກສະພາຕ່ຳ ທ່ານ Peter King, ສັງກັດພັກ Republican ຈາກລັດ N.Y. ກ່າວຕໍ່ພວກນັກຂ່າວທີ່ ລັດຖະສະພາ ໃນວໍຊີງຕັນດີຊີ ຫຼັງຈາກກອງປະຊຸມຂອງຜູ້ນຳສະພາຕ່ຳ, 15 ມັງກອນ, 2016.

XS
SM
MD
LG